Khaw tin 10h30 saong 14h30 harei 18-03-2016

# Harei 17/3, Tổng Bí thư Nguyễn Phú Trọng saong kapul ngal bruk TW hu ngak bruk saong urang dang akaok tỉnh Bến Tre ka bruk patagok kinh tế - xã hội, bruk dak padang Đảng, bruk ngak tui Sarak nyaom roya Đảng bộ tỉnh saong Sarak nyaom roya  XII di Đảng, bruk kuhria caga pilih ruah urang ka Quốc hội mbang XIV saong Hội đồng bhapbini dom pakat. Tổng Bí thư kakei lac, Bến Tre hu peih ngak siam bruk brei thau ka Sarak, ngak jeng pren yava barau, ye bruk peih ngak brei pasang iek gam gam jang, piah ngak jeng bruk cach mang dalam bhapbini, dom pakat, dm nganh ngak tui, ba Sarak tame raidiuk, ba mai kein laba glaong. Tong Bi Thu pandar Ben Tre tui maong bruk tua riya, njom mbak piah samal pacang, trun takik khat lihik ka kinh te, trun dom kan kandah tal raidiuk di bhapbini, oh caik rah tabiak jit ruak.

/ harei 13/6 tal, nyaom pakacah thể thao dom bangsa takik tỉnh Quảng Nam mbang ka sa hu rah tabiak di huyện Nam Trà My ngan saong 7 asal pakacah. Tapa nyaom pakacah nan piah duah dom VDĐ naih gheih gah thể thao piah pasram megru, paglaong ilamu chuyên môn, kuhria caga menuac hu mbaok tame pakacah thể thao dom bangsa takik pakat negar mbang ka X khu vực II thun 2016. Nyaom pakacah rah tabiak tal harei 19/6.

# Mintri pato megru barau patabiak dom harak jao ka dom So pato megru, sang bac dai hoc, cao dang dang tabiak peih cum pakacah Trung học phổ thông pakat negar thun 2016. Tui nan dalam tanhe ia hu 120 cụm pakacah Trung học phổ thông  pakat negar. Dalam nan hu 50 cụm pakacah caik ka dom thí sinh pakacah piah pilih ruah tốt nghiệp kayua Sở pato megru, Cục sang bac (mintri  Quốc phòng) dang akaok, pambuak bruk saong dom sang bac đại học, cao đẳng peih ngak; 70 cụm pakacah caik ka dom thí sinh mai pakacah piah pilih ruah tốt nghiệp Trung học phổ thông saong pilih ruah tame đại học, cao đẳng kayua sang bac đại học dang akaok, pambuak bruk saong dom sang bac đại học, cao đẳng karei peih ngak. 

/ Dalam tỉnh Quảng Trị hu 8 huyện, ban sit saong 117 xã peih ngak danak dak bruk ngak pakar negar padang ngak palei pala barau. Hadei di labaih 5 thun peih ngak, tal urak ini, dalam tỉnh hu 18 xã mek hu tanut chuẩn palei pala barau, nan lac 3 xã mek hu tanut chuẩn thun 2014 saong 15 xã mek hu tanut chuẩn thun 2015. Kham merat tal puac thun 2016, dalam tỉnh Quảng Trị hu 29 xã mek hu tanut chuẩn palei pala barau (meblah 24,8%).      

# Njauk lihik meng 2 tal 3 adit, ia meng sang mac thủy điện Cảnh Hồng (Trung Quốc) meng ba mai tal Việt Nam. Ini lac panuac brei thau dalam var  họp báo thường kỳ di mintri Tài nguyên saong Môi trường biar harei kabroi (17/3), di  Hà Nội. Tui ông Trần Đức Cường, phó Chánh văn phòng Ủy hội krong Mê Kông, njauk lihik meng 2-3 adit ia meng mai tal VN saong tok langyah hu 1 binah bruk daong tua di hạ lưu, daok bruk jhul mbak njauk  maong tame bruk đỉnh triều: “Urak ini, bruk thulagu daok rah tabiak di abih bhum, hu gam Lào, Thái Lan jeng daok dang anak tua khang. Ủy hội kraong Mê Kông hu pandar dom taneh ia njauk caik bruk pandar ia meng Trung Quốc trun piah langyah bruk thulagu. Ini lac bruk njauk ngak dalau. Ka dua lac oh ba ia tapa dom bhum karei saong oh hu piah ia nan dalam danao padang ia.

