Khaw tin 10h30 -14h30, harei 16/5

          # Mesup harei 16/5, di HN, Ban Bí thư Trung ương Đảng peih nyaom biai tapak tamat bruk 5 thun peih ngak Chỉ thị 03 di mintri chính trị ka bruk jhul pakhang bruk bac megru song ngak tui jalan diukrai hadah krah siam mekre di HCM song peih ngak sarak bahrau di mintri chính trị. Hadei di 5 thun peih ngak Chỉ thị 03 di mintri Chính trị ka “bac megru song ngak tui jalan diukrai hadah krah siam mekre di HCM’ urak ni mek hu rilo jak jeng. Hadei di tuk peih ngak hu yaok rituh kapul, menuac urang jeng naih gheih, kreik camin hadah krah ka đạo đức, hatai sahaneng yam tapa kan kandah, patagok dalam XH, jhul pakhang talei jum pataom, pakacah gauk anit ranam taneh ia dalam kapul nyaom XH di taneh ia

             # Tal bair harei 15/5, bruk pilih ruah urang jakar ka Quốc hội mbang XIV saong hoi dong bhapbini 3 pakat hu peih ngak aval dahlau di 3 xã kan kandah, huyện tapeng negar Mường Tè, tỉnh Lai Châu lac Tà Tổng, Tá Bạ saong Mù Cả hu salah siam, hu labaih 99% tỷ lệ cử tri đi nao pilih ruah...Ông Nguyễn Tiến Tăng brei thau :  Hadei tuk salah mbang pilih ruah, dom Tổ pilih ruah, dom labik pilih ruah samal tổng hợp tui quy định. Abih di nyu nan lac, dom labik ini, thông tin liên lạc jeng hu kan kandah, yau nan ye kol dahlak pandar dom labik pilih ruah samal tổng hợp dom số liệu, ba nao tal dom labik riyak thông tin liên lạc siam lagaih, piah khan brei thau sơ bộ mbang pilih ruah samal abih, piah uy mban pilih ruah thau hu bruk.

# Jeng dalam 2 harei, kapul tui iek  liên hợp ka 1 di tỉnh Quảng Ninh chap mek hu gam gam  3 mbang pajeng ba pandap nhập lậu, samar pacang cakak rilo janih pandap mbang mỹ phẩm oh thau asar di nyu tame tỉnh. Mesup harei 15/5, di labik ni, yaok rituh klaoh mỹ phẩm song pandap mbang menyum hu klak veik tuk dom urang pataom pandap duah mboh gah chức năng. Tong abih tih pandap mek hu dalam mbang ni hu 126 lọ dầu xả tóc hiệu Haneda, hu tuak baar meng Italya song hu cih vak meng sap Việt; 1900 tuýp mù tạt wasabi song 200 klaok kem trang điểm hiệu Ossi , dung tích 100ml/klaok. Gam song song sản phẩm ni lac tem, nhãn phụ. Tong abih tih pandap nan hu hu am cuh klak tui hukum di karja.

       # Tui harak khan brei thau di harei 14 bilan 5 di Mban Tacei ba bruk pacang caga bala meng langik tasik tỉnh Gia Lai, dom harei 12/5 saong 13/5 hu hajan praong, angin ribuk, tala taong di dom huyen : Chư Prông, huyện Chư Sê saong huyện Krông Pa. 1 urang metai kayua tala taong (tại xã Ia Lâu, huyện Chư Prông), 11 baok sang tayah tayaic abih saong 17 baok sang papaik tabung. Hadei mbang rabuk hangin hajan rah tabiak, karja dom puk palei hu trun tanhi ravang, động viên, daong saong brei kapul nao daong dom sang gaok khat lihik ramik pasiam, samal tani tanat raidiuk.

