#  Mentri Ilamo, padhih saong Rivang ma-in bahrau peih bruk  padang ngak veik ragam tamia bhap bani Tamia Klai Kluk (daok iew lac tamia phồn thực atau tamia âm dương)  jaik lahik nao di bhap bani urang Cam. Tame ragam tamia ini, urang tamia likei leih ao, angaok tangin pal mbaik kayau hu sarak binguk linga hu tapok tani tanat dalam sa blah khan bai. Urang kamei tamia mbeik drei yaok ragam ndak anak kadul likuk gam haong urang tamia likei. Dua urang likei kumei akaok meti meda tamia ba jalan, hadei di nan dom urang likei kumei karei meng hu tame tamia gam. Nao gam haong tamia âm dương nan lac bruk parang me-in dom alat ragam bangsa yau ginang, Paranưng, Saranai,  Kanhi…

# Bruk raong pabe binai saong pabe rilo di palei Nà Tềnh, xã Cần Nông, huyện Thông Nông (Cao Bằng) tuk camereip daok ba mai kein laba glaong saong hu karja palei thau lac jalan nao barau daong patrun kathaot khang kajap. Palei Nà Tềnh lac mbon ceik glaong hu 40 sang diukrai, rilo meng lac bangsa Dao. Tame bruk raong ini, yaok sang hu daong jien raong meng 20 tal 30 drei pabe. Hadei di sa tukvak glang iek, tuk pablei pabe rilo, pabe pajaih, yaok sang laba hu labaih 50 triệu đồng. Anak tal, kapul urang nong huyen kham merat jak ba piah urang hội pambak praong bruk ngak ini, rik daong paglaong jien mek tame ka urang nông.

# Ralo thun tapa, dom pakat kapul urang nong huyện Đak Pơ, tỉnh Gia Lai hu pataom dom bruk ngak trun palei pala. Kapul urang nong hu pambuak bruk dang tabiak pambuak bruk haong dom gilang pariak brei ka yaok ribau urang nong mesre; pambuak pathram panduan jao ilamu - kỹ thuật, padang ngak dom mô hình ngak iek piah ka dom hội viên hu mong mboh, pang yaom saong khang hatai ba pandar dalam bruk ngak mbang pala drak di drei. 5 thun tapa, kapul urang nong hu pambuak daong ba 1.366 baoh sang tapa truh kathaot, ba bruk ngak ka labaih 2.000 mbang urang. Baoh sang urang nong mek hu angan ngak mbang – pablei salih naih jioy thun hadei ralo jang thun dahlau. Tal ini, dalam huyện hu 2.561 baoh sang mek hu angan ini. 

# Tukvak tapa, bruk urang nong ngak mbang, pablei salih naih joi di huyện Chư Jút (tỉnh Đắk Nông) hu urang nong pataom tame siam saong mek hu rilo kein laba. Dalam huyen hu rilo bruk pala drak, raong glang tui jaln chat luong ye bruk raong limo binai saong limo palimek di 4 xã saong ban sit Ea T’ling; bruk pala njam an toàn di palei 4, palei 5  xã Tâm Thắng saong bon U3, ban sit Ea T’ling; bruk raong pabui siêu nạc di xã Ea Pô..v..v..Urak ini, dalam huyen hu 4.900 sang urang nong tut angan pakacah ngak mbang pablei salih naih joi dom pakat, samu 107% bruk ba tabiak.

# Dalam negar urak ini hu 256 khu công nghiệp, khu chế xuất di 61 tỉnh, bal. Jaik abih dom khu công nghiệp, khu chế xuất negar drei hu ghing mbang tập thể duh ka urang ngak. Yau nan min, tui dom gah chức năng ye bruk peih ngak  bếp mbang tập thể ka urang ngak daok gaok ralo cuang kandah, abih di nyu lac kadha vệ sinh, an toàn pandap panda kaya mbang. Kuhria rah tapa yaok thun, di dom khu công nghiệp, khu chế xuất dalam negar rah tabiak 14 mbang ngộ độc pandap mbang menyum ngak ka labaih 1.000 urang ngak njauk tame sang iek ruak. Pak labik Đông Nam bộ hu mbang ngộ độc pandap mbang menyum meblah jaik 43% dut haong taong abih vụ dalam negar. Anak bruk yau nan, Cục An toàn vệ sinh pandap mbang menyum khuyến cáo dom khu công nghiệp patagok jang bruk vệ sinh, an toàn pandap panda di dom ghing mbang tập thể.