 / Gam saong bruk pandiak bhang grauk labik dalam bhum Tây Nguyên, ngak kan kandah ka bruk ngak nông, ban sit Buôn Ma Thuột, tỉnh Đắc Lắc daok brei luân phiên cúp ia pandar kayua oh ginup ia. Piah ka dom baoh sang oh kurang ia pandar biak suai, cty TNHH ba ia saong đầu tư xây dựng tỉnh Đắc Lắc daok cakak ia luân phiên. Ong Trần Văn Thiện, giám đốc cty TNHH ba ia saong đầu tư xây dựng Đắc Lắc brei thau: “Jabat hu pathau khan tal dom jabat ban ngành ka bruk kurang ia meda rah tabiak. Caong lac jaik 60 ribau baoh sang pandar ia klah rabha meng bruk pandar ia patak pataom. Dalam tuk neh rabha labik ba ia ye công nhân viên di cty mai iek dom labik kan kandah, brei menuac trực ca 24/24. Meyah oh hu ia dalam tukvak nan, ye cty jeng hu pajeng yaok tẹc ia tal sang saong njuk mek ia ka urang pandar”.

# Kapul điền kinh Việt Nam hu 3 urang meda pataom mbaok tame giải nao takai 20km vô địch châu Á 2016 di harei 20/3 tal di Nomi (Nhật Bản). Giải pakacah ini lac cơ hội di bruk nao takai piah duah chuẩn thành tích piah pataom mbaok tame Olympic Rio 2016. 3 urang lambaok di Việt Nam pataom tame pakacah giải mbang ini lac Nguyễn Thị Thanh Phúc, Nguyễn Thành Ngưng saong Võ Xuân Vĩnh.

Patui di ini dom khau tin dunya:

/ Biar harei 17/3, di Bắc Kinh, jabat lambaok di hãng kapal haok negar VN (Vietnamairline) di Trung Quốc hu peih nyaom meyai “yaih khan ka taneh ia, anek menuac VN saong dom pandap di Vietnamairline". ong Nhiệm Quốc Trung  - Tổng Giám đốc công ty du lịch quốc tế Mỹ Gia Hoàn Cầu, sa cty bhian ngak mbang gah DL VN caong khin Vietnamairline brei pasang iek patagok parilo mbang par meng B8ac1 Kinh nao HN saong talap veik, yau nan meng pabak hu hatai caong di tuai DL TQ tapa VN dalam tukvak tal.

# Truyền thông Malaysia harei 17/3 brei thau, Hội đồng Paralympic Malaysia (MPC) hu panuac caong peih nyaom roya padhih urang jaoh jo Đông Nam Á (ASEAN Para Games) mbang yaka 9 gam saong SEA Games 29 di thun 2017. Báo chí Malaysia brei thau Chủ tịch MPC hu ba panuac caong nan tagok akaok mintri dam dara saong padhih Malaysia, tui nan, dua nyaom roya meda rah tabiak di sa tukvak saong makna lac dom van dong vien khang kadang saong jaoh jo meda pakacah saong gauk dalam dom kadha di drei gam sa tukvak, yau ye lac bruk di sa ASEAN Games thống nhất. Tui bruk ba tabiak, SEA Games 29 meda rah tabiak meng harei 19 tal 31/8/2017 

/ Mban peih nyaom roya thể thao mblang tsik châu Á mbang ka 5 – ABG5 barau ini hu brei thau angan dua nhà tài trợ akaok meti nao gam saong nyaom roya mbang ini lac Tập đoàn Football Thai Factory Sporting Good (FBT) di Thái Lan và Tổng công ty bảo hiểm Việt Nam – Bảo Việt. Tập đoàn FBT hu daong meng pandap kuhria tabiak yaom jien lac 964.300 USD (samu 21tỷ meteh). Tổng công ty bảo hiểm Việt Nam – Bảo Việt  dang tabiak daong jien bảo hiểm ka kapul thể thao VN hu mbaok tame nyaom roya yaom 553.800.000 đồng./.