Khaw tin 10h30  saong 14h30 harei 16/10/2015  

# Biar harei 15/10, pak jabat Menti Quốc phòng, Trung tướng Võ Văn Tuấn, Phaok Tổng Tham mưu trưởng Bol bala bhap bani Việt Nam hu taduan raok  Đại tướng Nget Norin, Phaok Tổng cục trưởng Tổng cục Hậu cần – Tài chính, gam lac Cục trưởng Cục Công binh Bol bala Campuchia. Trung tướng Võ Văn Tuấn ndom lac, talei pambuak bruk di bol bala saong bhap bani dua negar  hu meng lavik mai saong cakrok biak siam taong abih gah kinh tế, chính trị, ilamo, khoa học kỹ thuật saong quốc phòng an ninh… tui njauk jalan “jaik taphia siam mekre, jum pataom meng kan, pambuak taong abih bruk, khang kajap suai lavik” bo urang pal akaok dua negar hu ba tabiak blaoh.  

# Pagaiy harei ini (16/10), di Hà Nội, nyaom roya Đảng bộ Công an Trung ương mbang yaka 6, tukvak 2015-2020 hu peih pakak. Nyaom roya hu makna praong, tabiak jalan, pachreih ba urang jakar, urang đảng, urang lin Công an bhapbini paglaong hatai jum pataom, paglaong bruk ngak di drei, kham merat nngak siam bruk khik caga an ninh, trật tự, dak padang Đảng, dak padang kapul công an bhapbini hacih, khang kajap, rik daong dak padang saong patagok taneh ia. 

 #  Harei kabroi (15/10), pak Hà Nội, Tổng cục Chính trị Bol bala bhap bani Việt Nam peih bruk pataom mbaok, ndom biai nao mai pahadar 85 thun Harei padang Kapul urang kamei Việt Nam. Pak van pahadar, Thượng tướng Phương Minh Hòa, Phaok Chủ nhiệm Tổng cục Chính trị hu pok meyaom dom bruk ngak siam di urang kamei Bol bala dalam dom thun tapa, tadhau yuh dom sa-ai tuk halei jeng khang kajap, patagok ilamu di urang kamei Việt Nam “Anh hùng, bất khuất, trung hậu, đảm đang” naih bruk taneh aia, joiy bruk sang danaok.

# Bộ Tư lệnh Quân khu 5 barau peih harei pataom daoh tamia, pok je bruk “tự lực, tự cường, pasiam kan kandah, yam tapa kan kandah, naih gheih, hadah krah, khang hatai mesruh metak, jayah hadah hadai” di tapon nyom bol pan phao kraong Quân khu 5 Anh hùng. Danakdak hu dom kadha daoh tamia, taom gaok di urang jakar, urang lin ranaih umo saong tướng lĩnh, urang dahlau thiah dang akaok Bộ Tư lệnh Quân khu 5 tapa dom tukvak .  

# Đắc Lắc bahrau peih Nyaom roya Đảng bộ tỉnh mbang ka 16, tukvak 2015 – 2020. Tapa nan, urang hu rik tame rilo panuac, ba tabiak dom jalan ngak piah mek hu dom bruk tui sarak nyaom roya. Nyaom roya hu pilih ruah Ban chấp hành Đảng bộ mbang 16 hu 56 urang. Dalam mbang nyaom akaok mereip, Ban chấp hành Đảng bộ hu pok ong Ê Ban Y Phu ngak Bí thư Tỉnh ủy tukvak 2015 – 2020. Ong Y Thanh Hà Niê Kđăm, Bí thư thành ủy Buôn Ma Thuột, lac:“Tapa bruk pilih ruah Ban chấp hành khóa bahrau dahlak mboh lac hu bruk salih bahrau ngan haong urang jakar daok ranaih umo, urang jakar kumei; saong dahlak jia lac Ban chấp hành bahrau gam haong dom jalan ngak hu Nyaom roya  brei tapa meda ba tỉnh Đắc Lắc yam patagok biak siam,  peih tabiak jalan khang kajap ba bal Buôn Ma Thuột  jeng đô thị pasak pak Tây Nguyên” 

#  Harei kabroi (15-10), Ủy ban bhapbini tỉnh Đắc Nông peih nyaom biai dauh jalan paglaong bruk iek ruak saong yam tal bruk bảo hiểm y tế toàn dân. Urak ini, Đắc Nông hu padang dom labik pabak ka bruk iak ruak akaok mereip. Min, tui taong yaom, menuac ngak, abih di nyu nan lac bác sĩ chuyên khoa di Đắc Nông jeng daok kurang . Dom tham luan dalam nyaom biai hu ndom ka dom alamu dalam bruk yam tagok kan kandah piah paglaong bruk iek ruak .

# Melam kabroi (15/10), Thành đoàn bal raya Hồ Chí Minh meda peih bruk pok meyaom saong pok brei giải thưởng Nguyễn Văn Trỗi mbang ka 8 ka dom dam dara urang ngak mek hu thành tích xuất sắc dalam bruk ngak. Tapa 8 thun peih ngak, tal ini hu 188 kareih camin urang ngak naih jioy hu pok meyaom. Thun ini, Ban tổ chức giải thưởng Nguyễn Văn Trỗi hu quyết định pok brei giải thưởng ini ka 26 kareih camin dam dara urang ngak hu thành tích tiêu biểu dalam bruk ngak di drei.

Khaw tin dunya

# Gilang pariak Trung ương Hàn Quốc hu patrun tanut patagok kinh te thun 2016 di taneh ia ini meng 3,3% trun daok 3,2%.  Gilang pariak Trung ương Hàn Quốc jeng patrun bruk patagok kinh tế thun 2015 meng 2,8% trun daok 2,7%. 

 # Taduan panuac daa di ong Bun-nhăng Vo-la-chít , Ủy viên Bộ Chính trị, Thường trực Ban Bí thư Đảng Bhap bani Cách mạng Lào, Phaok akaok negar Cộng hòa Dân chủ Bhap bani Lào, harei 15/10, Phaok akaok negar Nguyễn Thị Doan tapa rivang negar Cộng hòa Dân chủ bhap bani Lào. Phaok Akaok negar Nguyễn Thị Doan brei mboh hatai bui sambai ka dom bruk ngak hu dalam bruk dak padang saong patagok taneh aia bo Đảng, Karja saong rajaei Lào mek hu dalam tukvak tapa.

# Kapul radaih pajeng pandap di Nga daong pahla ka urang gaok kan kandah kayua srau kadau di gah timul Ucraina hu tagok jalan nao tal Ucraina. Urang brei panuac di mintri tình trạng khẩn cấp Nga brei thau, kapul radaih daong mbang ini hu 100 radaih pajeng labaih 1 rabau 100 tấn pandap ka bhapbini bhum Đô-nhét-xcơ saong Lu-gan-xcơ di Ucraina. Pandap daong hu pandap mbang menyum, jru tavao, dom nhu yếu phẩm, dom pandap caga khuah saong dom pandap  brei ka sang bac ./.