# Harei ini, 25/11, Quốc hội ginum biai di hội trường ka bruk padang hukum saong menuac urang ka Hội đồng bầu cử Negar saong palih ruah Tổng thư ký Quốc hội. Bruk padang hukum, Quốc hội meda brei tapa 3 bộ Luật; Tố tụng dân sự (pasiam veik); hình sự (pasiam); hàng hải Việt Nam (pasiam) saong brei tapa dom hukum: Hukum tố tụng hành chính (pasiam veik); Hukum tạm khik, tạm giam; Hukum trưng cầu ý dân; Luật phí, lệ phí.

# Harei kabroi 24/11 di mblang bein Bạch Đằng, ban sit Sóc Trăng tỉnh Sóc Trăng hu rah tabiak bruk pakacah ghe ngo Sóc Trăng mbang ka 2, bhum taneran krong CL hu angan “ Sóc Trăng bui sambai harei rija” Ni lac harei ilamu thể thao du lịch piah yaih khan pren khang ka KT, ilamu du lịch di tỉnh Sóc Trăng, brei mboh bruk jum pataom bangsa, pamedeih hatai caong padang ngak palei pala dak harei dak kaya meda. Ong Quách Việt Tùng, Phó akaok UB bhap bini tỉnh Sóc Trăng brei thau: Kol hulin cong khin patagok hu bruk jum pataom bangsa, patagok hu ilamu bangsa meng kan. Kol hulin jeng peih tabiak jalan pablei salih, dui pachreih, taom gaok ilamu dom bhum palei, abih di nyu nan lac dalam bhum taneran krong CL. Tapa nan kol hulin cong khin bruk du lịch di tỉnh Sóc Trăng patagok hu janih siam gheih pambuak bruk meng kan song urak ini.

# Harei kabroi, (24/11), angaok kraong Long Bình, bal sit Trà Vinh, Sở Ilamo padhih saong rivang ma-in Trà Vinh peih pakak Giải pakacah Ghe ngo meng kan. Hu mbaok tame giải mbang ini hu 7 kapul ghe ngo hu labaih 500 urang lambaok ka dom huyện Châu Thành, Cầu Ngang, Trà Cú, Duyên Hải, Tiểu Cần, Cầu Kè saong bal sit Trà Vinh. Pakacah ghe ngo nan lac sa dalam dom bruk ngak ndung bak ilamo meng kan di bangsa Khmer Nam bộ jang yau bhap bani Khmer Trà Vinh. Ini lac bruk ngak ilamo  padhih brei mboh pren khang di bruk gul pataom saong ilamo biak mbak carak di urang Khmer.

# Tuk vak tapa, Công ty Điện lực Quảng Trị tagok bruk tui iek, duah thau bruk pandar điện di DN song boh sang, dong patrun khat lihik điện. Thun 2014, Công ty chap hu 450 mbang vi phạm pandar điện, dalam nan hu 40 mbang klaik điện, xử lý, mek veik labaih 300 triệu đồng. Meng akaok thun tal ni, chap hu 300 mbang vi phạm, mek hu labaih 230 triệu đồng . Og Phan Văn Vĩnh, Phó Giám đốc Công ty Điện lực Quảng Trị brei thau:  Piah nyaih bruk pandar điện sun adat ye kol hulin pambuak bruk song karja puk palei jang yau dom jabat truyền thông dalam bruk pathau khan piah urang pandar điện thau song ngak njauk adat ka bruk pablei salih pandar điện, Kadua tagok bruk tui iek duah thau pablei salih điện, pambuak song sở công thương dalam bruk tui iek langyah dom bruk ngak suan.

