# Page harei kabroi (28/4), Thành ủy, Ủy ban bhap bani bal Cần Thơ peih bruk pahadar 39 thun harei peih paha gah meraong, yasa taneh aia saong brei thau Quyết định di Akaok negar ka bruk phong tặng saong truy tặng ka 298 amaik angan “Amaik Việt Nam Anh hùng”. Lambaok dom urang dang akaok bal Cần Thơ; dom urang taha dahlau diah pal akaok tỉnh  Hậu Giang, dang akaok bal Cần Thơ; lambaok tapon nyom bol pan phao kraong, urang jakar, anek saih, sinh viên saong dom amaik Việt Nam anh hùng mai pataom mbaok. Patagok ilamu meng kan di rai rah ong amuk, amaik ame nao dahlau, lambaok dam dara bal Cần Thơ  abih hatai bac da-a,  pathram megru, ba pren yava tabiak piah dak padang bal Cần Thơ dak harei dak cak rok patagok.

# Peih ngak danakdak daong sang daok ka urang ba pren yava ka cach mang, tinh Tra Vinh hu peih brei jaik 8.100 baog, dalam nan padang ngak barau 5.300 baoh, ramik pasiam 2.781 baoh saong jien buh tame abih tih labaih 267 tỉ đồng meng kadung jien daong di Trung uong. Hadei di sa thun peih ngak, tal urak ini, Tra Vinh hu padang barau saong ramik pasiam jaik 1.100 baoh sang ngan saong yaom jien jaik 28 tỉ đồng. Tui bruk ba tabiak, tal puac thun 2014,  tỉnh daok peih bruk padang ngak saong ramik pasiam 1.314 baoh sang, tui yaom jien 43 tỉ đồng.

# Tui Pasak y tế dự phòng bal raya Hồ Chí Minh, kuhria tal urak ini, bal raya oh ka hu urang halei metai kayua ruak sởi. Dalam adit jaik ini di bilan 4, manuac urang ruak sởi njauk tame sang iek ruak mboh ralo jang dut haong dom adit dahlau min hu langyah lac kayua hatai sahneng di bhap bani huac kanda nan ye tuk halei jeng khin uranaih ruak tame sang iek ruak. Tỷ lệ biến chứng kayua sởi daok patrun, meng 51% di bilan 11 thun 2013 trun daok 24% dalam bilan 4 thun 2014. Langiu di nan, bruk klauk jru pabak pacang caga sởi di bal raya Hồ Chí Minh jeng mek hu tal 95%. Hadei di dom harei lễ, bal raya meda peih bruk klauk vắc xin caga sởi ka uranaih meng 2 tal 10 thun. Urak ini hu 200 ribau liều vắc xin dịch vụ pacang caga sởi hu blei tame meng negar langiu piah duh ka bhap bani.

# Tal urak ini, dalam tinh Quảng Ngãi duah mboh 64 urang njauk ruak jeng baoh saong mbuan hu jeng baoh. Urak ini, ruak jeng baoh daok tagok saong mboh di 25 xã, thị trấn di 11 huyện, ban dalam tinh. Ông Nguyễn Tấn Đức, akaok Sở y tế tỉnh Quảng Ngãi brei thau, gah y te tinh tacei pato som sang iek ruak saong pasak y te huyen, ban pagaong glang iek, duah mboh ruak samal, pacang pambak praong :

Băng: (Kol dahlak hu tacei pato gah y te di tinh paglaong glang iek di puk palei samar mboh urang ruak. Dua tra veik lac, pataom abih angan uranaih dalam umo klauk jru, So peih bruk klauk gam gam saong klauk pabak abih. Daok gah iek ruak, kuhria caga co so vat chat, labik ka urang ruak daok karei, ginup pandap, jru piah  iek ruak ka dom adei hu siam lagaih.. 

# Meng harei 6/5 tal harei 20/5, Cục khik iek urang ngak negar langiu, Mentri Lao động Thương binh saong Xã hội peih bruk taduan mek hồ sơ di urang  ngak mboh tangin tame danak dak ngak iek ba 125 điều dưỡng viên nao ngak bruk pak Cộng hòa liên bang Đức thun 2014. Ong Nguyễn Ngọc Quỳnh, Akaok Cục khik iek urang ngak negar langiu brei thau: Cục Khik iek urang ngak negar langiu nan lac labik piah taduan mek harak  đăng ký saong peih ngak danak dak ngak iek ba điều dưỡng viên Việt Nam tapa bac megru saong ngak bruk pak Cộng hòa liên bang Đức dalam bruk iek glang urang taha. Oh hu công ty ba urang ngak tabiak negar langiu atau urang halei hu brei adat peih ngak danak dak ini. Urang ngak njauk nao taom gaok tapak haong Cục piah duah thau saong nộp hồ sơ, oh nộp tapa cò atau  labik halei karei piah klaah njauk urang pachot.

