Khaw tin 10h30 saong 14h30 harei 16-03-2016

# Harei kabroi (15/3), Tổng Bí thư Nguyễn Phú Trọng saong kapul ngak bruk  Trung ương nao ravang saong ngak bruk di tỉnh Long An ka bruk patagok kinh tế-xã hội, an ninh - quốc phòng, đối ngoại, bruk dak padang Đảng, bruk ngak tui Sarak nyaom roya Đảng bộ tỉnh saong Sarak nyaom roya XII di Đảng.  Tổng Bí thư Nguyễn Phú Trọng pandar puk palei pataom tame dom bruk ngak praong di tukvak tal ye : peih bruk bac megru, roh duah, tabiak bruk ngak siam Sarak nyaom roya XII di Đảng; dak padang bruk ngak cambaih piah Sarak tame raidiuk; pataom tame siam bruk patagok kinh tế - xã hội. Tỉnh njauk peih ngak siam bruk pilih ruah urang ka Quốc hội saong urang ka Hội đồng bhapbini dom pakat saong maong ini lac bruk ngak praong di thun 2016.

/ Jeng dalam harei 15/3, thành ủy, hội đồng bhap bini, UB bhap bini, UBMT negar ban raya HCM hu peih bruk pahadar 50 thun harei padang sang bac Đảng khu ủy bei gon – Gia Định (1965-2015), urak ini lac học viện urang jakar ban raya HCM. Brei panuac di mbang peih bruk, ong Đinh La Thăng, Bí thư thành ủy pandar học viện brei pambuak bruk pato megru saong bruk patagok di ban raya HCM piah hu mbaok tame bruk paglaong pren merak gauk, chất lượng patagok, học viện brei jhul pakhang bruk ruah duah saong pandar ilamu, paglaong chất lượng dom giảng viên piah pato pakai học viên jeng dom urang jakar abih hatai jai ka bruk ngak, bhian saneng, bhian ngak saong taduan trách nhiệm. 

# “Pataom tame daong saong hu bruk ngak suai livik ka thủy lợi, dalam nan caik dahlau dom dự án daong cakak tua saong mbak lac sa dalam dom bruk hu ba tabiak dalam nyaom biai di mintri ngak nong saong patagok palei pala saong dom đối tác patagok, urang tài trợ rah tabiak bair harei kabroi (15/3) di Hà Nội. Lambaok dom đối tác saong urang tài trợ dunya, amuk Pờ-ra-ti-ha Mét ta (Pratibha Mehta), Điều phối viên daok di Liên hợp quốc di Việt Nam ndom lac, taphia bruk pasang iek caong khin urak ini di puk palei daok gaok khat lihik piah hu dom bruk daong samal ka jien padai saong alamu, njauk peih praong dom mô hình sản xuất thông minh paglaong tính caga saong khin di biến đổi khí hậu. Việt Nam njauk taong yaom di dom nganh saong gauk saong drak samal ka quy mô, mức độ trak di bruk ngak piah meng di nan pambak praong phạm vi saong quy mô daong cakak… 

/ Biar harei kabroi 15/3, di ban sit Quy Nhơn, kadung jieng daong ka uranaih VN pambuak bruk saong tỉnh Bình Định peih bruk alin hadiah paok jien bac “gam saong adei nao tal sang bac”, ka anek saih gaok kan kandah dalam tỉnh. Phaok akaok negar Nguyễn Thị Doan saong urang lambaok kadung jien daong ka uranaih VN, urang dang akaok tỉnh Bình Định hu alin 150 paok jien bac, yaok paok yaom 2 triệu đồng ka anek saih gaok kan kandah, bhum urang bangsa takik dalam tỉnh.

