# Page ini 15/5, pak Hà Nội, hu peih mbang nyaom ka 28 di Ủy ban Thường vụ Quốc hội. Ini lac mbang nyaom piah kuhria caga ka mbang nyom 7, Quốc hội mbang 13. Pak mbang nyaom, Ủy ban thường vụ Quốc hội meda brei panuac ka dom harak pathau khan pabak di Raja-ei taong yaom bruk peih ngak danak dak patagok kinh tế - xã hội saong kadung jien Karja thun 2013; bruk peih ngak danak dak patagok kinh tế-xã hội saong kadung jien Karja dom bilan akaok thun 2014; Bruk kuhria caga ka mbang nyom 7, Quốc hội mbang 13. Dalam bruk pasang iek, Ủy ban thường vụ Quốc hội meda pang kapul pasang iek khan brei thau bruk peih ngak sarak, hukum patrun kathaot tukvak 2005-2012; saong dom kein laba di bruk kinh tế, xã hội pagam haong bruk khik kajap an ninh, quốc phòng di 2 dự án bô-xit Tân Rai saong Nhân Cơ do Tập đoàn Công nghiệp Than - Khoáng sản Việt Nam ngak po đầu tư …

# Ngak tui Danak dak ngak bruk dalam khóa, meng harei 8/5 tal harei 14 bilan 5 thun 2014, di Ban ine Hà Nội, Ban Chấp hành Trung ương Đảng mbang XI hu peih mbang nyom ka 9 piah ginum biai, brei panuac ka bruk Pataom iek veik bruk peih ngak Sarak Trung ương 5 mbang 8 ka bruk dak padang saong cak rok patagok ilamu Viet Nam tiên tiến, mbak carak ilamu bangsa; Đề cương dom harak gal pok tagok Nyaom roya XII di Đảng; tacei pato nyoam roya dom pakat, pamaong tal Nyaom roya XII di Đảng; Quy chế palih ruah dalam Đảng; bruk mek phiếu tín nhiệm tui Sarak Trung ương 4 mbang XI ka bruk dak padang Đảng; ptaom iek veik bruk ngak iek oh padang Hội đồng bhap bini huyện, quận, phường saong dom bruk dom kadha praong karei. Hadei di 7 harei ngak bruk dalam sami samar, njuak tukvaksaong hu trach nhiệm, Nyaom biai mbang 9 di Ban Chấp hành Trung ương hu ngak salah blaoh taong abih dom asar kadha di danak dak ba tabiak. Trung ương hu pasang iek, brei panuac saong ba tabiak jalan ngak ka rilo bruk karei karei.  Ban Chấp hành Trung ương biak njauk hatai brei tapa sarak di Nyaom biai. Nyaom biai tamat di biar harei kabroi 14 bilan 5.

 # Pak Nyaom biai Trung ương mbang ka 9, Ban Chấp hành Trung ương tui iek catang bruk daok rah tabiak, pang pathau khan di dom jabat chức năng ka bruk peih ngak dom jalan ba, jalan ngak di drei phản đối, ndok gah Trung Quốc brei padeih bruk padang giàn khoan Hải Dương 981 dalam bhum tasik di taneh aia drei saong hu panuac lac: Đảng, bhap bani, bol lin drei sa hatung hatai haong gauk, khang hatai khik caga độc lập, chủ quyền saong bhum taneh di palei negar; langyah dom kadha daok meriak gauk tui jalan hoà bình, tui adat hukum dunya, dalam nan hu Công ước Liên hợp quốc ka Hukum tasik thun 1982, Tuyên bố ka ứng xử di dom gah pak bhum tasik (DOC) saong dom panuac sanya di urang pal akaok negar Việt Nam - Trung Quốc; taphia di nan khik kajap hòa bình, grap tanat piah cakrok patagok khang kajap taneh aia.

 # Cục khik iek tasik, Mentri Ngak nong saong patagok palei pala brei thau, harei kabroi 14 bilan 5, gah Trung Quốc brei pabak veik 4 giali quân sự, 2 kapal haok mesruh  saong dom gilai taong chap ikan daok atah di pulao Lý Sơn labaih 60 hải lý. Gah Viet Nam hu tuan băng rôn, biểu ngữ, pandar loa pathau khan meng sap Việt , sap Trung, iew gah Trung Quốc ba gian khoan tabiak truh bhum tasik di Viet Nam. Yau nan min, dom gilai di trung Quốc daok peih vói pruh ia, glam pandap khang tame gah khik iek tasik ikan saong cảnh sát khik tasik di Việt Nam. 

# Biar harei (14/5), pak bal raya Hồ Chí Minh, Ủy ban Mặt trận negar bal raya hu peih bruk rik daong brei ka urang taong ikan, cảnh sát tasik saong kiểm ngư daok ngak bruk angaok tasik, khik caga quyền ngak pô di taneh aia. Hadei di tuk peih bruk, hu 54 kapul nyaom, menuac urang dalam bal raya, dalam nan hu dom gilang pariak, doanh nghiệp, đơn vị, cá nhân tut angan tame rik daong jaik 9 tỷ đồng. Dalam nan, jien rik tapak labik nan hu labaih 500 triệu đồng. Ini lac bruk ngak brei mboh hatai ranam, trách nhiệm di drei dalam bruk mesruh metak khik caga chủ quyền palei negar, daong pandap panda, tinh thần ka bhap bani, bol lin langiu tasik di negar.

