# Harei kabroi ( 27/4), danak dak Kadung ia tasau “Par glaong Việt Nam” hu peih van alin ia tasau brei ka uranaih tỉnh Bến Tre pak sang bac tiểu học An Đức, huyện Ba Tri, tỉnh Bến Tre. Ini lac labik ka dua dalam bruk alin brei ia tasau thun 2014 di Kadung ia tasau “Par glaong Việt Nam. Hu mbaok di tuk nan, hu amuk Nguyễn Thị Kim Ngân, Uỷ viên Bộ chính trị, Phaok akaok Quốc hội; amuk Phạm Thị Hải Chuyền, Akaok Mentri Lao động Thương binh saong Xã hội. Jaik 77 ribau ly ia tasau di danak hu amuk Nguyễn Thị Kim Ngân, amuk Phạm Thị Hải Chuyền, urang pal akaok tỉnh Bến Tre, Quỹ Bảo trợ uranaih Việt Nam saong công ty Vinamilk alin brei ka dom anek saih. Patui bruk nan, Quỹ Bảo trợ uranaih Việt Nam jeng hu alin brei 100 triệu đồng piah brei jien bac ka 100 anek saih sang kan kandah di huyện Ba Tri, daong ka dom adei hu jien nao bac daa. Kuhria tal harei ini, Kadung ia tasau “Par glaong Việt Nam” hu ba brei ka labaih 307 ribau uranaih kan kandah pak Việt Nam jaik 22 triệu ly ia tasau, samu yaom jien 83 tỷ đồng.

# Mintri Y tế barau patabiak harak brei bruk klauk pabak vacxin jeng baoh brei thaoh ka uranaih umo meng 2 thun tal ala 10 thun di dom tinh, ban mbuan hu ruak jeng baoh, piah daong padam jit ruak jeng baoh dalam tukvak samal di abih. Bruk nan hu peih ngak meng bilan 5 tal bilan 7 tal, piah hu labaih 95% uranaih hu klauk vacxin. Dom urang hu klauk vacxin lac dom uranaih umo meng 2 thun tal ala 10 thun oh ka hu klauk vacxin atau klauk vacxin oh ginup tui lich klauk caga atau oh thau cambaih tien su klauk caga di tinh, ban mbuan tamuh ruak nan. Tanut piah thau dom tinh, ban mbuan tamuh ruak nan lac dom urang gaok ruak jeng baoh glaong di bilan 4 saong lac labik taom gaok rilo menuac di negar lingiu. Tui tanut nan, urak ini hu 11 tinh, ban mbuan hu ruak njauk patabiak bruk klauk vacxin ye :  Hà Nội, Hải Dương, Quảng Ninh, Hải Phòng, Hưng Yên, Bắc Giang, Vĩnh Phúc, Nghệ An, Thanh Hóa, Bình Dương saong ban raya Hồ Chí Minh. Dom tỉnh, ban karei iek tui jit ruak jeng baoh di puk palei drei bo pok panuac tagok mintri y te patabiak bruk klauk vacxin jeng baoh veik ka uranaih umo meng 2 thun tal ala 10 thun dalam tinh.  

# Tukvak padeih lễ 30/4 saong 1/5 thun ini dui atah nan ye tui kuhria dahlau meda hu biak ralo tuai damuai mai rivang ma-in saong padeih padei pak tỉnh Bình Thuận. Urak ini dom bruk piah duh ka duai damuai hu kuhria caga blaoh. Tui Sở Ilamo thể thao saong du lịch, tuai damuai mai tỉnh Bình Thuận dalam tukvak lễ ini tui kuhria dahlau jaik 70.000 mbang tuai damuai, rilo jang labaih 13% dut haong tukvak ini thun dahlau, dalam nan hu jaik 7.000 mbang tuai negar lingiu. Dom labik hu tauai damuai palih ruah nan jeng lac labik  padeih padei, resort, khách sạn tapen tasik pak Hàm Tiến- Mũi Né, dom labik jaik tasik dalam bal Phan Thiết…Urak ini dom labik pablei salih rivang ma-in jeng kuhria caga blaoh duk ndih, dom dịch vụ rivang ma-in piah duh ka tuai dambuai. Dom jabat chức năng jeng patagok bruk pasang iek, duah thau ka bruk an toàn vệ sinh pandap mbang menyum, pacang caga patuh khuah, brei thau tapak dom số điện thoại pandiak piah ka bhap bani, tuai damuai ieu khan brei thau meyah hu bruk ngak suan.

# Bair harei 27/4, di ban raua Hồ Chí Minh, Liên đoàn Lao động ban raya peih bruk taom mbaok urang likei lac urang ngak njauk bala saong urang ngak bangsa takik. Var taom mbaok nan lac tuk tanhi ravang, pachreih ba 200 adei sai urang ngak urang bangsa takik kan kandah daok ngak di dom doanh nghiep dalam ban raya saong 180 urang likei lac urang ngak njauk bala daok ngak bruk di dom sang mac, xi nghiep. Tapa nan, pang kadha caong khin di urang ngak saong ieu dom doanh nghiep patui bruk sangka tal raidiuk, hatai caong di dom urang ini, hu sarak pachreih urang ngak kham merat ngak bruk, yam tagok dalam raidiuk. Patui bruk nan, Liên đoàn Lao động, Ban bangsa ban raya alin yaok urang ngak 1 paok pandap saong yaom jien abih tih 215 triệu đồng.

