# Biar harei kabroi 9/9 pak Phủ Chủ tịch, Akaok negar Trương Tấn Sang hu van taom gaok dom urang lambaok vakil mai pataom mbaok dalam Nyaom biai dunya châu Á –Thái Bình Dương gul pataom haong Cuba mbang 7. Pak van taom gaok, Akaok negar brei thau, Nyaom biai mbang ini meda rik tame panuac ndom hu makna praong ka bruk mesruh metak di dom bangsa khin sron mbon, bebat tự do, saong công lý; ngak brei patagok hatai saneng ka dom hagait rah tabiak dalam rai diuk pak pulao kaoh tự do Cuba. Ndem ka bruk gul pataom haong bhap bani Cuba, Akaok negar jia lac bruk ngak njauk di taneh ia Cuba meda mek hu ralo jayak, oh padeih paglaong labik dang di drei dalam khu vực saong dunya.

# Patui mbang nao rivang Hoa Kỳ, akaok QH Nguyễn Sinh Hùng hu taom gaok Ngoại trưởng Hoa Kỳ John Kerry saong taduan urang lambaok gah Pablei salih Hoa Kỳ Michael Froman mai salam uan. Ngoại trưởng Hoa Kỳ John Kerry ndom lac hu daong ba VN dalam bruk pacang cakak saong dom bruk mbuan rah tabiak di biến đổi khí hậu, abih di nyu nan lac bruk ia tasik tagok glaong urak ini. Ginum meyai ka bruk tasik biển đông, akaok QH Nguyễn Sinh Hùng saong Ngoại trưởng John Kerry njauk gauk patagok talei pambuak bruk piah khik kajap sron mbon, tani tanat angaok biển đông; kayua kein lagaih hong gauk di khu vực saong dunya. 

# Yaok thun, kham merat patrun meng 3 tal 4% baoh sang urang bangsa takik kan kathaot. Nan lac sa dalam dom chỉ tiêu hu ba tabiak peih ngak dom bruk patagok sa ribau thun ngan haong bhap bani urang bangsa takik pagam haong bruk patagok khang kajap hadei di thun 2015 bahrau hu Thủ tướng Raja-ei mboh tangin. Piah mek hu  chỉ tiêu angaok, jalan ngak ba tabiak nan lac njauk thể chế hóa dom bruk patagok sa ribau thun ngan haong bhap bani urang bangsa takik dalam dom bruk ngak suai lavik, kế hoạch patagok kinh tế - xã hội 5 thun vaktu 2016 - 2020 di taneh aia saong yaok mentri, ngành, puk palei; patagok pambuak bruk dom gah meng Trung ương tal puk palei piah peih ngak dom mục tiêu patagok thiên niên kỷ ngan haong bhap bani urang bangsa takik…

# Mesup harei 9/9, mintri y tế peih họp báo ka nyaom roya pakacah gauk anit ranam taneh ia gah y tế mbang ka 6 saong nyaom meyai dom urang ngak praong pakat glaong ka bruk patagok y tế mbang ka 10 di ASEAN. Nyaom roya pakacah gauk anit ranam taneh ia gah y tế hu rah tabiak di harei 17/9 tal di HN ngan saong kadha “salih barau, sami samar, hadah krah, siam ka pren yava bhap bini”. Hu mbaok tame nyaom roya jaik 1.200 urang, lambaok ka dom menuac urang, kapul nyaom hadah krah dalam bruk pakacah gauk anit ranam taneh ia mai meng dom puk palei, đơn vị dalam gah y tế. Ndom ka nyaom meyai dom urang ngak praong pakat glaong ka bruk patagok y tế di ASEAN mbang ka 10, mintri y tế pambuak saong UB bhap bini tỉnh Lâm Đồng peih tabiak di ban sit Đà Lạt meng harei 14 tal harei 17/9. 

# Pak bal Đà Nẵng, dom janih ruak tangin, takai, camboi, pandiak tabiak darah... mbuan tamuh ralo saong rah tabiak dalam kan kadah. Meng akaok thun tal ini, bal hu labaih 1.300 urang njauk ruak tangin takai camboi, tagok 65% dut haong tukvak ini thun dahlau, mboh ralo nan lac uranaih umo ala 5 thun. Ruak pandiak tabiak darah dak harei dak  ralo, ngan haong 4.000 urang njauk ruak, dalam nan hu sa urang metai. Anak bruk yau nan, Pasak Y tế caga ruak Đà Nẵng peih bruk pruh jru pak dom labik hu jit. Taphia di nan, brei Cloramin B ka dom baoh sang piah puh ramik ngak hacih labik daok.