# Di Đà Nẵng, Cục Tần số vô tuyến điện barau khan brei thau lac padheih papar riyak papar binguk tương tự mặt đất di ban sit ini. Tal tukvak ini, ban sit Đà Nẵng daong đầu thu truyền hình số mặt đất ka labaih 5.600 sang katahot dalam ban gam saong labaih 11 rabau sang kathaot di bhum Bắc Quảng Nam, tanut daong jaik 500 rabau đồng yaok sang. Tui quyết định di Thủ tướng rajaei, Đề án số hóa truyền dẫn, papar riyak papar binguk mặt đất hu peih ngak dalam 4 tukvak, salah blaoh dahlau harei 31/12/2020.

# Meng akaok thun tal ini, pak tỉnh Khánh Hòa duah mboh hu labaih 4.100 urang njauk ruak pandiak tabiak darah, tagok labaih 4 mbang dut haong tukvak ini thun dahlau, dalam nan hu 2 urang metai. Urak ini daok tame bilan tamuh khang jit ruak, manuac urang njauk ruak patagok samar drah yaok harei. Uỷ ban bhap bani tỉnh Khánh Hòa bahrau hu harak tacei pato patagok bruk pacang caga jit ruak pandiak tabiak darah dalam tỉnh, tui nan meda xử lý trách nhiệm urang dang akaok puk palei caik ka jit ruak njaom mbak prong, xử lý trách nhiệm urang dang akaok dom ngành oh pambuak bruk haong gah y tế dalam bruk pacang caga jit ruak.   

Khaw tin dunya

# Kadung jien dunya (IMF) harei kabroi ieu Nga saong Ucraina ginum biai ka bruk tái cấu trúc khoản mesraiy 3 tỷ đôla, lingiu di nan daok brei thau lac, dom urang dang akaok dunya daok ginum biai dom salih barau meda brei adat daong veik Ucraina meyah taneh ia ini njauk tavak sraiy trái phiếu rajaei.  Min, Nga oh taduan panuac tame dom mbang ginum biai piah tái cấu trúc sraiy bo Ucraina peih ngak saong dom gah brei mesraiy tư nhân kayua ndom lac khoản trái phiếu châu Âu (Eurobond) di Ucraina njauk hu ba tame angan dom khoản sraiy di rajaei dom taneh ia.

# Sa urang jakar gah y tế pakat glaong di Guinea bahrau brei thau negar ini bahrau hu 3 urang njaom virus Ebola,  patagok urang njaom mbak ruak urak ini dalam negar tagok 9 urang. 3 urang njaom mbak bahrau duah mboh pak Forecariah (Pho-rê-ca-ri-a) – gah Pai Guinea nan lac dom urang dalam sa baoh sang hu sa urang kamei metai kayua njaom virus Ebola. Dom urang hu taom gaok rup babhap di urang ruak bo oh hu jalan pacang cakak ruak. Urak ini taong abih 9 urang njauk ruak ini daok hu iek ruak pak dom labik y tế dalam pasak negar pacang cakak jit Ebola saong taong abih dom urang ini hu taom gaok haong urang kamei ini.

# Ngoại trưởng Đức Phranh Oantơ Xtênmâyơ  hu ieu dom taneh ia châu Âu daong pren langyah bruk khủng hoảng nhập cư  daok jhul châu lục ini nao tal dom giới hạn di nyu. Brei panuac di mbang taom gaok Tổng thống Hy lạp Páplôpâulốt  di  Aten , Ngoại trưởng Đức ndom lac tal tuk dom taneh ia châu Âu padheih tuh lỗi ka gauk kayua bruk ini oh daong dom gah halei langyah hu bruk urak ini./.