# Pachreih tui bruk pakacah “Đồng khởi bahrau”, saong rik daong peih ngak sarak an sinh xã hội, Kapul urang dahlau diah ngak bol lin di dom pakat dalam tỉnh Bến Tre jak ba jien ndo hu labaih 8,4 tỷ đồng  padang ngak hu 197 baoh sang “Anit ranam ayut sahabat” piah alin brei ka dom baoh sang kathaot, samu 130% bruk ba tabiak  dalam thun 2015. Kuhria dalam 5 thun tapa, Kapul urang dahlau diah ngak bol lin tỉnh Bến Tre hu alin brei labaih 1.200 baoh sang “Anit ranam ayut sahabat”, daong ka dom urang dahlau diah ngak bol lin patrun kan kandah dalam rai diuk.

# Dự án kỹ năng thành công kayua Pasak dịch vụ bruk ngak di ban sit Cần Thơ pambuak bruk song Kapul dong uranaih dunya peih ngak tuk camereip mboh hu kein lagaih. Dự án hu peih ngak meng bilan 7 thun bloh song hu pambuak bruk dong di dom sở, ngành song rilo sang bac, đại học, cao đẳng dok di ban sit. Urak ni dự án hu pato megru ka 68 urang ka “ kỷ năng mềm song "kỹ năng khởi sự doanh nghiệp song khik caga jien ndua ka dam dara” Hu 350 anek saih, SV di dom sang bac hu mbaok di khóa bac song hu jao harak chứng nhận.

# Hu padang tagok meng thun 2010, Sang bac Trung cấp nghề Bangsa gam bac gam daok tỉnh Kiên Giang pak xã Long Thạnh, huyện Giồng Riềng pato hu labaih 2.000 anek saih hệ cao đẳng, trung cấp saong labaih 10.000 urang hu mbaok tame bac bruk ngak palei pala. Tal ini, sang bac pato tacei hu labai 2.000 anek saih, tốt nghiệp hu 2 khóa ka labaih 300 sinh viên. Sang bac hu ginup labik  ka 600 anek saih lac anek kamuan urang bangsa Khmer dalam tỉnh mai mbang, daok pak sang bac tui sarak gam bac gam daok.

Patui id ni dom khau tin dunya

# CPC song Nga bahrau mbaoh tangin tame 10 harak pamong tal bruk pataogk talei pambuak bruk di 2 negar dalam rilo bruk . Dom harak pambuak bruk yau công nghệ patagok điện hạt nhân, pajeng ba meng kapan hoah, đầu tư, khau tin, ilamu song y tế. Thủ tướng Campuchia Hun Sen hu panuac caong Thủ tướng Nga Mét-vê-đép pachreih dom urang ngak mbang di Nga buh jien tame CPC,  peih dom mbang par tapak tal CPC

# Tui harak báo The Local (Đức) brei thau hu jaik 1 triệu urang oh hu bruk ngak, meblah jaik 31% taong abih manuac urang oh hu bruk ngak di Đức daok dalam eik lipa, dalam nan dom urang oh hu bruk ngak di dom negar châu Âu tol hu 26 %. Yaom lac sa dalam dom nền kinh tế dang akaok dunya, min raja-ei Đức jeng patui khik sarak daong biar ngan haong  391 ơ-rô (euro) sa bilan ka urang lahik bruk ngak saong 230 tal 300 ơ-rô sa bilan ka yapk uranaih. Yaom jien daong ini hu mong yau sa dalam dom jalan ngak piah jhul pakhang urang lahik bruk ngak kham metat duah bruk ngak bahrau. 

# Uranaih brei taduan takik di abih bruk biến đổi khí hậu, min lac dom urang njauk ảnh hưởng trak damak di abih meng biển đối khí hậu. Ni lac panuac  di Quỹ Nhi đồng Liên hợp quốc (UNICEF) dahlau di nyaom biai pakat glong di Liên hợp quốc ka bruk  Biến đổi khí hậu (COP21), rah tabiak di Pari dalam adit anak tal. Tui UNICEF, urak ni hu labaih 500 ribau uranaih dok duik dalam dom labik ia ndik ia sua, mesruh metak song labaih 160 triệu uranaih karei dok dui di dom labik pandiak bhang trak./.