Khaw tin 10h30 saong 14h30, harei 1/7/2015

                                                                                                                                                                                                                                                                                                                                                                                                                                                                                                                                                                                                      # Harei ini, bruk pahadar 100 thun harei menek Tổng Bí thư Nguyễn Văn Linh (1/7/1915 – 1/7/2015). Dalam diễn văn tuk pahadar di harei kabroi, Tổng Bí thư Nguyễn Phú Trọng ndom lac,bac megru, ngak tui ong Nguyen Van Linh saong dom urang cach mang nao dahlau karei karei, kol drei daok ngak tui siam jang sarak, jalan ngak di Đảng, jhul pakhang bruk salih barau, dak padang saong khik caga taneh ia urak ini.

/ Mesup harei ini 1/7, nyaom roya pakacah quyết thắng toàn quân mbang ka 9 peih tabiak di hội trường mintri quốc phòng, HN. Hu mbaok di labaih 700 urang nan lac dom kreih camin naih joi dalam bruk pakacah quyết thắng tukvak 2010 – 2015; urang lambaok dom kapul nyaom anh hùng bol pal phao kraong bhap bini, Anh hùng lao động samar salih barau saong chiến sĩ pakacah dalam negar, dalam bol bala.

# Harei ini (1/7), labaih 1 triệu thí sinh dalam taneh ia yam tame mbang pakacah trung học phổ thông pakat negar thun 2015. Ini lac mbang akaok meti ket qua pakacah hu pandar piah pasang iek brei tot nghiep trung học phổ thông saong  tuyển sinh đại học, cao đẳng. Di dom var pakacah meng harei 1/7 tal puac harei  4/7, mintri pato megru daok ba dom kapul dut iek di dom cum pakacah piah caga dom bruk suan, taphia nan duah mboh dom kan kandah, bat cap di gah peih bruk pakacah, meng di nan hu Phuong an langyah samal, khik caga bruk khach quan, tapak di dom cum pakacah.

/ Dalam labaih 8000 anek saih di tỉnh Bà Rịa-Vũng Tàu hu mbaok tame mbang pakacah THPT pakat negar thun ini hu sa anek saih biak karei nan lac ong Hà Minh Tuấn umo 56 thun, daok di ban sit Long Điền, huyện Long Điền. Ong nan lac anek saih praong thun di abih di tỉnh Bà Rịa-Vũng Tàu tut angan tame pakacah THPT thun ini. Ong Tuấn brei thau, yaom lac praong thun min ong jeng khin thử sức dalam mbang pakacah ini. Tapa nan ong jeng caong khin ralo ayut ranaih umo hu mbuan lagaih piah bac daa jang rai rah amaik ame brei kham merat duah thau, paglaong ilamu piah hu harei hadei siam jang. 

#  5 thun tapa,  tỉnh Đắc Lắc hu labaih 337 rabau mbang urang nong ngak mbang pablei salih joi. Kuhria caga dom sang ngak mbang pablei salih joi hu jien mek tame yaok thun meng 50 triệu đồng tal 1 tỷ đồng. Ông Hoàng Mạnh Cường, urang nong ngak mbang joi phường Tân Tiến, ban sit Buôn Ma Thuột ndom lac : Tapa ini jeng lac bruk pachreih, khich le di gah Dang saong karja ka dom urang nong ye kol dahlak. Dua tra veik ini jeng lac tatua dui pagam piah kol dahlak hu taom gaok dom urang nong karei, oh padheih di dom hagaiy drei daok ngak atau drei ngak hu blaoh bo kol drei daok megru hu labik dom urang nong piah kol dahlak ngak siam jang bruk di drei.

/ Harei 30/6, di ban raya HCM, tổng cục pato bruk ngak, mintri lao động – thương binh saong XH peih “nyaom darak bruk ngak thun 2015”. Nyaom darak mbang ini hu 15 doanh nghiệp ngan saong 25 gian hàng yaih khan dom bruk ngak karei di gauk. Ong Nguyễn Hồng Minh, phaok akaok tổng cục pato bruk ngak, mintri lao động – thương binh saong XH brei thau: Kol dahlak chuyển giao danak dak di dom taneh ia patagok. Tui nan, kol dahlak ba dom gru pato di drei tapa pato di dom taneh ia chuyền giao danak dak nan piah mek hu tanut chuẩn chất lượng saong pato danak dak chuyển giao. Bloh đầu tư cơ sở vật chất tui dự án pabak  tui dự án piah mek hu tanut chuẩn. Saong ngak yau habar piah brei doanh nghiệp mboh bruk pato lac quyền lợi saong trách nhiệm di gait.

# Harei 30/6, di mblang cuh klak hareik di xa Tân Hưng, huyện Tân Châu, tỉnh Tây Ninh, mBan tacei pato caga buôn lậu, gian lận pablei salih saong pandap ja tỉnh Tây Ninh hu cuh klak labaih 700 rabau paok pakao hala brei tame di taneh ia langiu. Ini lac luong pakao hala kayua dom gah chức năng tỉnh Tây Ninh taduan mek meng bilan 9/2014 tal puac bilan 3/2015.

 Patui di ini dom khau tin dunya:

/ Harei 30/6, HQ hu sa urang metai kayua laka jalan suak yava bhum Trung Đông (MERS), min oh hu urang halei njom barau dalam 3 harei. Yau nan, dom urang metai saong njom MERS urak ini di HQ nan lac 33 saong 182. Tui mintri y tế HQ, urang barau metai nan lac amuk umo 81 thun hu ralo ruak, dalam nan hu ruak xuất huyết glo akaok, dahlau tuk thau lac njom MERS.  

          # Takik abih 116 urang metai di mbang laik kapal ahaok quan su di ban Mêđan, pulao Sumatra di Inđônêxia.  Tư lệnh lực lượng không quân Inđônêxia brei thau, abih 113 urang angaok kapal ahaok hu 12 urang phi hành đoàn saong 101 tuai du lich metai. Langiu nan jaik 3 urang daok ala haluk jeng metai tuk kapal ahaok laik trun di labik bhapbini daok rillo jang. Min, tal urak ini barau hu 55 urang metai hu duah mboh saong hu ba  tame sang iek ruak.

/ Sa bruk salih bharau khang dalam giao thông daok rah tabiak di Mi-lan – ban praong ka dua di Italy, tuk bruk ngak “klah rabha radaih mac” hu ba tame ngak meng bilan 7 tal. Dalam mbang akaok meti, 150 radaih ga hu ba tame pandar. Taong abih dom radaih ini nan lac di dòng Piaggio MP3 3 kong, biak tiện dụng dalam môi trường đô thị praong. Bruk dom radaih tui jalan dịch vụ klah rabha hu pataok di labik halei jeng hu dalam ban meda daong ka urang palih ruah ralo radaih klah rabha, meng radaih juak, radaih mac mbiah tal radaih hơi./.