# Piah ngak siam danakdak cakrok caphe khang kajap, urak ini, di Dak Lak sa dalam dom bruk dang akaok nan lac njauk ngak siam bruk pala veik caphe di dom taneh thu lagu. Ini lac asal praong di mbang nyaom mban tacei pato peih ngak danakdak cakrok caphe khang kajap tinh Dak Lak rah tabiak harei kabroi 28/4. Ong Dinh Van Khiet, phaok akaok uy mban bhapbini tinh Dak Lak brei thau: danakdak meriak gauk ngak nong hu buh tame jaik 27 ty dong piah padang dom lien minh ngak caphe khang kajap, dak padang saong jao brei dom ilamu cong nghe glaong. Piah ngak siam danakdak cakrok caphe khang kajap, ong Dinh Van Khiet brei thau : tinh njauk ngak siam dom bruk quy hoach piah peih ngak sumu gauk.

# Sang bac Đại học RMIT Việt Nam brei thau meda pok brei 125 pok jien bac yaom 18 tỉ đồng ka dom anek saih – sinh viên hu bac da-a naih jioi saong abih hatai haong bruk ngak di cộng đồng dalam thun bac 2014. Langiu dom pok jien bac toàn phần, thun ini sang bac daok hu pok brei ralo pok jien bac  yaom 25% saong 50% jien học phí. Jaik 14 thun tapa, RMIT Việt Nam hu pok brei jaik 600 pok jien bac ka anek saih sinh viên Việt Nam ngan haong yaom jien labaih 90 tỉ đồng.

# Sa blah rup cih ka bruk khik caga moi truong di Trung Quốc barau hu tổ chức Ghi-nét pok angan lac blah rup cih meng van tangin praong abih di dunya. Angaok khan bai praong 29 mét vuông, labaih 2 rabau menuac hu mek inem tangin di drei piah ngak jeng sa blah rup cih thủy mặc gheih mekre, brei mboh lingik tasik kraong ia, phun kayau. Blah rup cih biak karei nan piah pachreih tui bruk khik caga môi trường kayua Liên đoàn urang kumei  Trung Quốc  peih tabiak meng thun 2011. Ngan saong kadha “raidiuk các-bon bair – sang siam mekre”, bruk ngak hijao ini daong paglaong akaok sahaneng saong pachreih bhap bini patak pataom nang luong, tuh tabiak  takik khí phát saong cakrok kinh te khang kajap. Blah rup cih ini hu shik jeng sa kadung praong 90 mét vuông blaoh ba nao parang iek di 15 ban di Trung Quốc.

# Harei kabroi (28/4) dalam mbang nao rivang bol lin pacang khik langik tasik Nhật Bản pak bal Pớt, Ôx-trây-li-a, Akaok mentri quốc phòng Nhật Bản It-su-nô-ri Ô-nô-đê-ra khan brei thau padeih bruk hu mbaok di negar ini dalam bruk daong duah sruh kapal haok lahik MH370. Mbang rivang di Akaok mentri Ô-nô-đê-ra rah tabiak tok dom mong hadei di tuk Ôx-trây-li-a taduan lac oh meda duah mboh dom klaih kanduh pacah di sruh kapal haok MH370, taphia di nan brei thau mbang daong duah meda yam tapa “sa tukvak bahrau”, pataom tame duah pak ala tasik dalam sa labik prong jang.

# Rajaei tạm quyền di Thái Lan harei kabroi 28/4 brei tapa sa  dự thảo sắc lệnh hoàng gia ieu pataom 1 mbang nyaom Quốc hội bất thường meng harei 2 tal harei 10 bilan 5 tal. Dự thảo sắc lệnh hoàng gia ini daok cang patao Thái Lan brei tapa. Di mbang nyaom đặc biệt jaik tal, dom Thượng nghị sỹ meda brei tapa bruk pok 1 urang bahrau tame ngak dalam ủy mban pacang caga tham nhũng negar saong dom thẩm phán barau di Tòa án hành chính trung ương./