# Page ini, Quốc hội ginum biai,  brei tapa Sarak phê chuẩn đề nghị di Akaok Hội đồng bầu cử negar ka bruk brei padeih dom Phaok Chủ tịch saong dom Ủy viên Hội đồng bầu cử negar; Sarak phê chuẩn đề nghị di Akaok negar ka bruk brei padeih dom Phaok Chủ tịch saong dom urang Ủy viên Hội đồng quốc phòng saong an ninh; pang saong ginum biai pak kapul ka bruk đề nghị phê chuẩn talei angan dom Phaok Chủ tịch saong dom urang Ủy viên Hội đồng bầu cử negar. 

# Dom harei jiak di ni, hijan patau rah tabiak di dom puk palei di tỉnh Nghệ An song Lào Kai. Tui kuhria oh ka ginup abih, hangin khang song hajan patau di xã Mai Sơn, huyện Tương Dương, tỉnh Nghệ An ngak ka 5 urang njauk rambuac, 22 boh sang par tabung song jiak pluh boh sang pacah tabung. Ni lac mbang hajan patau ka 2 meng puac bilan 3 tal ni. Dahlau di nan, hajan patau jeng rah tabiak di dom puk palei di tỉnh Lào Cai

# Hadei di labaih 10 harei duah mboh saong điều trị ruak Zika, tal urak ini, pren yava di urang kamei ruak pak tỉnh Khánh Hòa hu siam veik. Urang kumei ruak saong manuac urang dalam sang oh nao du lịch, jeng oh taom gaok haong urang negar langiu nan ye meda njaom mbaak ruak kayua anek jamaok kaik pak labik daok. Hadei di tuk trun pandiak, urang ruak hu ba nao sang saong peih ngak bruk pa-atah dalam 15 harei. Tal ini, pren yava di urang ruak mboh grap tanat gilac. 

# Tỉnh Ninh Thuận dok peih bruk brei labaih 1.900 tấn brah dong pacang eik lipa mbang ka sa thun 2016 ka urang kurang eik lipa kayua pandiak bhang dok dalam tỉnh. Mbang ni hu labaih 30.900 boh sang gam song jiak 130.300 urang hu dong pacang eik lipa dalam sa bilan, tui tanut daong 15 kg ka sa urang. Tuk vak peih ngak tal abih harei 14/4   .

# Piah pabak ia pandar ka labaih sa rituh ribau baoh sang saong dom khu, cụm công nghiệp dalam tỉnh Tiền Giang, urak ini, Sang mac aia BOO Đồng Tâm pak xã Bình Đức, huyện Châu Thành njauk peih abih công suất. Yaok harei melam sang mac ini ba brei meng 50.000-60.000 mét khối aia, tagok jaik dua mbang dut haong bhian harei. Tukvak anak tal, meyah độ mbak angaok kraong Tiền oh hu siam veik, ye bruk cao bingun dalam jang piah mek aia ala baoh taneh brei ka sang mac aia BOO Đồng Tâm nan lac bruk njauk ngak.

# Pandiak bhang dalam harei tagok tal 37 độ C mbuan si khuak glai tràm glong. Anak bruk nan, urang dang akaok tỉnh Cà Mau brei patagok gah công an song bol lin hu mbaok dalam bruk pacang caga khuak glai. Taphia di nan, karja dom puk palei samar pachreih ba dalam bhap bini dalam nan hu 12 jamriak jhuk ia hu công suất prong, labaih 30 boh gaiy gilac song papandap panda kuhria pacang caga khuak glai 

# Ngan haong kadha "Roh duah taneh riya gah meraong” - "Thun rivang ma-in Du lịch negar 2016" bahrau peih pakak dalam melam kabroi 10/4 pak huyện pulao Phú Quốc, tỉnh Kiên Giang. Ini lac bruk ngak prong pakat negar. Langiu di dom bruk ngak dalam khuôn khổ, Thun rivang ma-in Du lịch Negar 2016 daok hu peih ngak pak 18 tỉnh bal dalam negar.

Khaw tin dunya:

# Harei kabroi 10/4 Thủ tướng Ấn Độ Na-ren-đra Mô-di (Narendra Modi) hu nao rivang kandi Put-tin-gan (Puttingal) di bang gah merong Kê-ra-la (Kerala), labik rah tabiak bala ngak takik di abih 110 urang metai song 390 urang karei njauk rambuac. Thủ tướng Mô-di jeng hu panuac dong ba 200 ribau  ru-pi (samu labaih 3 ribau đôla Mỹ) ka dom boh sang hu gauk gar metai song 50 ribau ru-pi(samu labaih 750 đôla Mỹ) ka dom urang njauk rambuac.

# Sambang megei baoh taneh khang 5,7 độ rích-te bahrau ngak megei bhum taneh Beng-ku-lu (Bengkulu) di Inđônêsia. Urak ini oh ka thau hadom manuac urang njauk rambius atau metai lahik kayua megei baoh taneh.  Inđônêsia daok dalam labik vành đai apui Thái Bình Dương, bhian njauk megei baoh taneh saong ceik apui pruh kayua ini lac labik jaik taphia di 3 klaih địa chất ala đáy tasik. Dom mbang megei baoh taneh prong dalam labik ini bhian hu mboh riyak prong. Mbang megei baoh taneh khang 5,7 độ rích-te nan lac tanut trung bình saong oh mbuan hu riyak prong.

#Akaok mintri jien padai Đức Vôn-fơ-găng Soi-blơ (Wolfgang Schaeuble) bahrau hu panuac lac, dom negar oh hu mboh tame sáng kiến dunya bo ong hu pok panuac lac piah pacang cakak bruk trốn thuế song rao jien meda dok dalam danh sách trừng phạt. Hadei di dom mbang chỉ trích khang di dom negar song karja Panama pagam tal vụ "Hồ sơ Panama" ngak chấn động dunya. Tổng thống Panama Hoan Các-lốt Va-rê-la (Juan Carlos Varela) hu khan lac, Panama halan hatain pambuak bruk song dom negar di dinua dalam mbang mesruh pacang nạn trốn thuế song rao jien ./.