Khaw tin 10h30 saong 14h30 harei 17-3-2016

# Bair harei 16-3, Tổng Bí thư Nguyễn Phú Trọng saong kapul ngak bruk Trung ương hu var ngak bruk saong urang dang akaok, urang jakar tỉnh Tiền Giang ka bruk patagok kinh te – xa hoi, an ninh, quốc phòng, đối ngoại, bruk dak padang Đảng, bruk ngak tui Sarak nyaom roya Đảng bộ tỉnh saong Sarak nyaom roya mbang yaka XII di Đảng. Tổng Bí thư Nguyễn Phú Trọng taong yaom glaong dom bruk ngak hu di Tiền Giang dalam tukvak tapa nyu patagok sumu gauk, khang, ba jalan tagok glaong, abih di nyu nan lac jalan patagok kinh te ngak hu glaong di 5 thun jaik ini; tỉnh hu ngak drak samal daong cakak tua mbak siam, trun khat lihik dalam pala drak saong langyah ia pandar ka bhapbini bhum tapang tasik Gò Công.

/ Anak bruk pandiak bhang ngak kan kandah biak khang tal bruk pala drak, bruk ngak mbang ngak huak saong meda dui atah, biar harei 16/3, UB bhap bini tỉnh Kon Tum tabiak panuac lac bala pandiak bhang rah tabiak di tỉnh ngan saong khat lihik cấp độ 1. Kuhria tal urak ini, jaik 1.200 ha phun pala, dalam nan padai ia labaih 750 ha, cà phê labaih 400 ha di tỉnh Kon Tum njauk thu lagu, kurang ia. Khat lahik abih labaih 280 ha saong daok patagok yaok harei. Gah chức năng puk palei ndom lac, meyah langik daok pandiak bhang yau urak ini, tal puac vụ, jaik 6.000 ha phun pala di tỉnh njauk pandiak bhang. Daok phun jien brei ka bruk pacang cakak bhang, ong Nguyễn Hữu Hải, phaok akaok Thường Trực  UB bhap bini tỉnh Kon Tum brei thau: “Ndom ka nguyên tắc hu tacei pato meng akaok. Ka dua urak ini rajaei hu daong ka tỉnh Kon Tum jaik 17,6 tỷ. Dom gah chức năng daok tham mưu ka UB bhap bini tỉnh, kol dahlak hu thông báo phun jien ini tal taong abih dom huyện piah dom huyện kuhria bruk pacang cakak bhang”.

# Tui pathau khan di mban tacei pato Tây Nam bộ, urak ni bruk tua mbak pambak tame dalam di bhum taneran kraong Cửu Long , hu 8 tỉnh dalam bhum brei thau bruk khat lihik nan lac : Long An (cấp độ 2); Cà Mau (cấp độ 1), Tiền Giang (cấp độ 1), Sóc Trăng (cấp độ 2), Bến Tre (cấp độ 2), Kiên Giang (cấp độ 2), Vĩnh Long (cấp độ 1) saong Trà Vinh (cấp độ 1). Tui kuhria mboh dahlau, tukvak tal mbak meda pambak dalam, meda trak jang tukvak akaok bilan 2.

/ Ngan saong kadha “dom bangsa Tây Nguyên – jum pataom – khik ramik – patagok ilamu bangsa, rik daong patagok khang kajap khu vực, taneh ia”, harei pataom nghệ thuật bhap bini Tây Nguyên hu rah tabiak dalam 5 harei meng harei 18 tal harei 23/3 di pasak ban sit Kon Tum, tỉnh Kon Tum hu mbaok di 5 tỉnh nan lac: Kon Tum, Gia Lai, Đác Lắc, Đác Nông saong Lâm Đồng. Dalam danak dak hu dom bruk ngak yau: harei pataom ngak rup kayau bhap bini, ngak alat ragam bangsa, parang iek inem krung ilamu Tây Nguyên, parang iek ilamu pasiam chiêng, ndom meyai nao mai cồng chiêng. 