                #/ Kayua pandiak bhang dui atah, kuhria  caga ia daok kandaong veik dalam ribaong kraong, Sở ngak nong song patagok palei pala tỉnh Bình Thuận brei padeih bruk pala drak mblang taneh padai prong dalam bilan hè thu ni. Tal harei 10/6, meyah lac oh hu hajan atau hajan oh ginup ia ye tỉnh Bình Thuận brei padeih bruk pala drak labaih 30000 ha padai hè thu 2016. Ong Phạm Hữu Thủ, Trưởng phòng Nông nghiệp - Sở ngak nong song patagok palei pala tỉnh Bình Thuận lac: Meyah lac mik va tự phát, oh ngak tui tacei ba di puk palei, meda ba mai khat lihik ka mik va urang nong. Mik va patui nga ksiam panuac kakei di puk palei. Dom labik oh ginup ia lac oh pala drak. Tuk halei hu haja, mik va peih ngak bruk pala drak.

       # Di tỉnh Đồng  Nai, yaom pabui diuk trun meng 54 rabau đồng sa klilogram trun daok 50 tal 51 rabau đồng/sa kg.  Abih di nyu nan lac, pabui pablei tapa Trung Quốc bhian trak rilo jang meng 120 -160 kg,  yaom trun khang,  daok 48-49 rabau đồng.  Dahlau thiah, yaok harei dom urang blei hu blei meng 2 rabau tal 4 ribau drei pabui pablei tabiak Trung Quốc, jaik sa adit ini, dom urang blei padheih yau nan ye, lượng pabui daok kandon biak rilo. Hiệp hội raong glang tỉnh  Đồng  Nai kakei urang raong glang njauk kuhria bruk caik piah tapol, plaih laik tame kandon pabui trak kilogam.

           #/ Pahadar 126 thun harei menek Wa Ho, mesup harei 15/5, , Thành Đoàn ban raya Hồ Chí Minh peih bruk harei pataom urang gru jru anaih umo ngak tui panuac Wa, halan hatain kayua pren yava di bhap bini. Hadei di tuk peih ngak, dom kapul bác sỹ halan hatain hu nao tal bhum kan kandah piah iek ruak ka bhap bini. Dalam chiến dịch thun ni, som kapul bác sỹ ranaih umo ban raya HCM peih bruk pathau khan langyah pacang caga ruak ka 20 ribau urang, pathau khan ka bruk hacih saat pandap mbang, langyah pren yava ka 15 ribau dam dara, urang ngak, SV.

            Khaw tin dunya

       # Harak mbao Tấm gương (Der Spiegel) di Đức barau khan brei thau, rajaei liên bang taneh ia ini kuhria chi tal 93,6 tỷ ơrô (sumu 106,2 tỷ đôla Mỹ) piah daong urang tị nạn di 5 thun tal. Blah báo ini hu ba tabiak số liệu di mintri jien padai Đức brei thau, kadung jien daong urang tị nạn bo Đức chi yaok thun piah daong meda tagok tal 16,1 tỷ ơrô tal 20,4 tỷ ơrô meng thun ini tal thun 2020. Kadung jien ini pataom tame daong ka sang daok, pato sap ndom saong gam chi ka bruk duah thau makna ngak ka dom urang ini klak palei negar nao Đức likau tị nạn.

       #/ Dom harei tapa di Capuchia harei lei jeng hu rah tabiak hangin ribuk khang di rilo tỉnh ban dalam taneh ia. Trak di abih di dom tỉnh tapen tasik song bhum ceik. 2 bilan tapa rah tabiak labaih 100 mbang hangin khang ngak ka labaih 4000 boh sang jaleih song par tabung, 7 urang metai song 84 urang njauk rambuac./.

       # Harei 15-5, akak mintri Nội vụ Pháp Béc-na Ca-dơ-nơ-vơ (Bernard Cazeneuve)  sanya caga bruk taong paoh gauk patuh di dom mbang tabiak jalan phản đối dự luật cải cách urang ngak. Khan brei thau di mbang ravang ban Ren-nơ (Rennes), gah tây taneh ia Pháp, labik rah tabiak dom mbang tabiak jalan taong paoh gauk mesruh dự luật cải cách urang ngak di puac adit blaoh, akaok mintri Ca-dơ-nơ-vơ ndom cambaih gah an ninh daok dang anak ddi dom kapul nyaom cực đoan bạo lực peih mbang tabiak jalan ngan saong bruk ngak srau kadau, tayah rajaei saong dom gah Karja. Ông ndom lac oh tuk halei dung thứ ka dom bruk ngak yau nan./.