#  Melam 26/4, bal Cần Thơ peih ngak lễ cuh gilau Quốc Tổ Hùng Vương pak Munyim Cần Thơ ngan haong bruk hu mbaok di ralo bhap bani dalam bal. Yaok đơn vị  jeng ba dom janih pandap biak karei di puk palei nan lac baoh kayau, har dân gian piah ba tagok bàn thờ dom patao Hùng. Lễ cuh gilau Quốc Tổ Hùng Vương nan lac bruk ngak mong nan mai di bal Cần Thơ hu peih ngak gam gam dalam ralo thun tapa, piah kak catang hatai gul pataom bangsa saong ilamu “menyum aia hadar tal halau aia”.

# Jaik 50 kapul tuai damuai saong labaih 400 urang hu mai ravang saong ngak bruk di tỉnh Điện Biên meng akaok thun tal ini. Dalam nan rilo meng lac dom kapul chuyên gia tư vấn di dom tổ chức dunya, dom tổ chức langiu rajaei taneh ia langiu mai pasang iek saong patabiak danakdak di tỉnh; Dom kapul ravang xã giao di Đại sứ quán dom taneh ia saong dom kapul tapa ravang, ginum biai, megru alamu di tỉnh. Piah caik ấn tượng siam mekre ka tuai damuai, tỉnh Điện Biên hu ngak siam bruk khik ramik kapul tabiak, kapul tame, oh caik rah tabiak bruk ngak suan dalam bruk xuất nhập cảnh.

# Gah ngak nong tỉnh Đắk Nông daok peih ngak ralo mô hình ngak tabiak ba mai ralo baoh jeng siam mekre, pataom tame dom phun anek chủ lực di tỉnh yau cà phê, amariak kalu, tangeiy lai, palimek limo... saong pren khang ka phun mbang baoh, njam patam, bingu, kaya ikan patagok tui jalan khang kajap. Meng thun 2012 tal ini, dalam tỉnh Đắk Nông hu jaik 7.000 ha mek tame labih 200 triệu đồng/ha; 26.000 ha mek tame hu meng 100 triệu tal 200 triệu đồng/ha; 38.000 ha mek hu meng 60 triệu tal alal 100 triệu đồng sa ha.

# Ban raya Hồ Chí Minh barau peih bruk padang mblang beir mein - bia tưởng niệm dom liệt sĩ mesruh metak, khik caga tatua Rạch Chiếc dalam chiến dịch Hồ Chí Minh. Ini lac sa dalam dom cong trinh salam uan pahadar 40 thun harei peih paha gah meraong, yasa taneh ia (30/4/1975 - 30/4/2015). Beir mein saong bia tưởng niệm hu padang di angaok taneh praong labaih 8 rabau 400 m2. Công trình hu padang ngak piah hadar tal bruk ndih truh var rup drei di 52 bol lin di Lữ đoàn 316 đặc công biệt động lac D81, Z22 saong Z23 anh dũng taong meblah tatua Rạch Chiếc saong khik tatua meng melam 27/4/1975 tal pagaiy harei 30/4/1975, cang Lữ đoàn radaih tăng di Quân đoàn 2 tame meblah Dinh Độc Lập.  

# Anak bruk phức tạp di langik tasik, pandiak dui atah ralo mblang taneh ngak nong angaok pulao Phú Quốc, tỉnh Kiên Giang urak ini daok kurang aia trak. Kadha ini ngak ảnh hưởng oh siam tal bruk cakrok patagok dom janih phun pala, abih di nyu lac phun amaraik kalu di Phú Quốc. Dom baoh sang pala amariak kalu pak ini brei thau, piah khik aia pruh dalam bilan pandiak ini, ye njauk buh tabiak yaok pluh triệu đồng piah takac dom baoh bingun mek aia.

# 18 hội viên Kapul Mỹ thuật ban raya HồChí Minh pataom tame trại sáng tác: “taneh lanh am Thanh Hà” di mblang beir taneh lanh am Hội An hu parang tabiak 90 tác phẩm đặc sắc salam uan 40 thun harei peih paha gah meraong, yasa taneh ia. Meng rilo chat lieu ye : sơn dầu, acrylic, jru ia, chìthan ... dom họa sĩ hu brei thau rilo đề tài ka plaei lanh am mengkan Thanh Hà, ka bhum taneh saong anek menuac Hội An.

7 # Tui Sở Ilamo – padhih saong rivang ma-in tỉnh Bến Tre, urak ini dalam  tỉnh hu 65 labik du lịch hu kuhria caga blaoh piah duh ka tuai damuai mai rivang ma-in, padeih padei dalam dom harei lễ 30-4 saong Dunya urang ngak 1-5. Dalam nan dom xã tapen kraong dalam huyện Châu Thành di tỉnh Bến Tre hu labaih 20 labik du lịch sinh thái biak mekre ka urang mai mong iek. Abih di nyu lac pak 37 inem mek ilamo, dak rai sajarah pakat negar saong pakat tỉnh di tỉnh Bến Tre hu rabha urang mong iek pia taduan raok urang mai mong iek.         

Khaw tin dunya

# Ngoại trưởng Hiệp hội  dom taneh ia Đông Nam Á (ASEAN) ieu  Trung Quốc padheih padang ngak saong ramik pasiam di bhum tasik meriak gauk di Biển Đông saong pataom tame dom mbang ginum biai dahlau di nyaom biai thượng đỉnh khu vực. Brei panuac di mbang họp báo, Ngoại trưởng MalaixiaA-ni-pha (Anifah Ahman), taneh ia chủ tịch luân phiên di ASEAN brei thau  “Kol dahlak taong yaom glaong meyah TQ padheih dom bruk ramik pasiam, meblah tasik di bhum biển Đông  saong ginum biai gam saong dom taneh ia thành viên ASEAN. Dom taneh ia thành viên ASEAN caong mboh lac bruk ini njauk hu langyah dalam siam mekre, thân thiện “.

# Sa urang khảo cổ manuac Mexico hu duah mboh sa lượng prong thủy ngân lỏng ala sa kim tự tháp di urang Maya pak Teotihuacan, bal klaak huyền bí abih châu Mỹ. Tui urang khảo cổ Sergio Gomez, lượng thủy ngân lỏng hu dauh mboh dalam sa duk puac abih di jalan hầm hu kareik sil jaik 1.800 thun. Ngan haong ý nghĩa siêu nhiên di thủy ngân lỏng dalam dom nghi lễ mai táng, Gomez caong khin duah mboh angaok nan meda daong ka ong samar duah mboh hu labik dar di sa urang patao meng kan.

# Kênh papar binguk CBA24N di Argentina  hu papar sa danakdak đặc biệt dalam tuk pahadar 40 thun peih paha gah meraong VN (30/4/1975-30/4/2015) saong trình chiếu bộ phim "jhui cuh" di Điện ảnh Việt Nam. Kênh papar binguk CBA24N hu papar dom thước phim tư liệu ka mbang mesruh taong Mỹ brei thau hatai mesruh anh hung saong quả cảm di bol bala saong bhapbini VN, ngak jeng jayah bilan Xuân thun 1975./.