Khaw tin 10h30 saong 14h30 harei 18-9-2015

/ Harei kabroi, 17/9 Ủy ban Thường vụ Quốc hội peih nyaom biai mbang ka 41 song asal kadha prong nan lac brei panuac ka dự thảo hukum báo chí (pasiam veik). Dut song hukum urak ini, kadha bahrau di dự thảo hukum báo chí (pasiam veik) lac pabak sa paka tacei tabiak quyền tự do báo chí, quyền tự do ndom puac angaok harak mbao tui jalan Hukum negar thun 2013, peih prong song tacei tabiak cambaih laih urang hu padang ngak jabat báo chí, brei thau cambaih laih labik ngak, bruk ngak song asar kadha ppambuak gauk dalam tong abih dom janih báo chí

# Harei 17/9, mintri Ngoại Giao pambuak bruk saong mintri ngak nong saong patagok palei pala peih họp báo brei báo chí thau ka asal kadha nyaom biai  APEC ka khik ramik rủi ro thiên tai pambak tame bhap bini dalam tuk biến đổi khí hậu. Dalam nyaom biai APEC mbang ini meda pataom tame bruk paglaong pren khang bhap bini dalam tuk biến đổi khí hậu; dom jalan tiếp cận barau dalam đầu tư saong công nghệ; patagok bruk hu mbaok di bhapbini saong dom chủ thể xã hội. 

/ Melam 17/9 di ban sit Đà Nẵng rah tabiak chung kết harei patom dom kapul patahu khan kadha doh cách mạng bhum Duyên hải Nam Trung bộ thun 2015. Harei patom mbang ni hu 300 urang đoàn, dam dara dom tỉnh, ban meng Đà Nẵng tal Bình Thuận tame parang me-in 30 kadha doh pok meyaom Đảng, Chủ tịch Hồ Chí Minh, hatai anit ranam taneh ia. Saai Đoàn Thị Mỹ Thuận, urang dalam Nyaom patahu khan kadha doh cách mạng tỉnh Khánh Hòa hu mbaok di harei patom ilamu mbang ni brei thau: Khol hulin mboh biak chreih chrai, hu taom gaok ndom nyai nao mai jum pataom gauk di dom đơn vị, tỉnh đoàn piah ngak ka bruk doh tako dak harei dak siam jang.           

# Dom harei tapa, di rilo huyen, ban sit dalam tinh Ha Tinh hu hajan praong ngak ka rilo labik ia dauk dalam, jalan nao mai oh hu. Meng harei 15 tal ini, di dom huyen Hương Sơn, Vũ Quang, Hương Khê hu hajan, hu labik hajan biak praong meng 200 tal 300mm. Piah khik caga siam mekre ka anek saih, tal pagaiy harei kabroi 17/9, huyện Hương Sơn hu 64 sang bac brei anek saih padheih bac, huyện Hương Khê hu 37 sang bac brei anek saih padheih bac. 

/ Thanh tra Sở Y tế tỉnh Đắc Nong harei kabroi 17/9 xử phạt 12,5 triệu đồng, brei padeih ngak bruk dalam sa tukvak labik ngak bánh mì Thảo Nguyên, dok di palei 3, xã Nhân Cơ, huyện Đắc RLấp. Labik ni yaok harei brei tabiak yaok ribau ahar, bánh mì, min oh hu harak adat ngak bruk, labik ngak oh hacih saat, urang ngak oh hu bảo hộ tui adat, song pandar dom janih bảo quản, phụ gia oh brei pandar.

# Bair harei 17/9,  sa sruh kapal ikan di urang ngak ikan La Gi tỉnh Bình Thuận daok taong cap di angaok tasik njauk kapal pajeng pandap di taneh ia langiu ginuh kram, 7 urang ngak ikan angaok kapan nan patoah jamo hu sraong tagok. Dua kapal ikan BTh 96802  saong Bth 96927 daok sraong mek dom pandap di sruh kapal karam, urak ini daok pajeng 7 urang ngak ikan saong dui ba sruh kapal ikan gaok bala mai veik La Gi.

/ Meng harei 16 tal harei 19/9, Sở pato megru tỉnh Bình phước pambuak bruk song dom gah chức năng, dom puk palei peih bruk dong brei 73.000 kg brah khik piah di negar piah dong ka anek saih kan kathaot, anek saih bangsa takik dok dalam tỉnh dalam 2 bilan akaok thun bac 2015-2016. Yaok anek saih hu dong 30 kg brah dalam 2 bilan

Patui di ini lac khaw tin dunya

 # Tập đoàn Năng lượng hạt nhân karja Rô-xa-tôm (Rosatom) di Nga saong jabat nang luong nguyên tử dunya (IAEA) barau mbaoh tangin tame harak sanya pambuak bruk khik caga an toàn bức xạ. Bruk mbaoh tangin nan rah tabiak lingiu mbang nyaom Đại hội đồng Cơ quan Năng lượng Nguyên tử dunya mbang yaka 59 di ban ine Viên (Áo). Harak pambuak bruk khik caga an toàn bức xạ ba jalan jhul patagok dự án taong yaom saong khik ramik nguy cơ kayua bức xạ ngan saong urang ngak bruk dalam gah năng lượng hạt nhân.

/ Trung Quốc hu panuac phản đối dom bruk tấn công mạng song khin pambuak bruk song Mỹ dalam bruk an ninh mạng. Panuac nan hu ba tabiak hadei di tuk Tổng thống Mỹ Barắc Ôbama (Barrack Obama) khan lac taong veik khang dom bruk tấn công mạng pamaong tame negar ni meng gah Trung Quốc  

# Mintri Giao thông Indonexia brei thau bruk daok kuhria ngak bahrau 188 kapal tasik piah patagok pren pajeng pandap di tasik saong khik caga an ninh hàng hải. Akaok  Tổng cục Vận tải jalan tasik, mintri Giao thông Indonesia Bobby Mamahit (Bốp-bi Ma-ma-hít) brei thau, bruk ngak nan piah peih tabiak  "jalan cao tốc di tasik ", daok dalam sarak “trục hàng hải” di rajaei taneh ia ini. Jien caik ka danakdak tagok tal jaik 12 rabau tỷ rupiah (samu 822 triệu USD), tui kuhria hu ngak blaoh di thun 2017.