#  Adit blaoh, dalam mbang nyaom 27 di Uỷ ban Thường vụ Quốc hội, dom urang Quoc hoi brei panuac ka danak dak pasang iek di Quoc hoi, Uy ban thuong vu Quoc hoi thun 2015 saong brei panuac ka harak pathau khan di Rajaei likau Quoc hoi brei panuac ka bruk tame Công ước ka kein laba dunya ngan saong pandap di động saong Nghị định thư ka dom kadha dom bruk ka pandap kapal haok. Ginum biai ka danak dak pasang iek di Quoc hoi saong Uy ban thuong vu Quoc hoi, ralo urang Quoc hoi taong yaom lac, tukvak tapa bruk pasang iek di Quoc hoi hu rilo salih birau meng asar kadha tal bruk ngak. Min, jeng hu dom panuac ndom lac, bruk pasang iek brei pataom tame dalam jang, ngak katut panak jang dom kadha praong, piah bruk pasang iek hu siam jang. Patui mbang nyaom Uỷ ban Thuong vu Quoc hoi mbang 27, harei ini 21/4, dom urang Quoc hoi ginum biai ka dự án Hukum Doanh nghiệp.

   # Mintri y tế bahrau brei thau angan 11 tỉnh hu menuac klauk vắcxin sởi biar, ala 50%. Dalam nan tỉnh Bình Phước biar di abih 8,2% , bloh tal Long An , Đồng Nai 27,3%. Patui di nan lac dom tỉnh Nghệ An, Cà Mau, Lai Châu, Sóc Trăng, Bình Dương, Tiền Giang, Hòa Bình, Trà Vinh hu meng 32,2% tal 49,8%. Tui Cục Y tế dự phòng (mintri Y tế), bruk klauk pacang caga sởi biak beir nan lac makna dang akaok ba tal bruk tamuh jit ruak sởi dalam bhap bini beir. Tal urakni, bruk klauk vét vắcxin sởi dalam negar hu 59% bruk ba tabiak, hu 9 tỉnh klauk vet vắc xin sởi hu labaih 80% dalam nan Ha Noi hu 83,1%.

# Harei kabroi 20/4, di Khu iek ruak tui hatai caong di Sang iek ruak Trung ương Huế rah tabiak bruk iek ruak camereip saong dut iek ruak ung thư tasau brei saoh ka dom adei sa-ai kumei umo meng 35 tal 53. Ini lac bruk ngak di Kadung jien daong urang ruak ung thư - Harei hadei hadah hadai, Mentri Y tế peih ngak, hu bruk daong di kapul Roche nan lac kapul roh duah saong iek glang prein yawa. Dalam sa harei, danak dak iek ruak saong tacei pato brei saoh ka 1.000 urang kumei dalam tỉnh Thừa Thiên – Huế. Dom urang mai iek ruak hu tacei pato dom kadha pambak tal ruak ung thư tasau, hu taduan dom ilamu pacang caga ruak ung thư tapa dom blah ba-ar tờ rơi…Ini lac sa dalam dom bruk ngak di danak dak sanya jhul kadun likuh ruak ung thư tasau di Viet Nam kayua Công ty  Roche daong dalm 3 thun meng thun 2013 mbiah tal thun 2015.

# Tui pasak Y tế dự phòng tỉnh Ninh Thuận, meng akaok bilan 4 tal ni, uranaih tame sang iek ruak kayua ruak tangin takai cambuai biak rilo. Tal tukvak ni tỉnh Ninh Thuan hu 226 urang ruak tangin takai cambuai, dalam nan urang ruak rilo di abih dok di ban sit Phan Rang Tháp Chàm song dom huyện Ninh Phước, Ninh Hải, Thuận Nam. Anak bruk ni, gah y tế Ninh Thuan dok patagok bruk pasang iek piah samar mboh song langyah chip dom sruh jit ruak, hu panuac kakei dom amaik ame jhui brei uranaih taom gaok uranaih medhil lac ruak sởi, samar ba uranaih dalam umo meng 9 - 24 bilan oh ka klauk atau klauk oh ginup nao klauk vắc-xin sởi. 

# Tui harak pathau khan di Pasak Y tế caga ruak ban sit Cần Thơ, meng akok thun mbiah tal ini, di ban sit Cần Thơ hu 48 mbang uranih ruak tagok baoh mban medil lac sởi. Tapa dut iek darah di Viện Pasteur ban raya Hồ Chí Minh hu 12 mbang njom virut sởi; rilo jang 9 mbang dut saong thun 2013, oh ka hu urang halei metai. Tui kuhria mboh dahlau, tukvak anak tal, ruak sởi daok rah tabiak kan thau jang. Gah y tế ban sit Cần Thơ daok patagok bruk pasang iek, tacei pato dom balai y tế pacang caga jit ruak sởi; caga gaiy ndih iek ruak, jru cavao…tuk halei jeng hu piah iek ruak; samar mboh saong  samar pacang cakak oh caik ka urang metai.

