Khaw tin dalam taneh aia:

# Dalam tukvak nao rivang saong ngak bruk pak Hà Lan, page ini (26/3), Thủ tướng Nguyễn Tấn Dũng hu mbang ginum biai nao mai haong Thủ tướng Hà Lan Mắc Ru-tơ. Dua Thủ tướng hu ndom biai nao mai ka dom jalan ngak piah jhul patagok talei rohim pambuak bruk dalam 5 gah brei ngak dahlau: Lagaih haong biến đổi khí hậu saong khik iek aia; ngak nong; Năng lượng saong xăng menyek; pabah lamnge haong Dịch vụ hậu cần. Abih di nyu, dua gah kham marat samar  tamat bruk ginum biai, yam tal mboh tangin “Thỏa thuận Đối tác chiến lược ka bruk ngak nong khang kajap saong An ninh lương thực”.

# Harei kabroi 25-3, di jabat mintri Ngoại giao, Phó Thủ tướng, akaok mintri Ngoại giao Phạm Bình Minh hu taduan raok Đại sứ đặc mệnh toàn quyền Nhật Bản di Việt Nam Hi-rô-si Phư-ca-đa. Dua gah taong yaom glaong mbang ravang pakat karja tal Nhat Ban di akaok taneh ia Trương Tấn Sang barau blaoh saong brei thau lac meda pambuak bruk khang kajap saong gauk piah peih ngak hu siam mekre dom bruk di mbang ravang.

# Harei kabroi (25/3), pak bal Đà Lạt, Phaok Thủ tướng raja-ei Vũ Văn Ninh gam haong lambaok dom mentri ngành trung ương saong Ban tacei pato Tây nguyên hu van ngak bruk haong tỉnh Lâm Đồng ka bruk patagok kinh tế-xã hội, danak dak padang ngak palei pala bahrau, bruk patrun kathaot. Pak van ngak bruk, Phaok Thủ tướng Vũ Văn Ninh khang panuac lac, tỉnh Lâm Đồng njauk patui veik patagok dom baoh jeng siam mekre mek hu saong lưu ý tỉnh njauk caik hatai saong  khai thác ralo jang dom pren khang bo tỉnh hu, njauk caik hataital bruk tái cơ cấu dalam bruk ngak nong, pambak prong dom mô hình ngak nong mek hu ralo baoh jeng siam mekre.

# Hadei di dua harei ngak bruk, biar harei kabroi 25.3, nyaom biai mbang yaka 17 di Thành ủy ban raya Hồ Chí Minh hu tamat blaoh. Hu labaih 560 panuac rik tame ka bruk peih ngak sarak 09 ka bruk dak padang Dang, dak padang karja, jak ba bhapbini…dom urang jakar pataom tame langyah dom bruk daok tavak tavaiy, ka oh siam, makna saong ba tabiak jalan ngak ka bruk tu tuong chinh tri, abih di nyu nan lac jhul kidun likuk bruk“ tu dien bien, “tự chuyển hóa”, bruk urang jakar, bruk dak padang Dang saong paglaong asal bruk ngak di chi bo lingiu bhum

# Tỉnh Đắk Lắk hu yam tame bilan bhang yau nan ye rah tabiak bruk dom baoh sang di palei pala mek klaik điện piah bơm njuk aia preh ka phun cà phê. Công ty Điện lực Đắk Lắk brei thau, meng akaok thun tal ini, tapa dut iek jaik  4.000 mbang khách hàng, Công ty duah mboh 151 mbang urang ngak suan adat hukum pandar điện, dalam nan hu 19 mbang vụ klaik điện, mboh ralo nan mek klaik điện piah bơm aia pruh cà phê.

# Pahadar 83 thun harei padang Kapul dam dara cộng sản Hồ Chí Minh (26/3/1931- 26/3/2014), rilo tinh, ban dalam taneh ia hu peih ngak dalam praong prang bruk pahadar harei sajarah ini.

Di ban sit Da Nang, melam 25-3, Kapul dam dara Da Nang peih mitinh pahadar ilamu 83 thun harei padang Kapul saong taom gaok urang jakar Kapul tapa dom tukvak. Jeng dalam melam ini, Kapul dam dara ban sit Đà Nẵng peih harei pataom sap daoh gheih anek saih sinh vien thun 2014. Ini lac harei piah dom urang umo sit thun brei mboh hatai takre daoh di drei.

# Harei kabroi (25/3), Ủy ban bhap bani tỉnh Sóc Trăng pambuak haong  tỉnh đoàn peih ngak danak dak taom gaok, ndom biai nao mai di urang pal akaok tỉnh haong dam dara thun 2014. Dom dam dara hu ba tabiak ralo kadha ndom tal pato bruk ngak, ba bruk ngak ka dam dara; dom sarak pachreih urang naih jioi, pachreih dam dara halar hatian nao trun tal dom bhum atah bayah ngak bruk; sarak brei ka dam dara palei pala mesre phun jien... Urang pal akaok tỉnh hu caik hatai tui pang dom panuac sua tangi di dam dara urang đoàn, tapa nan pandar dom ngành, puk palei palagaih, daong ba piah ka dam dara urang đoàn cống hiến dak harei dak ralo ka bruk cak rok patagok kinh tế - xã hội di tỉnh.

Khaw tin dunya:

# Mintri Quốc phòng Mỹ brei thau, yaom jien bo urang buh tabiak brei ka bruk nao duah sruh kapal ahaok lahik MH370 di hãng kapal ahaok Malaysia Airlines urak ini tagok tal 2 triệu 500 ribau do la My saong mintri jeng hu caik tabiak jaik 4 triệu do la My ka bruk ngak ini, ginup tal akaok bilan 4 tal. Ini lac mbang khan brei thau akaok mereip ka yaom jien buh brei gilai saong kapal haok di Mỹ nao duah sruh kapal haok lihik.

# Bruk daok hu angan je di thị trưởng bal ine Jakarta di Indonesia Joko Widodo nan lac sa bruk daok ngak brei urang caik hatai caik hatai sangka dalam tukvak hu ralo panuac ndom lac ong Widodo meda jeng tổng thống patui veik di taneh iai hu ralo manuac sia abih di bhum Đông Nam Á. Dom harei dahlau diah, tuk bruk ong tabiak tranh cử dalam mbang palih ruah tổng thống di bilan 7 hu thau lac bruk biak, tỷ giá hối đoái di jien rupiah nyu tagok tal tanut glaong abih dalam 19 adit tapa.

 # Hãng Yonhap di Hàn Quốc brei thau, pagaiy harei ini 26/3, Triều Tiên hu cuh 2 baoh tên lửa đạn đạo nao gah bhum tasik gah timul taneh ia ini. Tên lửa hu tầm cuh 650 kilômét saong meda lac tên lửa Nô-đông (Nodong). Triều Tiên hu cuh iek dom tên lửa tầm katut dalam dom harei jaik di ini. Bruk cuh nan rah tabiak dalam tuk Thủ tướng Nhật Bản Sin-zô A-bê (Shinzo Abe) kuhria caga hu mbang pataom gaok Tổng thống Hàn Quốc Pắc Cưn Hê (Park Guen Hye) di harei ini./.