Khaw tin 10h30 saong 14h30 harei 17-5-2016

             # Harei kabroi 16/5, pak jabat Trung ương Đảng, Tổng Bí thư Nguyễn Phú Trọng hu taduan raok Kapul urang lambaok pakat glaong Raja-ei Lào kayua Thủ tướng Thoong-lun Xi-xu-lít ba akaok, daok rivang Việt Nam.  Tổng Bí thư Nguyễn Phú Trọng saong Thủ tướng Thoong-lun Xi-xu-lít brei mboh hatai bui sambai ka talei rohim pambuak nao mai meng kan, gul pataom biak karei saong pambuak bruk taong abih gah di Việt Nam - Lào, Lào-Việt Nam dak harei dak pakajap saong patagok.

             # Dalam mbang ravang Liên bang Nga, melam 16/5, tui tukvak Việt Nam, Thủ tướng rajaei Nguyễn Xuân Phúc hu taduan raok Chủ tịch Đảng Cộng sản Liên bang Nga Diu-ga-nốp. Thủ tướng Nguyễn Xuân Phúc ndom lac : Việt Nam tuk halei jeng caong khin paglaong, oh padheih patagok talei pambuak bruk Đối tác chiến lược toàn diện saong Nga.

             # Pak Muyim tỉnh Hải Dương, dalam dom harei ini daok rah tabiak Mbang parang iek ba parang hu angan iew lac “Chủ tịch Hồ Chí Minh ngan haong mbang Tổng tuyển cử Quốc hội akaok mereip thun 1946 saong dom mbang bầu cử Quốc hội, Hội đồng bhap bani dom pakat tỉnh Hải Dương”. Labaih 250 harak ba-ar, pandap panda hu ba tabiak parang biak khoa học, khan brei thau tapa ka dom bruk ngak di mbang tổng tuyển cử thun 1946 saong dom mbang palih ruah Quốc hội, Hội đồng bhap bani dom pakat dom thun patui nan.

        # Harei pataom iek veik saong alin brei giải ka dom thí sinh mek hu giải mbang pakacah vak ka “Đề xuất sáng kiến patagok sinh kế kajap ka bhapbini urang ngak ikan tapeng tasik ban sit Quy Nhơn” barau rah tabiak harei 16/5.  8 đề xuất, sáng kiến ka patagok dom sinh kế brei jien mek tame kajap ka bhapbini hu mban peih ngak pilih ruah, alin giải. Sáng kiến VAC – Patagok kinh tế saong khik caga alam môi trường di urang ngak ikan Nguyễn Huỳnh Đức Toàn (xã Nhơn Hội) mek hu giải Nhất.

               # Biar harei 16/5, Kapul nyaom ngak bruk gah Công đoàn Gilang pariak Sarak karja hu mai tangi rivang alin brei 250 pok pandap ka urang taong ikan njauk khat lahik kayua kaya ikan metai oh thau dahlau pak bal sit Lăng Cô, huyện Phú Lộc, tỉnh Thừa Thiên Huế. Yaok pok pandap hu yaom 500 ribau đồng. Ong Nguyễn Văn Lý, Phaok Akaok Giám đốc Rilang pariak Sarak karja brei thau:  Meyah khat lahik ala 40% khaol dahlak meda dui atah sre, meyah khat lahik labaih 40% meda hu brei caik tamo sre. Langiu di nan, khaol dahlak daok duah thau ka hatai caong khin jien phun pabak yau panduan salih bruk ngak atau tổ chức gilac bruk ngak piah samar ba brei phun jien piah ka mikva njauk khat lahik grap tanat veik rai diuk.

             # Pachreih tui bruk peih ngak Bilan urang ngak thun ini, Liên đoàn Lao động ban sit Đà Nẵng brei alin  30 “baok sang Công đoàn” alin ka urang ngak sang kan kandah, yaom jien abih tih jaik 800 triệu đồng. Ông Lương Nguyễn Minh Triết, akaok Liên đoàn Lao động ban sit Đà Nẵng brei thau :  Liên Đoàn Lao động ban sit meda alin “ baok sang Công đoàn” di mbang ini saong ravang urang ngak hadah trah bo njauk bala. Dom Công đoàn cơ sở jeng hu dom bruk ngak biak siam mekre di bilan urang ngak. Kol dahlak quy dinh lac yaok Công đoàn cơ sở hu takik abih sa bruk ngak di bilan urang ngak ini. Ngak habal lac pataom tame pasang iek lợi ích siam lagaih ka urang ngak.

       # Dom harei tapa, ralo janih kaya ikan dalam aia hu darak pasar blei tame ralo saong hu yaom nan ye urang taong ikan pak tỉnh Ninh Thuận daok ramik tukvak samar tabiak tasik taong mek ikan. Jantak that daok diuk hu yaom pablei tabiak meng 120 ribau đồng tal 160 ribau đồng/kg; ikan Ngừ bingu hu yaom mehg 45 tal 60 ribau đồng sa kg; ikan Mú hu yaom meng 110 ribau tal 140 ribau đồng sa kg... Tuai damuai nao darak dalam dom harei ini oh lac tok hu mikva di palei pala bo daok mboh ralo tuai damuai mai rivang ma-in duah blei kaya ikan mai ngak pandap.

          Patui di ini lac khaw tin dunya

           # Bair harei kabroi (16/5), di jabat mintri Quốc phòng Thái Lan di ban ine Băng Cốc, Đại tướng U-đom-đệt (Udomdej Sitabutr), Thứ trưởng mintri Quốc phòng, lambaok ka po patao Thái Lan alin Huân chương Hiệp sĩ Bội tinh đệ nhất ka Thượng tướng Phương Minh Hòa, Phó Chủ nhiệm Tổng cục Chính trị, bol bala Việt Nam. Huân chương Hiệp sỹ Bội tinh đệ nhất lac huân chương glaong abih caik ka bhapbini taneh ia Thái saong urang taneh ia langiu hu kong ka taneh ia Thái Lan. Thượng tướng Phương Minh Hòa lac urang Việt Nam mbang ka 3 hu mek huân chương ini. 

           # 8 hãng kapal haok yaom lap dalam dom taneh aia Đông Nam Á, Nhật Bản saong Australia harei 16/5 brei thau bahrau dak padang sa liên minh prong abih dunya brei adat ka dom tuai damuai meda đặt vé kapal haok pandar sa nền tảng chung. Liên minh ini hu mbaok dom hãng kapal haok di Singapore Australia, Philippines, Hàn Quốc, Thái Lan saong Nhật Bản. Panuac brei thau hu ndom cambaih laih liên minh ini meda duh ka labaih 160 labik nao tal ngan haong sa kapul nyaom par taong abih hu 176 sruh kapal haok.

       # Melam kabroi 16/5, sa mbang megaiy taneh ngan saong cường độ kuhria akaok mereip khang 5,6 độ Richter (Rích-te) barau rah tabiak di khu vực Kanto (Can-tô), dalam nan hu ban ine Tokyo, di gah timul Nhật Bản. Min, oh hu brei thau dahlau ka sóng thần halei hu ba tabiak. Dom labik gah timul Nhật Bản jeng hu mboh dom mbang megaiy taneh ini. Urak ini, oh ka brei thau metai lahik saong khat lahik kayua mbang megaiy taneh ini ngak tabiak.