# Jeng di bair harei kabroi (15/3), 5 urang ngak ikan di kapal ikan KH 96640 di tỉnh Khánh Hòa gaok kapal oh mbaoh cambaih số hiệu ginuh karam di bhum tasik Hoàng Sa di Việt Nam hu kapal ikan KH-96386 ba tama cảng Hòn Rớ, ban sit Nha Trang dalam hatai bui sambai di dom urang dalam sang saong dom yut gam nao tasik. Ông Nguyễn Văn Tầm, thuyền trưởng kapal ikan KH-96640 barau gaok ginuh karam khan veik : (Dahlak hadal hamiet, tuk 9 tuk melam hagait nan, hu sa kapal nyu mai tal, sambo màu xám xám, vak akhar Nho saoh. Nyu nduac tame, kol dahlak mboh jaik lo paje yau nan ye oh caga samu. Nyu ginuh tame blaoh nyu nduac, nyu sup melup abih. Dahlah meng pandar dom adei saai mek ka I trun, buh trun 2 can ia, thùng mì tôm. Palao trun lac kapal meng karam. Jaik 10 minit kapal karam trun lac 5 adei saai dahlak daok di ka i. Dahlau hu động viên adei saai.) 

/ Mesup 15/3, di ban sit Buôn Ma Thuột, Ủy ban bhap bini tỉnh Đắc Lắc hu peih nyaom meyai pataom iek veik bruk peih ngak sarak bangsa saong danak dak 135 tukvak 2011 – 2015 di tỉnh. Di nyaom menyai, urang hu caik ralo tukvak ginum meyai saong njauk gauk caong khin Đảng, karja patui peih ngak dom sarak ngan saong bhap bini bangsa takik piah jhul pakhang đầu tư padang ngak cơ sở hạ tầng, jhul pakhang patagok kinh tế - XH, rik daong ngak salih barau rai diuk ka bhap bini dom bhum kan kandah, bhum atah bayah, bhum urang bangsa takik di tỉnh.

# Sa trang web barau hu padang piah yaih khan du lịch bhum duyên hải miền trung tui jalan tiếp thị klau tỉnh Thừa Thiên - Huế, Đà Nẵng saong Quảng Nam ye sa libik nao độc lập. Nan lac khan brei thau di mban khik ramik dự án “ danakdak patagok năng lực du lịch hu trach nhiem saong alam moi truong, xã hội” . Urak ini trang web yaih khan du lịch bhum duyên hải miền trung daok dalam tukvak dak padang, kuhria caga meda khai trương di bilan hè thun 2016.

Patui di ini dom khau tin dunya:

/ Harei kabro 15/3, mintri ngoại giao TQ brei thau, rajaei taneh ia ini brei tapa bruk  lac ar thủy điện Cảnh Hồng di labik tỉnh Vân Nam, TQ, peih ia trun labik gah ala kraong Mê Công. Bruk ngak ini hu peih ngak meng harei 15 bilan 3 tal harei 10 bilan 4 thun 2016.  

# Di mbang nyaom trực tuyến saong sở lao động di 18 tỉnh jaik ini, Phó Bí thư Thường trực mintri Lao động Thái Lan, ông Su-vít (Suvit Sumala) hu ndom khang ka bruk njauk salih barau bruk khik ramik di lao động nhập cư.  Rajaei Thái Lan hu mbaoh tangin tame biên bản hadar dua gah saong Campuchia, Lào saong Mianma piah khik ramik lao động di cư tapa biên giới, bruk pablei salih menuac lao động nhập cư, lao động cưỡng bức saong lao động uranaih di Thái Lan. 

/ UB châu Âu harei kabroi 15/3 brei thau, Liên minh châu Âu hu peih jien brei mesraiy 10 triệu ơrô ka bruk ruah duah virút Zika, janih virút daok ngak kan kandah tal ralo bhum di  Mỹ Latinh. Yaom jien barau ndom nan, hu kaoh tabiak meng Ho-ri-dừn 2020, sa kadung jien jhul pakhang sáng tạo saong ruah duah di  Liên minh châu Âu, hu peih brei dom dự án ruah duah ka bruk pambuak tal virút Zika  saong ruak glo akaok di anek kamar./.