# Bilan padei Hè thu saong Thu đông tal tỉnh Trà Vinh meda cakak trun 9 ribau ha taneh padai, meblaih jaik 3% mbang taneh ngak padai di tỉnh. Ini lac quy hoạch động, iek tui bruk langik tasik, bruk di darak pasar padai brah saong iek tui quy hoạch di Mentri ngak nong saong patagok palei pala. Bruk patrun mblang taneh ngak padai piah daong ka dom tỉnh bhum taneran kraong Cửu Long jang yau tỉnh Trà Vinh jhul pakhang bruk salih jalan pala hu siam mekre di abih dalam sa mblang taneh; daong ka urang nong hu mbaok tame bruk ngak ngak mbang hu kein laba di abih, paglaong jien tame, patagok kinh tế baoh sang.

# Dalam tuk pahadar 39 thun harei gah meraong peih paha, yasa taneh ia (30/4/1975- 30/4/2014) saong pahadar harei Dunya urang ngak 1-5, bair harei 27/4, angaok ribaong Tàu Hủ - Bến Nghé, mBan peih ngak dom harei loe praong ban raya Hồ Chí Minh peih Giải pakacah gilai mengkan thun 2014. Giai pakacah gilai piah jhul pakhang bruk pathram padhih, khik ramik, patagok bruk pakacah gilai mengkan, taphia nan, jak ba bhapbini gam ba tangin tame khik caga baoh ribaong dak harei dak hijao, hacih saat, siam mekre. Tame pakacah hu labaih 470 urang di 14 kapul di dom So, mban, nganh, dom quan, huyen di ban raya. Dom urang pakacaih di cự ly 300 mét saong 5 bruk lac : gilai 10 urang likei, gilan 10 urang likei – kumei pambuak saong vah tangin, gilai 20 urang likei saong gilai 20 urang likei – kumei pambuak vah tangin. 

Khaw tin dunya:

# Harei kabroi (27/4), 12 harei hadei di bruk gilai Xê-uôn (Sewol) kram di bhum tasik Tây Nam Hàn Quốc, kapul daong duah urang njauk bala duah mboh gilac 1 atau, patagok urang metai dalam mbang kram gilai nan jeng 188 urang. Urak ini jeng daok 114 urang lahik. Karja Hàn Quốc brei thau, bru daong duah dalam harei kabroi gaok ralo cuang kandah kayua hu ribuk haong riyak prong pak labik duah nan. Jaik 100 urang njuk hu mbaok dalam mbang daong duah dom urang metai lahik njauk padeih ngak.

# Dak harei dak hu rilo urang kumei Irắc caong khin tame ngak chính trị. Dalam mbang pilih ruah di harei 30/4 tal, hu tal 2.607 urang ứng cử lac urang kumei tut angan tame tranh cu Quốc hội, meblah jaik 29% dom urang ứng cử . Bruk njuak biai nan lac, dahlau di mbang pilih ruah thun ini, mbang akaok mereip sa chinh Dang dom urang kumei hu padang tagok mek angan lac bruk urang kumei  Độc lập (Tayyar). Ủy mban pilih ruah Irắc jeng brei thau hu sarak pachreih urang kumei pataom tame chính trường saong maong ini lac kadha di xa hoi barau. Labaih 9 rabau urang ung cu meng jaik 280 đảng phái chính trị oiah meriak gauk tame 328 kik Quốc hội di mbang Tổng tuyển cử di harei 30/4, mbang pilih ruak akaok mereip kuhria meng tuk lin Mỹ tabiak truh Irắc puac thun 2011.

# Urang vak di Rayo sap ndom Việt Nam brei thau: roh duah bahrau brei thau kayua urang roh duah Mohamed Rida, gru pato sang bac Đại học Ein Shams pak bal ine Cairo, Ai Cập, brei thau, dom diuk pasang luai gauk pak Ai Cập daok tamuh khang dalam dom thun jaik di ini. Tui nan, thun 2013, Ai Cập hu taong abih 161 ribau mbang diuk pasang luai gauk, rilo jang thun 2012 jaik 5 ribau mbang. Dalam 161 ribau mbang luai gauk di thun bloh, 86 ribau mbang rah  tabiak pak labik thành thị saong bruk nan dak harei dak hu ralo. Diuk pasang luai gauk umo meng 30 tal 35 tagok tal 30 ribau mbang, meblah 20%.

# Tổng thống Mỹ Barắc Ôbama daok jhuk pakhang dự luật paglaong jien ngak tối thiểu liên bang di Quốc hội Mỹ ngan saong tanut 10,1 đôla yaok tuk, duk saong ijien ngak urak ini lac 7,25 đôla yaok tuk. Dự luật ini daok tanduan mek hu bruk pachreih tui di labaih 70% bhapbini Mỹ. Meyah hu patabiak meda daong paglaong jien ngak ka jaik 28 triệu urang ngak di taneh ia ini. Min, du luat barau di Tổng thống Mỹ hu mboh lac kan si yam tapa bambang Quốc hội tuk dom urang lập pháp Đảng Cộng hòa brei thau lac, bruk paglaong jien ngak tối thiểu meda ngak khat lahik ka dom doanh nghiệp./.