 # Anak bruk Trung Quốc ba gian khoan Hai Duong 981 saong rilo gilai tame bhum tasik di Viet Nam, page harei kaboi 14 bilan 5, dom halau janieng, tín đồ dom agama tỉnh Bắc Ninh hu peih bruk ndem biai phản đối bruk ngak suan di Ttung Quoc. Ralo dom halau janieng, chức việc, urang tui agama mai meng  Giáo hội phật giáo, Tòa giám mục saong dom xứ họ đạo dalm tỉnh Bắc Ninhbrei mboh bruk pandik hatai anak bruk Trung Quốc ba gian khoan suan hukum tame bhum tasik di Viet Nam.

# Jeng dalam harei kabroi 14/5, Liên hiệp dom kapul nyaom ilamo Việt Nam lambaok ka dom văn nghệ sĩ Việt Nam hu tabiak panuac phản đối khang bruk ngak suan di gah Trung Quốc, pandar Trung Quốc ba giàn khoan Hải Dương 981 saong dom sruh gilai hộ tống, kapal haok quân sự tabiak truh bhum tasik di  Việt Nam, oh peih ngak dom bruk yau nan dalam bhum tasik di Việt Nam. Liên hiệp dom kapul nyaom ilamo Việt Nam jeng pok sap ieu raja-ei dom negar, dom kapul nyaom dunya, dom văn nghệ sĩ, dom học giả, trí thức saong bhap bani dom taneh aia njauk ba gauk pok sap ndok Trung Quốc iek prong adat hukum dunya, ba gauk dak padang, khik iek sron mbon, grap tanat saong patagok.

Khaw tin dunya:

# “Dom bruk ngak suan trak njauk ngak cagar veik”. Nan lac kadha di harak pathau khan di Hội hữu nghị Pháp – Việt len án dom bruk ngak suan di Trung Quoc pak Bien Dong. Panuac di hội hữu nghị Pháp Việt hu ndem cambaic laiac, Dom bruk thaok gauk trak rah tabiak meng harei 2/5/2014 di labik tasik jaik kaoh pulao Tri Tôn, di pulao Hoàng Sa angaok Bien Dong, hadei di tuk hu mbaok gian khoan di trung Quoc, gam saong yaok pluh gilai. Labik ini di bhum taneh 143, ndih dalam bhum tasik di taneh ia Cộng hòa xã hội chủ nghĩa Việt Nam. Tổng thư ký hội hữu nghị Pháp Việt ong Patrice Jorland brei mboh jalan sahaneng di dom urang hoi saong dio dom bhap bini Pháp anit hòa bình, iek praong hukum, tuk halei jeng nao gam haong Việt Nam cagar veik dom bruk ngak suan di Trung Quốc pak bhum tasik di Viet Nam. Tổng thư ký hội hữu nghị Pháp Việt Patrice Jorland daok brei thau lac, harei ini 15 bilan 5, hội hu ginum biai chip piah langyah dom bruk ngak hadei di ini, pathau khan di harak mbao ka bhap bini Pháp thau cambaic ;laic jang ka bruk nan di tasik Bien Dong.

 # Harei kabroi, 14/5, pak bal ine Viêng chăn di Lào, Đại sứ quán Việt Nam peih mít tinh brei thau  dom bruk ngak suan di Trung Quốc pak bhum tasik di Viet Nam brei ka urang Việt Nam daok pak Lào thau. Jaik 1000 mikva Việt kiều, dom ong bhik, urang ngak Việt Nam daok ngak bruk saong diuk rai pak Lào, Kapul nyaom urang Việt bal ine Viêng Chăn, Kapul nyaom dom doanh nghiệp Việt Nam pambuak bruk buh jien tame ngak mbang pak Lào jeng hu mbaok. Pak van mít tinh, mikva brei mboh hatai saneng di drei nan lac njauk hatai haong kadha ndom puac di Thủ tướng Nguyễn Tấn Dũng pak Nyaom biai pakat glaong ASEAN mbang ka 24, taphia di nan, mboh pandiak hatai anak bruk ngak oh njauk di Trung Quốc saong ndom lac: Trung Quốc oh lac ngak suan adat hukum dunya, lih tame chủ quyền taneh aia Việt Nam bo daok nao cagar veik kein laba di bhap bani Trung Quốc, daok ngak jhak nao thaik binguk urang Trung Quốc saong taneh aia Trung Hoa dalam hatai di manuac sia dunya.

 # Thượng viện Thái Lan, jabat hukum hu ginup chức năng urak ini di Thái Lan, daok kham merat duah jalan ba taneh ia tabiak truh bruk sraw kadau gah chính trị rah tabiak suia lavik. Dom urang trun jalan daok ngak catang piah pajaleih rajaei, dalam tuk nan dom urang tui karja jeng jak gauk trun jalan tuần hành, ba tal bruk meriak gauk khang, mbuan rah tabaik bruk mesruh metak di Thái Lan. Thượng viện Thái Lan uraknini hu ginup prein khang tacei pato Thủ tướng tạm quyền Thái Lan, min jabat ini jeng daok caik hatai sangka glaong piah pacang caga sa bruk taong paoh gauk khang di 2 gah tui saong cagar veik rajaei./.