# Harei ini (24/11), Akaok negar Trương Tấn Sang saong hadiuk di gait gam haong kapul pakat glaong Việt Nam tabiak truh Hà Nội, togok jalan nao rivang pakat Karja negar Cộng hòa Liên bang Đức tui panuac daa di Tổng thống Cộng hòa Liên bang Đức Giô-a-khim Gau-cơ (Joachim Gauck). Ini lac mbang rivang pakat Karja akaok meti di Akaok negar Cộng hoà xã hội chủ nghĩa Việt Nam tal negar Đức yasa njauk tame tukvak pahadar 40 thun pambuak talei rohim di dua negar (1975-2015).

# Patui danak dak mbang nyaom ka 10, harei ni 24/11, QH hu ginum biai song brei tapa ril;o kadha prong, QH pang harak pathau khan ka harei bầu cử, padang hội đồng bầu cử pakat negar, pilih ruah urang ka QH mbang 14 song hội đồng bhap bini dom pakat tuk vak 2016- 2021, yaih khan menuac urang piah QH pok ngak Akaok hội đồng bầu cử pakat negar. Ginum biai, patabiak harei bầu cử song bruk padang hội đồng bầu cử pakat negar.

# Pak Hà Nội, Trung ương Kapul Chữ thập đỏ Việt Nam hu brei thau ka Dự án “Paglaong pren khang di dom pakat Kapul Chữ thập đỏ Việt Nam dalam khik iek rủi ro bala meng langik tasik saong sơ cấp cứu”. Dự án kayua Jabat patagok dunya Hoa Kỳ (USAID) daong brei, pataom tame patagok dom siam mekre bruk ngak di Kapul Chữ thập đỏ Việt Nam dalam pacang caga bala, khik kajap dom kapul pacang bala pakat tỉnh. Ngan haong phun jien jaik 500.000 USD, dự án hu peih ngak dalam vaktu meng harei 1/10/2015-31/3/2017.

# UB bhap bini tỉnh Thừa Thiên-Huế bahrau papok angan ka 12 xã mek hu tamut chuẩn palei pala bahrau, patagok xã mek hu tamut chuẩn di tỉnh tagok 18 xã, samu 20% tong abih xã. Hadei di 5 thun peih ngak danak dak pakat negar ka bruk padang ngak palei pala bahrau., Tỉnh Thừa Thiên Huế jak ba hu jiak 5000 tỷ đồng padang cơ sở hạ tầng, labik ilamu, patagok bruk ngak mbang.

# Pak bal Quy Nhơn (Bình Định), Mentri Công Thương Việt Nam pambuak haong Mentri Năng lượng Thái Lan peih  "Diễn đàn Năng lượng Việt Nam – Thái Lan mbang ka sa". Pak van peih pakak, Thứ trưởng Mentri Công Thương Cao Quốc Hưng, Akaok kapul urang lambaok Việt Nam hu panuac lac, bruk padang cơ chế đối thoại dalam gah năng lượng di Việt Nam saong Thái Lan nan lac bruk njauk ngak tui jalan talei rohim pambuak bruk dua gah dak harei dak khang kajap, pamaong tal pahadhar 40 thun padang talei rohim pambuak bruk di dua negar dalam thun 2016.

# Chị cục khik caga chất lượng kaya nong  kaya ikan kaya glai tỉnh Quảng Ngãi bahrau brei dom kapul nao pasang iek bruk hacih saat pandap mbang di 95 labik pablei salih kaya nong kaya ikan kaya glai dalam tỉnh. Mek mẫu kaya nong di dom darak pasa piah dut iek, duah thau dư lượng dom chất độc hại. Tapa nan, duah mboh 30% mẫu rilaow di dom darak pasa dalam uyện Tư Nghĩa, Mộ Đức song Đức Phổ njom khuẩn Samunera Ông Võ Văn Kỹ, akaok Chi cục khik iek chất lượng kaya nong kaya ikan Quảng Ngãi brei thau: Kol hulin hu dut iek dom janih pandap khik caga phun pala hu dư lượng  halei oh, dom janih rilaow hu chất cấm dok dalam rilaow halei oh. Hu 2 mẫu njam di pasa Bình Sơn hu jru khik caga phun pala song kol hulin hu khan, hu kakei mban khik ramik darak pasa saong khan tapak tal urang dok pablei salih di labik nan piah thau nyaik tuk blei njam piah pablei di darak pasa.

# Meng akaok thun tal ini, tỉnh Cà Mau hu labaih  1.030 urang njauk ruak pandiak tabiak darah, tagok 164% dut haong tukvak ini thun dahlau. Dalam nan, dua uranaih metai kayua ruak trak, amaik ame suai ba uranaih nan mai labik y tế cấp cứu, điều trị. Piah pacang caga jit ruak siam, dom sang iek ruak tuyến huyện saong tuyến tỉnh hu patagok manuac urang, pandap panda iek ruak, taneng ndih iek ruak, jru tavao… taduan mek cấp cứu, điều trị samar drah ka dom urang njauk trak, patakik urang ruak metai kayua ruak pandiak tabiak darah.

Patui di ni dom khau tin dunya

# Ấn Độ song  Malaysia meda patagok talei pambuak bruk gah quốc phòng – an ninh piah pacang khủng bố. Nan lac panuac di Thủ tướng Ấn Độ Na-ren-đra Mô-đi (Narendra Modi) hadei di tuk ginum biai song thủ tướng Malaysia Na-díp Ra-dắc (Najib Razak)

# Nyaom biai bhian thun mbang ka 49 di Kapul Pambuak bruk pato megru dunya Canada (CBIE) ngan haong kadha “Sanya dunya: yam tapa dom negar, pambuak pagam dom rai rah” hu rah tabiak pak tỉnh bang Ontario (Ôn-ta-ri-ô). Nyaom biai rah tabiak dalam 4 harei, meng 22 - 25/11,  hu mbaok di 700 urang lambaok mai meng yaok rituh sang bac đại học di Canada saong labaih 30 negar karei di gauk, dalam nan hu 5 negar Đông Nam Á nan lac Việt Nam, Indonesia, Philippines, Malaysia saong Singapore.

# Harei kabroi 23/11 takik di abih 10 urang metai song 20 urang karei njauk rambuac dalam sa mbang radaih paoh gauk di angaok jalan labik tỉnh Be-ni Xu-ê (Beni Suez), atah di ban ine  Cai-rô (Cairo), labaih 120 km nao gah meron. Tui dom urang kjakar ngak praong di Ai Cập, 2 sruh radeih tải phaoh  tame 5 radeih ô tô song sa radeih buýt sit di angaok jalan roya di gah pai  tỉnh Be-ni Xu-ê. Makna di nyu kayua urang peih radeih samar dalam tuk jalan bak ia kakua./.