     # Yaom lac hu peih rilo mbang chap mek, min bruk duah meh suan adat hukum dok rah tabiak di huyện bhum ceik Tây Trà, tỉnh Quảng Ngãi. Bruk njauk biai nan lac di ceik Cà Dút, labik dok jiak tapen 2 huyện Tây Trà song  Trà Bồng bruk kuac raok piah duah meh, palai pajoa rilo taneh glai. Ni lac bhum atah bayah nao mai kan kandah.

# Pahadar 60 thun jayak Điện Biên Phủ (7/5/1954 - 7/5/2014), dalam 3 harei meng harei 18 tal 20 bilan 4, Tỉnh đoàn Phú Yên peih harei Jum pataom urang lin uranaih sit Điện Biên mbang ka II thun 2014. Tamat var jum pataom, Hội đồng đội ban Tuy Hòa mek hu giải nhất taong abih kapul, huyện Đồng Xuân mek hu giải Nhì saong huyện Phú Hòa mek hu giải 3. Jum pataom urang lin uranaih sit Điện Biên tỉnh Phú Yên mbang ini hu labaih 1.000 uranaih di 9 huyện, ban sit, lambaok ka 120 ribau uranaih dalam tỉnh. Dalam 3 harei hu mbaok tame harei jum pataom, dom uranaih hu pakacah dom kadha: pakacah hagal đội, hagal kanji pambuak tamia, harak mbao binguk, trang trí  trại; dak dalikan “ Danei angan Điện Biên”; daoh tamia “Danei angan Điện Biên”; papar sap măng non; rivang  Đài tưởng niệm Núi Nhạn saong jao brei giải thưởng 2 mbang pakacah “ 60 thun – Danei angan Điện Biên” saong “ Kaoh pulao tasik Viet Nam dalam baoh hatai adei”.

Khaw tin dunya:

#Tổng thống Mỹ Barắc Ôbama adit tal hu nao rivang châu Á (dalam nan hu dom negar Nhật Bản, Hàn Quốc, Malaixia, Philippin) piah patagok talei pambuak bruk song dom negar đồng minh di bhum taneh daok hu bruk chính trị daok catang tagok. Dom cố vấn di tổng thống Mỹ brei thau, Tổng thống Ôbama meda brei mboh veik bruk pachreih tui khang di Mỹ ngan saong dom negar đồng minh song Mỹ jeng dok nao tui jalan ngak brei samu gauk veik di châu Á-Thái Bình Dương. Di Japon, ong Ôbama hu ginum biai song dom urang dang akaok Japon ka bruk Cong hoa Dan chu bhap bini Triều Tiên jang yau dom mbang ginum biai di 2 gah ka hiệp định pablei salih tapa Thái Bình Dương.

    #Trung Quốc pok meyaom Nga, Liên minh châu Âu, Ucraina hu peih bruk ginum biai pak gah saong njauk gauk piah ngak brei patrun bruk catang tagok di Ucraina. Urang brei panuac di Mnetri ngaoi gaio Trung Quốc, Hoa Xuân Doanh brei thau, Trung Quốc tuk halei jeng tui jalan langyah bruk sraw kadau di Ucraina meng jalan chính trị, brei caik hatai tal bruk kein laba di dom gah. Trung Quốc caong khin dom gah kham merat duah tabiak jaln ngak brei cambaic laic, njauk lagaih saong jalan sahaneng piah samar ba mai grap tanat saong patagok ka Ucraina.

# Gah y tế dunya brei thau, labik Tây Phi duah mboh abih tih 42 urang njom ruak virút Êbola bahrau. Tui panuac khan bahrau ini di mintri y tế dunya, urang metai kayua virút Êbôla tagok meng 121 tal 137, dalam nan hu tal 87% urang metai di Ghinê (Guinea). Dom urang njom virút Êbôla karei hu mboh di Libêria song Xiêra Lêôn. Urak ni jeng oh ka hu jru iek ruak ka virút Êbôla dalam tuk urang metai kayua ruak ni tagok tal 90% . Tukvak kandauk ruak di janih virút ni, meda dui atah meng 2 tal 21 harei song nyu meda ba tal pandiak tabiak drah biak khang./.