Khaw tin 10h30 saong 14h30 harei 19-10-2015

# Biar harei kabroi (18/10) pak Phủ Chủ tịch, Akaok negar Trương Tấn Sang hu van taom gaok Kapul urang hadah krah bruk "Jak ba gheih" bal Raya Hồ Chí Minh tukvak 2011-2015 daok hu mbang nao rivang Kalan Chủ tịch Hồ Chí Minh saong rivang iek dom inem mek dak rai sajarah cách mạng pak Bal ine saong dom  tỉnh gah Barak. 121 urang hu mbaok dalam van taom gaok nan lac dom kareih camin lambaok ka jaik 16.216 kapul nyaom saong 84.766 menuac urang naih gheih dalam bruk pakacah gauk ngak bruk “Jak ba gheih” di bal raya Hồ Chí Minh.  Akaok negar caong lac bruk pakacah gauk “Jak ba gheih” bal raya Hồ Chí Minh njauk patui veik salih bahrau ka jaik bhap bani, thau ka bhap bani, bac megru bhap bani saong hu trách nhiệm haong bhap bani. Abih di nyu nan lac dak padang saong pambak prong jang dom urang naih gheih dalam bruk pakacah gauk “Jak ba siam gheih” ba bruk ngak ini dak harei dak tame dalam jang. 

# Kapul Liên hiệp urang kumei Việt Nam barau peih bruk pahadar 85 thun harei dak padang saong harei urang kumei Việt Nam 20/10. Dalam danakdak, pahadar veik bruk dak padang saong patagok di kapul lien hiep urang kumei Việt Nam Nguyễn Thị Thanh Hòa ndom khang : Truyền thống anh hùng bất khuất di urang kumei Việt Nam hu pachreih luac tukvak sajarah mesruh metak dak padang taneh ia saong khik taneh ia di bangsa drei. Di harei pahadar, lambaok Đảng saong Karja, Phó Thủ tướng Nguyễn Xuân Phúc hu brei Huân chương Độc lập hạng Nhất ka kapul Liên hiệp urang kumei Việt Nam.

# Melam harei 18/10, pak Hà Nội, Kapul urang njauk jru mek kalik kruac dioxin Việt Nam peih ngak daka dak “Sa tangin haong gauk patrun pandi harao ka urang njauk jru mek kalik kruac”. Phaok Akaok Quốc hội Uông Chu Lưu caong khin, rahra, manuac sia njauk patui veik sa tangin haong gauk iek glang urang njauk jru mek kalik kruac. Phaok akaok Quốc hội Uông Chu Lưu khang panuac lac: “Dahlak pok sap iew bhap bani, bol lin dalam negar, mikva drei daok pak negar langiu saong ayut sahabat angaok dunya patui veik bruk ngak pahla. Brei ka quyền hu diuk rai saong ngak manuac di yaok triệu urang njauk jru mek kalik kruac Việt Nam. Dahlak caong khin Raja-ei Hoa Kỳ saong dom công ty hóa chất Hoa Kỳ njauk mong mboh trách nhiệm saong hu jalan ngak ka nyu cambaih dalam bruk langyah hậu quả di mbang mesruh metak hóa học pak Việt Nam”.

# Mạng lưới Tình nguyện Sơn Trà Xanh saong Let’s Do It Đà Nẵng pambuak bruk saong Ban khik ramik bán đảo Sơn Trà saong dom mblang tasik du lịch Đà Nẵng, Tổ ngak bruk liên ngành 43 di ban sit Đà Nẵng barau peih bruk pataom hareik tuh tabiak nerak di dom canah jalan du lịch di bán đảo Sơn Trà. Bruk ngak ini pachreih labaih 400 dam dara, urang halan hatian, tuai du lich dalam saong langiu taneh ia pataom tame ngak.

