Khaw tin 10h30 saong 14h30 harei 16-9-2015

# Harei kabroi 15/9 di HN, Thủ tướng Nguyễn Tấn Dũng nao hu mbaok di tuk pahadar 70 thun harei padang Thông tấn xã Việt Nam (15/9/1945-15/9-2015) song taduan Huân chương Độc lập hạng nhất mbang ka 2. Brei panuac di tuk nan, Thủ tướng Nguyễn Tấn Dũng ndom lac: tapa 70 thun kham merat dak padang song praong tagok, Thông tấn xã Việt Nam njauk lac sa jalan khan brei thau biak praong di Đảng, Karja song bhap bini drei.

# Cục khik ramik iek ruak (mintri Y tế) barau hu công văn pandar dom sang iek ruak di mintri Y tế, Sở Y tế dom tỉnh, ban patagok bruk iek ruak piah trun takik urang metai kayua ruak pandiak biak darah Dengue. Mintri Y tế jeng tacei pato dom sang iek ruak tuyến cuối di dom sang iek ruak pandiak biak darah Dengue, yau ye sang iek ruak ruak Nhiệt đới Trung ương, sang iek ruak Nhi Trung ương, sang iek ruak đa khoa Trung ương Huế, sang iek ruak Bệnh Nhiệt đới ban raya Hồ Chí Minh ..v..v njauk caga daong dom labik iek ruak tuyến ala tui khu vực hu akaok mintri Y tế parabha bruk . 

#Bier harei 15/9, Hội đồng tuyển sinh Đại học Huế hu var ginum biai jalan langyah bruk pambuak tal 34 thí sinh palih ruah tame ĐH Huế hu harak khan lac trúng tuyển bloh laik kayua suan dalam bruk cộng điểm ưu tiên, 13 thí sinh hu harak khan lac trúng tuyển tame sang bac Đại học Sư phạm Huế min oh hu taduan tame bac kayua hạnh kiểm 3 thun bac phổ thông oh siam.

# Tỉnh Bình Định barau peih parang iek rup cih uranaih ka ilimo nao mai angaok jalan. Parang iek yaih khan jaik 200 blah rup cih hu pilih ruah dalam 2.000 blah rup cih pataom tame mbang pakacah cih rup cih uranaih pakat negar ka "ilimo  nao mai angaok jalan" kayua Ủy ban An toàn giao thông pakat nager saong pasak roh duah khik ramik saong patagok ilimo bangsa VN ba tabiak.

/ Kayua ribuk ka 3, di tỉnh Quảng Trị hu hijan khang di dom huyện bhum ceik, ia di dom krong tagok samar. Hijan prong gam song hangin khang ngak ka yaok pluh boh sang song sang bac par tabung. Di xã Vĩnh Chấp, huyện Vĩnh Linh, sa mbang ngin ribuk khang gam song hajan prong di mesup harei 15/9 ngak par tabung 7 boh sang, labaih 300 phun cao su song yaok pluh ha phun pala khut khat.

# Bair harei kabroi 15/9, mbang hajan dui atah jaik 2 tuk ngak ka rilo canah jalan di ban raya Hồ Chí Minh dauk dalam. Jalan Đỗ Xuân Hợp (quận 9), jalan Kinh Dương Vương (quận 8), jalan Huỳnh Tấn Phát (quận 7), jalan Kha Vạn Cân (quận Thủ Đức) dauk meng 40-50cm. Di phường Hiệp Bình Phước, Hiệp Bình Chánh (quận Thủ Đức) dom jalan di bhum ini ia dauk dalam tal 60cm ngak ka urang oh nao mai hu. Ông Nguyễn Văn Sáu, urang daok di khu phố 1, phường Hiệp Bình Phước, quận Thủ Đức brei thau : mikva di khu phố 1, phường Hiệp Bình Phước kol dahlak caong khin karja palei ramik pasiam jalan mbak, cống thuak ia oh njauk mbang hajan praong cống phì tagok. Tuk cống pak ini jeng  seik nao, miva urang nao jalan, urang oh maong mboh jeng  libuh hamiet. Kol dahlak oh  thau ngak habal, tok caong khin karja saong dom gah chuc nang ngak habal ka jalan thuak ia siam oh lac dui atah yau ini biak glaih glar. 

Patui di ini lac khaw tin dunya

/ Tui panuac khan bahrau ni di Jabat tui iek jalan tapen negar châu Âu (Frontex), hu labaih 156 ribau urang di cư tame EU dalam bilan 8 meng bloh, patagok urang di cư tame EU meng akaok thun tal ni labaih 500 ribau urang 

          # Quỹ Nhi đồng Liên hợp quốc (UNICEF) harei 15/9 brei thau, dalam tukvak uranaih di dunya yam tame thun bac barau ye di Xyri hu tal labaih 2 triệu uranaih oh nao bac. Tui UNICEF, hu jaik 400 rabau uranaih karei di Xyri dang anak bruk oh nao bac hu kayua mesruh metak dalam taneh ia yam tapa thun ka 5. Lambaok ka UNICEF di Xyri Ha-na Sing-gờ (Hanaa Singer) ieu daong piah khik veik gah pato megru Xyri daok dang anak bruk mbuan jaleih saong daong ka  uranaih Xyri hu nao bac .

/ Harei kabroi 15/9 Mintri pato megru Malaixia brei thau dom sang bac di negar ni kreik pabah mbang tal tuk không khí hu siam veik. Dom sang bac njauk kreik pabah mbang dok di dom labik hu thur mur  meng bruk khuak glai di negar Inđônêsia daok jaik taphia. Tal harei ni, hu labaih 2 ribau sang bac di Malaixia kreik pambah mbang kayua thur mun, ngak brei 1 trieu 500 ribau anek saih padeih bac./.