# Meng akaok thun tal ini hu 2.600 doanh nghiệp mbiah saong sit dalam tỉnh Đắc Lắc mesraiy dom gilang pariak 16.000 tỷ đồng piah buh tame ngak mbang pablei salih, ralo jang 16% duk saong thun dahlau. Ong Tăng Hải Châu, phaok giám đốc gilang pariak karja dhar di Đắc Lắc ndom lac: phun jien mesraiy patagok nan lac kayua laba trun, tok di trun tagok di tanut meng 7 tal 8% sa thun ka yaom jien mesraiy takik harei, phun jien trung saong lavik harei daok di tanut 9% sa thun. “Tuk bo gilang pariak daong palagaih yau nan ye bhap bini jeng yau doanh nghiệp halan hatian mesraiy jien di gilang pariak, halan hatian duah phun jien piah duh ka bruk ngak mbang pablei salih di drei”.

# Mbang ribuk khang gam tui hajan prong rah tabiak dalam melam harei 8/9 ngak khut khat trak di 3 xã: Hàm Kiệm, Mương Mán saong Hàm Cường di huyện Hàm Thuận Nam, tỉnh Bình Thuận. Jaik 100 baoh sang njauk khut khat trak ka sang daok saong công trình phụ. Dalam nan, jaik sa meteh sang daok khut trak, tapeih tabung meng 70 - 100%. Langiu di nan, mbang ribuk daok ngak jaleih cổng saong ngak tapeih tabung 1 sang bac, 3 baoh baha saong sang 1 sang thờ dalam huyện. Tui kuhria khat lahik labaih 1,5 tỷ đồng. Hadei di tuk bala rah tabiak, Ủy ban Bhap bani xã Hàm Kiệm saong xã Mương Mán hu jak ba mikva daong ka dom baoh sang kathaot, baoh sang metui medhal, baoh sang kan kandah pasiam veik sang danaok. Tal melam 9/9, dom baoh sang hu sang khut khat, tapeih tabung hu pasiam ngak gilac saong grap tanat labik mbang labik daok.

Patui di ini dom khau tin dunya:

# Urang dang akaok barau tagok di jabat năng lượng dunya (ieu lac IEA) barau ieu “talei pambuak bruk praong jang” saong TQ, taneh ia pandar năng lượng ralo ka 2 di dunya. Dalam mbang nao rivang akaok meti TQ, Giám đốc barau điều hành IEA Pha-ti Bi-rôn ndom lac Bắc Kinh brei nao dahlau di ong dalam nhiệm kỳ 4 thun tal. Brei panuac anak urang dang akaok saong dom ngoại giao TQ di Bắc Kinh, ong Bi- rôn ndom lac hu patagok talei pambuak bruk saong dom taneh ia daok nổi oh lac thành viên di IEA.  

# Page harei kabroi 9/9, pak tỉnh Căm-pông Spư (Kampong Speu), Mentri Quốc phòng Campuchia peih bruk padang ngak Hội trường, labik ngak bruk di Sang bac sỹ quan tạo nguồn, di Bol bala Hoàng gia Campuchia hu padang ngak meng phun jien daong brei di Mentri Quốc phòng Việt Nam. Dom danak dak cơ sở hạ tầng duh ka bruk pato tacei dalam Bol bala Hoàng gia kayua Việt Nam daong ba padang ngak blaoh saong daok hu pandar biak siam, ngak brei patagok bruk thau ka gauk, dui pasiam saong patagok talei rohim meng kan siam gheih di bol lin dua negar.

# jeng dalam harei 9/9, mbang ribuk E – tau hu tuh tame NB gam tui hajan khang saong ngin khang. Kayua gaok kan kandah di ribuk yaok pluh mbang par njauk hoãn saong bruk di jalan pasei njauk gián đoạn. Jabat ini jeng hu panuac cảnh báo ia sua saong jaleih taneh di labik pulao Hon – su tuk mbang ribuk puh tapa. Dalam tuk nan, tui rayo papar binguk NHK, karja tỉnh Mi-e di NB hu pandar panduan ba labaih 10 ribau bhap bini anak bruk mbuan jaleih haluk. Hãng kapal haok NB saong hãng kapal haok Ôn Níp-pon hu klak takik di abih 25 mbang par kayua langik jhak./.