Khaw tin 10h30 saong 14h30 harei 19-3-2016

# Thủ tướng Rajaei hu brei tapa asal kadha dự thảo Hiệp định mesraiy di rajaei taneh ia drei saong Kadung jien Kuwait ka Dự án “Pabak pandap iek ruak ka sang iek ruak bhum Châu Đốc”, tỉnh An Giang. Bruk ngak di Dự án lac paglaong pren yava bhapbini di bhum Châu Đốc saong dom huyện, tỉnh jaik taphia tapa bruk pabak dom pandap barau piah iek ruak ka sang iek ruak đa khoa bhum Châu Đốc. 

/ Hiệp hội pa-aok blait VN brei thau, asal pa-aok blait pablei tabiak negar langiu dalam thun 2016 meda  gaok ralo kan kandah. Makna kayua asal pa-aok blait dalam kho di taneh ia hu takik, bilan pala dui atah kayua pandiak bhang ngak ka ralo sang mac tok di ginup asal tamo piah ngak tal abih bilan 2 saong kurang biak ralo dalam dom bilan 3, 4, 5. 

# Melam ngak bruk praong “ ba gauk padam menyek di dunya tukvak baoh taneh thun 2016” meda rah tabiak meng 15 tuk meteh tal 22 tuk harei 19/3 di sang ilimo dam dara ban raya Hồ Chí Minh. Danakdak meda pachreih hu labaih 5.000 dam dara saong bhapbini pataom mbaok tame ngan saong bruk ngak praong lac jak ba padam menyek haong gauk sa tukvak di grauk dunya (20 tuk meteh tui tukvak Việt Nam). 

/ Pambuak tal bruk adei Lê Thị Hà Vi bị njauk kaoh takai klak jaik abih, biar harei 17/3, ong Doãn Hữu Long, Giám đốc Sở Y tế Đắk Lắk lambaok ka sở y tế Đắc Lắc mai likau duac adei Lê Thị Hà Vi saong amaik ame gauk gar di adei. Giám đốc sở y tế Doãn Hữu Long jeng hu sanya, adei Lê Thị Hà Vi hu miễn taong abih jien ndih iek ruak, dom bruk iek glang pren yava dalam tuk vak iek ruak; taphia di nan daong taong abih jien piah ngak takai ja.  

# Tui Phó GĐ Bảo hiểm Xã hội tỉnh Tiền Giang Phạm Thị Mỹ, bruk padang angan dom sang blei bảo hiểm y tế dalam tỉnh hu rah tabiak dalam siam lagaih saong hu tỷ lệ glaong. Tal harei 15/3, hu 94% dom sang dalam tỉnh hu tut angan; dalam nan hu 5 huyện, thị hu taong abih dom sang tut angan blei nan lac ban sit Gò Công, Tân Phước, Chợ Gạo, Gò Công Đông saong Tân Phú Đông. 

/ Harei 24/3 tal inem krung labik phun đa saong kandi La Tiến (xã Nguyên Hòa, huyện Phù Cừ, Hưng Yên) hu taduan bằng công nhận jeng inem krung sajarah dak rai pakat negar. Tapa oh thau hadom thun bilan, phun đa praong tapen mblang ia klak jeng daok tamuh siam bak hala pacang halui saong dang glaong tapak di labik nan yau sa chứng nhân sajarah dak rai.

Khaw tin dunya

# Meng harei 4 tal harei 24-3, 1.600 drei ghầu trúc ngak meng ba ar tái chế hu ba nao parang iek di rilo libik di ban ine Bangkok saong dom tỉnh di Thái-lan. Ini jeng lac bruk kayua Kadung jien dunya khik caga alam lingik tasik (WWF) peih ngak piah paglaong akoak sahanneg saong bruk pachreih tui di bhapbini ngan saong bruk khik anek athur glai dalam alam môi trường tự nhiên.

/ Dalam mbang ndom meyai barau ini  di akaok mintri ngoại giao Nga X.La-vrốp saong akaok mintri ngoại giao Mỹ G.Ke-ri, dua gah njauk gauk brei patagok talei pambuak bruk di dua taneh ia piah langyah khủng hoảng di Xyri. Dua akaok mintri njauk gauk ka bruk ngak haong gauk nan lac khik kajap bruk padeih cuh, patrun dom mbang vi phạm, peih praong labik nao tal bhum mesruh metak piah pabak ka bruk ngak pahala saong jhul pakhang bruk ginum biai di karja Đa mát saong taong abih dom gah đối lập di Xyri./.

# Sa nhà thờ daok jaik ban sit Santa María Jalapa del Marqués di bhum  đông nam Mexico barau hu mboh tuk binek Benito Juarez lahik labaih meteh ia kayua kurang hajan rilo bilan. Nhà thờ “bí mật” hu padang ngak meng abap 16 "lộ thiên" kayua tua riya trak dalam dom bilan meng  blaoh ngak ka ia di benek tok daok 40% duk saong harei karei. Ini lac mbang ka 3 dalam 8 thun tapa, nhà thờ ini ndon tagok truh mbaok ia, daok dang khang kajap anak bruk palai pajoa tui thun bilan./.