# Biar harei (26/1) pak jabat Raja-ei, Phaok Thủ tướng Vũ Đức Đam hu taduan raok Đặc phái viên Thủ tướng Vương quốc Anh, Huân tước David Terence Puttnam daok hu mbang rivang saong ngak bruk pak Việt Nam. Pak van taduan raok, Phaok Thủ tướng Vũ Đức Đam hu panuac lac: dalam tukvak anak tal, Việt Nam caong khin Vương quốc Anh meda hu dom bruk daong gah ilamu bhian ngak, jalan ngak ilamu jang yau daong tapak ka hệ thống pato megru di Việt Nam, abih di nyu lac bruk đào tạo kỹ năng saong tangin ngak ka sinh viên Việt Nam.

# Mintri Công an brei thau, piah khik caga siam an ninh trat tu dalam tuk tet nguyen dan jaik tal, akaon mintri cong an barau hu tacei pato, pandar cong an dom labik, dom puk palei paglaong dom bruk khik caga an ninh chinh tri, khik kajap trat tu an toan xa hoi brei ka bhapbini mbang tet sak pabe bui sambai, siam mekre, an toan, patak pataom. Bilan 1/2015, công an dalam taneh ia hu pasang iek, duah mboh 3.626 vụ phạm pháp hình sự, cap mek 6.457 urang; ngak tayah 168 băng, nyaom tội phạm..v....v

# Tal tukvak ini, hu 8 tỉnh pok panuac caong Raja-ei daong brah daong eik dalam tukvak Tết Nguyên đán Ất Mùi, abih tih labaih 9 ribau tấn. Nan lac dom tỉnh Nghệ An, Hà Nam, Tuyên Quang, Bình Định, Quảng Trị, Lào Cai, Cao Bằng saong Ninh Bình. Piah plaih dom bruk ngak suan dalam tuk brei brah daong eik, khik ka bhap bini hu mbang Tết bui sambai, Mentri Lao động - Thương binh saong Xã hội hu pandar dom puk palei pasang iek, peih ngak siam bruk brei brah.

# Bair harei kabroi 26/1), di xã Cư Né, huyện Krông Buk tỉnh Đắc Lắc, mBan tacei pato Tây Nguyên saong mintri Y tế peih bruk patabiak danakdak pasang iek pren yava bhapbini dom tinh Tây Nguyên tukvak 2 saong peih bruk padang ngak sang iek ruak đa khoa huyện Krong Buk. Mai pataom mbaok, hu Đại tướng Trần Đại Quang – Akaok mintri Công an taong yaom glaong dom kham merat di mintri y te dalam bruk ba tbiak saong dak padang danakdak “ pasang iek pren yava bhapbini dom tỉnh Tây Nguyên tukvak 2”,  daong ka bhapbini daok diuk rai di dom bhum kan kandah hu thau saong pandar dom dich vu y te hu chất lượng.

# Meng harei 26 tal harei 28/1, Kapul pasang iek di Ủy ban Ilamo, pato megru, Dam dara saong Uranaih di Quốc hội kayua amuk Ngô Thị Minh, Phaok Akaok Ủy ban, dang akaok kapul nao pasang iek bruk peih ngak Hukum Khik caga, iek glang, pato pakai uranaih tukvak 2004 - 2014 pak tỉnh Bình Phước. Pak van ngak bruk biar harei kabroi (26/1), lambaok dom sở, ngành di tỉnh Bình Phước hu langyah brei kapul ngak bruk thau dom kadha yau: bruk raong pato, iek glang uranaih jaoh jo; dom jalan langyah bruk đăng ký khai sinh tapa hạn; jalan ngak piah patrun patakik bala di uranaih..v..v.. 

# Thun 2014, tỉnh Hậu Giang hu peih ngak 13 danakdak daong lingiu rajaei taneh ia langiu ngan saong yaom  jien abih tih jaik 7,2 tỷ đồng. Dom danakdak kayua dom kapul eng drei peih ngak hu dom paok jien ye : danakdak daong ka anek saih kan kathaot yam tagok bac joi; danakdak daong jien ngak bruk yaok thun ka sang iek uranaih Hoa Mai Vị Thanh saong sang iek uranaih Hoa Mai Châu Thành A; Dandak khí sinh học; danakdak paok jien bac caik ka anek saih phổ thông...

# Page 26/1, pak Hà Nội, Học viện Ngoại giao (Bộ Ngoại giao) pambuak haong Đại sứ quán Mỹ pak Hà Nội, Pasak roh duah chiến lược dunya di Mỹ (CSIS) saong Sang bac Đại học Portland (Mỹ) hu peih nyaom biai pakat dunya hu angan "talei pambuak bruk Việt Nam - Mỹ: 20 thun jak jeng rilo jang". Nyaom biai nan lac tuk piah ka dom học giả, dom urang ngoại giao dang akaok di Việt Nam haong Mỹ pataom tame taong yaom dom bruk ngak hu hadei di 20 thun padang talei rohim Việt – Mỹ, tacei tabiak dom mbuan lagaih jeng yau dom cuang kandah  dalam 20 thun tal.

Khaw tin dunya

# Nyaom biai sit akaok mintri Ngoại giao ASEAN (AMM Retreat) rah tabiak meng harei 26 tal 29/1 di ban Kota Kinabalu (Cô-ta Ki-na-ba-lu), pasak bang Sabah (Xa-ba), Malaysia. Nyaom biai piah kuhria caga ka dom nyaom biai pakat akaok mintri saong pambuak pagam dalam thun Chủ tịch ASEAN 2015 di  Malaysia. Tui kuhria mboh di Tiểu ban hậu cần Ban Thư ký ASEAN, hu jaik 200 urang jakar meng 10 taneh ia ASEAN mai pataom mbaok dalam nyaom biai ini.   

# Harei kabroi (26/1), lambaok Mentri Ngoại giao Thái Lan brei thau: Ong Đa-ni-en Rút-xen (Daniel Russel) Trợ lý Ngoại trưởng Mỹ daok rivang Thái Lan hu van taom gaok haong Phaok Thủ tướng gam pan akaok mintri ngoại giao Thái Lan Tha-na-xặc (Thanasak) piah ginum biai ka talei pambuak nao mai di dua gah. Pak van taom gaok dua gah hu njauk gauk patui veik talei pambuak bruk nao mai meng kan di dua negar angaok ralo gah; dalam nan hu pambuak bruk pacang caga dom bruk yau tội phạm xuyên negar, khủng bố, ma túy, pablei salih manuac saong jit ruak.

# Thủ tướng Nhật Bản Xin-dô A-bê harei kabroi 26-1ndom veik, Nhật Bản pandar abih tih dom jalan meda hu piah khik caga an toan ka con tin Kenji Goto, 1 dalam dua con tin di taneh ia ini gaok IS chap mek. Brei panuac di sa mbang nyaom di Đảng Dân chủ tự do, Thủ tướng Nhật Bản Xin-dô A-bê brei thau, taneh ia ini meda pambauk bruk saong dom taneh ia piah daong peih palao ka phóng viên Goto. Nhật Bản jeng daok daong dom bruk ngak di dunya mesruh pacang IS saong rik daong  haong dom taneh ia tame bruk  mesruh ini/.