# Harei 16/3, mintri Y tế brei thau : bruk jit ruak kayua vi rút Zika jeng daok rah tabiak khang. Piah caga oh caik ka jit ruak kayua vi rút Zika pambak tame jeng ye jit ruak pandiak tabiak darah patuh khang, mintri y te pandar uy mban bhapbini dom tỉnh, ban daok dalam TW tacei pato Sở y te paglaong pathau khan jak ba bhapbini pametai jamaok, lang quang piah caga jit ruak kayua vi rút Zika saong ruak pandiak tabiak darah ; peih ngak siam bruk dut iek, xử lý sruh jit, taduan mek, iek ruak ka urang ruak piah trun takik abih urang ruak saong metai. 

/ Biar harei 16/3, sở y tế tỉnh Đắc Lắc hu đình chỉ bruk ngak 15 harei ngan saong 4 urang jakar sang iek ruak Đa khoa huyện Chư Quynh, tỉnh Đắc Lắc piah ngak cambaih makna ka bruk tắc trách ngak adei Lê Thị Hà Vi anek saih tal 10, sang bac Trung học phổ thông Y Jút, huyện Chư Quynh njauk kaoh takai. 4 urang jakar njauk đình chỉ bruk ngak nan lac: Bác sỹ Trịnh Đức Lam, Phó Giám đốc sang iek ruak đa khoa huyện Chư Quynh; Bác sỹ điều trị Y Tâm; dom điều dưỡng viên Lê Thị Long saong Vũ Thị Kim Len. 

# Di Cần Thơ, bruk “ bhapbini jum pataom dak padang raidiuk ilimo” dak harei dak pachreih hu rilo bhapbini pataom tame saong ngak hu siam. Thun 2015, ban sit pilih ruah hu labaih 255 rabau sang ilimo; ngak hu labaih 95% dalam abih tih sang tut angan lac sang ilimo saong hu labaih 93% di abih tih sang. Taphia nan, mban tacei pato ban sit jeng daok khik saong brei thau labik dang praong prang di sang; dak apdang sang ilimo pambuak pagam saong bruk padang ngak palei pala barau saong  văn minh đô thị. Ông Đặng Thái Hòa – Phó akaok Sở ilimo padhih saong du lich ban sit Cần Thơ, brei thau : “Kol dahlak jeng daok paglaong chat luong di thiet che ilimo, asal di sang di palei, di xã, di phường, di bhum ilimo. Nan lac ngak ka bhapbini sahaneng glaong ka ilimo; bruk ndom puac daok dang saong gauk dalam bhapbini hu siam jang. Yaom lac ilimo atau văn minh đô thị min kol drei jeng pok je bruk sang .

Patui di ini dom khau tin dunya:

/ Harei kabroi, Liên minh châu Âu hu tabiak  lệnh trừng phạt ngan saong 3 urang ngak praong Libi phản đối bruk padang rajaei jum pataom bangsa hu phương Tây daong. 3 urang ngak praong njauk trừng phạt nan lac hu dua Chủ tịch di dua Quốc hội oh njauk gauk dalam tukvak tapa di Libi, saong thủ tướng tự phong di phe oh hu dunya daong hu jabat ngak bruk di ban ine Tri-pô-li, ông Kha-li-pha Al Gơ-oen. Jalan trừng phạt nan lac lệnh cấm nao mai saong phong tỏa drap ar 

# Quốc hội Bồ Đào Nha barau brei tapa kadung jien karja thun jien padai 2016 di taneh ia ini, dalam nan njauk hatai gauk salih dom jalan  thắt lưng buột bụng oh hu njauk hatai  bhapbini. Bruk nan hu ba tabiak hadei di rilo bilan ginum biai catang saong Liên minh châu Âu (EU) kayua khối ini caong khin Bồ Đào Nha cakak trun thâm hụt kadung jien karja dalam jang .

/ Akaok hội đồng Bộ trưởng Cộng đồng patagok gah meraong châu Phi (SADC), ông Tau-phi-la Ni-a-ma-dô brei thau hội đồng hu brei tapa tuyên bố ka bala pandiak bhang dalam khu vực. Hội đồng caong khin dom taneh ia thành viên pabak dom bruk daong cơ bản ka labaih 28 triệu urang njauk gaok kan kandah, jeng yau pabak dom số liệu sơ bộ ka dom nhu cầu ngũ cốc saong dom janih pandap mbang dalam thun 2016 – 2017 piah daong jalan pachreih dom nguồn lực saong hậu cần./.