# Tukvak pahdar 70 thun Cách mạng bilan saong Quốc khánh 2/9, harei kabroi (30/8), Ban Thường vụ Thành ủy bal raya Hồ Chí Minh hu jao Huy hiệu Đảng ka 214 urang đảng bak 70, 65, 60 thun Đảng saong 1 urang đảng 85 thun Đảng. Dom urang đảng hu jao brei huy hiệu prong glaong di Đảng mbang ini nan lac dom urang hu mbaok tame bruk cách mạng dalam dua mbang mesruh metak taong Pháp, taong Mỹ daong taneh aia. Ralo urang hu ngak prong dalam raja-ei, kapul nyaom saong dom doanh nghiệp pak bal raya Hồ Chí Minh. Urak ini, yaom lac umo prong, pren yava takik min dom urang đảng taha umo tuk halei jeng paglaong bruk cách mạng, njauk haong panuac pato di Wa Hồ “Intan dak thah dak hadah, ameh dak luyện dak tanjak”.

# 5 thun tapa, bhap bini huyện Cần Đước, tỉnh Long An pataom tame peih ngak 31 tanut padang ngak huyện điển hình ka ilamu, jhul pakhang bruk pakacah gauk padang xã huyện ilamu song padang ngak padang ngak palei pala bahrau. Dalam huyện ieu pataom hu 1.200 tỷ, bhap bini dalam huyện rik dong 125 tỷ đồng, labaih 16ha taneh song labaih 12.000 harei ngak piah padang ngak pasiam veik rilo danak dak ilamu pabak ka bhap bini. Urak ni hu labaih 98% boh sang, tong abih jabat dalam huyện mek hu tanut ilamu, tong abih 118 palei, khu phố mek song khik kajap tanut ilamu, tong abih 17 xã, ban sit mek hu chuẩn phổ cập pato pakai pakat trung học... boh sang kan kathaot di huyện trun dok 2,4%   

# Anak bilan hajan ribuk, aia ndik tui kuhria mboh dahlau lac biak kan kandah jang dom thun dahlau, Ban tacei pato pacang caga ribuk aia sua saong daong duah urang njauk bala tỉnh Trà Vinh daok peih bruk pacang caga pak dom labik xung yếu dalam tỉnh. Saong daok buh tabiak 36 tỷ đồng ka bruk ngak ini. Ong Nguyễn Văn Trưởng, akaok jabat Ban tacei pato pacang caga ribuk aia sua tỉnh Trà Vinh brei thau: “Khaol dahlak hu ba tabiak danak dak bruk ngak, ralo meng lac jao ka  gah Biên phòng, Quân đội, Công an saong dân quân pak puk palei. Meyah hu bala rah tabiak, tui bruk ngak ba tabiak, nan lac tuk hu panuac khan meng Trung ương khaol dahlak meda tham mưu ka ủy ban tabiak bruk  ba dom đơn vị hu brei bruk meng akaok camereip”.

# Harei kabroi 30/8 di labik khik ramik glai tràm Trà Sư, di xã Văn Giáo, huyện Tịnh Biên, tỉnh An Giang rah tabiak mbang khuak prong. Apui khuak labaih 20 ha glai song mblang hareik thực vật. Dalam nan hu labaih 10 ha tràm hu pala di thun 2006, 10 ha tràm bahrau pala. Hadei di tuk apui khuak, lingiu kapul khik ramik glai pak nan, tỉnh An Giang hu pataom labaih 500 urang jakar, urang lin di gah tapon nyaom pan phao krong dalam tỉnh song bhap bini hu mbaok tame padam cakak pui. Makna tuk camereip hu thau lac kayua urang nao am sruh hong mek ia hani.. Urak ni bruk nan dok hu tduah thau piah ngak brei cambaih laih

# Peih ngak ngak Nghị định 67 di Raja-ei, tal urak ini, gilang pariak Vietinbank- dhar Tiền Giang hu daong ka urang taong ikan yaom jien 24 tỷ đồng ngak bahrau 5 sruh gilai taong ikan di tasik atah. Dalam nan hu sa sruh công suất labaih 800 CV saong 4 sruh công suất labaih 400 CV. Amuk Huỳnh Thị Tỏ, Phaok akaok Uỷ ban Bhap bani huyện Gò Công Đông, tỉnh Tiền Giang – labik hu ralo sruh gilai bahrau ngak tui nghị định ini brei thau: Ngan haong Nghị định 67/CP ye dalam huyện hu dom baoh sang hu daong biak prong, jaik dom pluh sruh gilai taong mek ikan atah ngan haong jien jhung 6% sa thun. Urak ini Nghị định 67/ CP hu peih ngak abih, tapa Nghị định 67 saong NĐ 48/CP ye urang taong ikan biak bui sambai kayua hu bruk daong ba di Karja. Daok dom tavak tave ye daok hu peih talaih.

# Tui kuhria yaok thun, tỉnh Đắc Lắc hu meng 3 urang metai kayua uốn ván sơ sinh. Dom urang nan jeng lac urang bangsa takik, kayua dom amaik ame oh klauk pacang uốn ván tuk dok metian song oh nao cơ sở y tế tuk ndik tapui. Piah patrun bruk ni, thun ni, pasak y tế dự phòng tỉnh đắc Lắc hu brei 700 pok ndik tapui hacih ka urang kamei bangsa takik metain dok di bhum atah bayah dalam dom huyện kan kandah yau Krông Bông, Lắc, Ea Súp, M’Đrắc…

# Salam uan pahadar 70 thun Cách mạng bilan 8 saong Harei negar 2/9, melam kabroi (30/8) pak 2 labik cầu nan lac Hoàng Thành Thăng Long, Hà Nội saong cột cờ Thủ Ngữ, bal raya Hồ Chí Minh, Rayo papar binguk Việt Nam peih ngak danak dak daoh tamia biak karei angan lac “Hala dok độc lập”. Ini lac sa danak dak daoh tamia hu brei mboh meng ralo ngôn ngữ: văn học, âm nhạc, điện ảnh..., pambuak gauk meng bruk di urak ini haong bruk dahlau deih,  tuk taneh aia Việt Nam hu menek tabiak veik.

          # Kapul nghệ thuật Ánh Bình Minh, tỉnh Trà Vinh hu padang tagok di thun 1963. Dalam dom thun msruh metak kapul  bhain parang main duh ka bhap bini Khmer di bhum atah bayah, samar jak va mik va Khmer tui CM, tong khol khamang dong ka taneh ia. Patagok bruk ngak Cm meng kan, Kapul Nghệ thuật Khmer Ánh Bình Minh oh padeih pasram megru padang ngak kadha bahrau piah pabak ka urang khmer dok di bhum atah bayah dong khik ramik ilamu bangsa. Meng dom bruk ngak hu yau nan, Kapul Nghệ thuật Khmer Ánh Bình Minh hu pok brei rilo harak meyaom, di thủ tướng rajaei./.