 # Uỷ ban bhap bani tỉnh Khánh Hòa brei adat ka Liên doanh Tap doan Phúc Sơn- Tập đoàn FLC buh jien tame ngak Pasak hành chính bahrau di tỉnh tui jalan BT (padang – pok jao). Taong abih phun jien buh tame ngak jaik 4.300 tỷ đồng, dalam nan gah Phúc Sơn padang ngak jaij 65% khối lượng công trình, FLC meblah jaik 35%. Ong Nguyễn Chiến Thắng, Akaok Uỷ ban bhap bani tỉnh Khánh Hòa brei thau, meda ba binah Pasak hành chính tỉnh jao ka urang đầu tư peih ngak: Mek quỹ taneh di gah Pai bal Nha Trang piah bayar veik phun jien ka gah đầu tư, daok urang buh jien tame ngak meda dak padang meng hạ tầng tal dom jabat di tỉnh. Meyah taneh ini, dalam nan hu gam labik ngak bruk di UBND piah patagok bruk rivang ma-in ye nyu ba mai kein laba. Daok drei panduan ba hành chính dalam diah, taneh riya gah Pur meda patagok siam, taneh riya jaik taphia di bhap bani meda hu yaom).

  # Sở Công Thương tỉnh Trà Vinh barau tabiak bruk khik kajap darak pasal di puac thun saong tết Bính Thân 2016 ngan saong jien kuhria caga abih tih 169 tỷ đồng. Hu 05 doanh nghiệp hu pilih ruah mesraiy jien ưu đãi labaih 24 tỷ đồng, laba 4,5%/sa thun, taphia nan jak ba 04 doanh nghiệp pataom tame khik kajap darak pasal hu jien dahlau di nan, paok jien 169 tỷ đồng caik piah khik dom pandap thiết yếu.

# Biar harei (18/10), pak bal Cần Thơ hu rah tabiak bruk mboh tangin pambuak bruk di công ty Ford Việt Nam saong Ủy ban An toàn giao thông negar tukvak 2015 – 2020 ka bruk pambuak gauk paglaong ilamu ka bhap bani gah an toàn giao thông. Tui nan, công ty Ford Việt Nam meda daong ka Ủy ban An toàn giao thông negar dalam bruk pathau khan, brei thau ka ilamo nao mai angaok jalan, pato tacei paglaong ilamo gah an toàn giao thông, taphia di nan peih ngak danak dak pato tacei ilamu peih radaih an toàn ka dom giảng viên pato peih radaih dalam negar... 

Khaw tin dunya

# Jaik 200 doanh nghiệp Việt Kiều Thái Lan, doanh nghiệp Thái Lan saong doanh nghiệp Việt Nam hu pataom mbak nyaom biai " Doanh nhân Thái-Việt" kayua Hiệp hội doanh nhân Thái Lan - Việt Nam (BAOTV) peih ngak di bair harei  (18/10) di  U-đon Tha-ni (Udonthani.  Urak ini, Thái Lan lac đối tác thương mại đầu tư dang akaok di ASEAN tame Việt Nam ngan saong 392 dự án đầu tư tapak hu jien abih tih 7 tỷ đô la. Thái Lan lac gah đầu tư ka 10 di angaok 103 taneh ia saong bhum lãnh thổ hu dự án đầu tư di Việt Nam, kim ngạch dua gah hu labaih 10 tỷ đô la di thun 2014 saong 5 bilan akaok thun ini hu 4 tỷ 400 triệu đô la.

# Nyaom biai "Địa chính trị dom không gian hàng hải – Vấn đề Biển Đông" hu sang bac Đại học Bretagne-Sud (UBS) pambuak haong Pasak roh duah dakrai sajarah gah Pur Tây (CERHIO) saong Kapuk nyaom "Carrefour des Humanités" pak bal Lorient, dalam bhum Bretagne, Tây Bắc negar Pháp. Angan di mbang nyaom ini pataom tame roh duah dom căng thẳng angaok tasik, dom bruk daok meriak gauk ka chủ quyền pulao tasik saong khả năng pandar adat hukum dunya piah grap tanat, an ninh saong nao mai angaok tasik dunya saong khu vực. 

# Harei 18/10, di Tòa Thị chính ban Kiev, Ukraine hu rah tabiak harei roya ilimo saong mbang menyum châu Á mbang ka klau. Ini lac bruk ngak ilimo mbang ngak gam gam hu peih ngak tui sáng kiến di đại sứ quán dom taneh ia Việt Nam, Malaysia saong Indonesia, hu rilo đại sứ quán dom taneh ia châu Á karei di Ukraine ye Ấn độ, Indonesia, Iran, Iraq, Nhật Bản, Hàn Quốc...