# Taduan panuac daa di Tổng thống Giôn Ma-gu-phu-li, Akaok negar Trương Tấn Sang saong hadiuk di gait gam haong kapul pakat glaong negar drei hu nao rivang negar Cộng hòa Thống nhất Tan-da-ni-a meng harei 9 tal harei 11/3. Akaok negar Trương Tấn Sang saong Tổng thống Giôn Ma-gu-phu-li hu ginum biai tal ralo bruk prong piah patagok talei rohim pambuak bruk di dua gah, dom kadha di dunya bo dua gah daok sangka.  

# Thủ tướng rajaei  bahrau quyết định pok ong Nguyễn Thế Kỷ, Ủy viên Trung ương Đảng, Phó Trưởng Ban Tuyên giáo Trung ương ngak Tổng Giám đốc Đài Tiếng nói Việt Nam (salih ka ong Nguyễn Đăng Tiến). Thủ tướng Nguyễn Tấn Dũng jeng mbaoh tangin quyết định pok ong  Bùi Nhật Quang, Ủy viên dự khuyết Trung ương Đảng, Phó Chủ tịch Ủy ban bhap bini  tỉnh Ninh Thuận ngak Phó Chủ tịch Viện Hàn lâm Khoa học xã hội Việt Nam.

# Kapul urang njauk jru mek kalik kruac bal Đà Nẵng hu peih bruk pok jao sang daok ka uranaih bại liệt di Pasak daong urang njauk jru mek kalik kruac pak xã  Hòa Nhơn, huyện Hòa Vang, bal Đà Nẵng. Công trình ini hu peih ngak meng bilan 8 thun 2015 ngan haong phun jien jaik 1,4 tỷ đồng, kayua ong Harold Chan Soo York, doanh nhân Singapore daong brei. Yaok bilan, ong Harold Chan Soo York daok hu daong 3000 đô la Mỹ daong ka urang njauk jru mek kalik kruac grap tanat rai diuk.

# Di pambah lamnge Bình Châu, Ủy ban bhap bini huyện Lý Sơn tỉnh Quảng Ngãi  peih bruk jao kapan kanduk pasei dịch vụ hậu cần tong ikan hu angan Lý Sơn 168 ka Công ty cổ phần kaya ikan Lý Sơn. Ni lac kapan dịch vụ hậu cần tong ikan bahrau abih di negar hu ngak meng kadung jien mesraiy tui Nghị định 67 song yaom jien abih tih jiak 32 tỷ đồng. Kapan atah 46m , gar jiak 8m, hu caik dom pandap panda bahrau , kapan pajeng hu 50 tấn pandap mbang menyum pabak meng 25 tal 30 kapan ikan tong chap atah tasik

# Harei 9/3, tỉnh Bình Phước peih bruk taom mbaok dom taha akaok palei naih gheih saong urang hu angan je dom bangsa takik dalam tỉnh.  Tỉnh Bình Phước hu 111 xã, phường, bal sit ngan haong jaik 900 labik daok di bhap bani; dalam nan, hu labaih 200 labik daok hu ralo bhap bani urang bangsa takik yau S’Tiêng, Khme, Tày, Nùng, M’nông

# Harei kabroi 9/3 dom y bác sỹ sang iek ruak đa khoa Đồng Nai hu blac draih mek khối u trak 11kg dalam tain sa urang ruak kamei umo 100 thun. Khối u prong pacang abih tain di urang ruak, kateik dom jalan drah ngak ka dua takai ala di urang ruak nhiễm trùng, HU LANEH song brah tagok. Urak ni, urang ruak hu salah salai, pren yava hu pasiam veik, ndom nyai hu.

# Dalam harei ngak padhi mbang ka 20 di amuk Nguyễn Thị Thập, Urang dahlau diah ngak akaok Kapul urang kamei Việt Nam, Phaok Akaok Quốc Hội negar Cộng hòa xã hội Chủ nghĩa Việt Nam, Tỉnh ủy Tiền Giang pambuak haong Trung ương Kapul urang kamei Tiền Giang peih  nyaom biai ngan haong kadha: “Amuk Nguyễn Thị Thập – rai diuk saong bruk ngak”. Amuk  Nguyễn Thị Thập menek tabiak dalam sa baoh sang urang nong ranam taneh aia daok pak xã Long Hưng, huyện Châu Thành, tỉnh Tiền Giang. Bahrau 20 thun, amuk nao tui cách mạng saong hu mbaok tame duh ka Đảng. Amuk nan lac sa dalam 10 urang kamei Quốc Hội akaok mereip di negar drei saong taduan mek hu Huân Chương Sao Vàng, angan amaik Việt Nam Anh hùng kayua Karja pok brei…      

Khaw tin dunya:  

# Báo Mainichi sa dalam dom harak báo hu angan je dang akaok di Japon harei kabroi 9/3 hu brei thau ka bruk kapan di urang tong ikan VN njauk kapan Trung Quốc blah mek di labik Biển đông. Harak mbao ni khan lac meng harei 6 tal harei 8/3 di  Biển đông, kapan tong ikan di VN njauk kapan TQ cagar veik song palai pajoa. Dalam dom harei jiak di ni, Japon hu jalan ngak khang ngan saong bruk ba caik tên lửa, ba kapan haoh, caik radar di Biển đông di TQ, mong ini lac sa bruk ngak ba tal kan kandah ka an ninh di khu vực song dunya.

# Harei kabroi - 9/3, Tổng thống Philippines Bê-ni-nô A-ki-nô brei thau negar ini meda pah 5 sruh kapal haok huấn luyện TC-90 di Nhật Bản piah daong ka gah hải quân pasang iek angaok tasik Biển Đông, dalam vaktu Trung Quốc daok patagok bruk ngak quân sự pak labik ini. Ong jeng brei thau Philippines dalam thun meda taduan mek hu dua sruh kapal pajeng ba C-130 hu pasiam veik meng Mỹ, dalam vaktu Mỹ gam haong Hàn Quốc hu brei thau lac meda daong  Philippines patagok pren khang di drei angaok langik./. 

# Vi-rút Zika  daok pambak prong tuk Ca-na-đa, Cuba, Phi-gi hu dom urang njom bahrau. Anak bruk ni, Tiến sĩ Thô-mát Frai-đần, Giám đốc Pasak pacang caga jit ruak di Mỹ hu panuac ieu dom negar jhul pakhang dom jalan ngak piah khik caga ka urang kamei metain anak vi-rút Zika piah patrun kanjah jhak ka dom urang nan. Mbaih tal urak ni, oh ka hu vắc xin atau jru iek ruak vi-rút Zika. Kadha bhain mboh di abih tuk njom vi-rút nan lac pandiak, viêm kết mạc, pandik akaok, pandik cơ song talang, phát ban./.