Khaw tin 10h30 saong 14h30 harei 19-5

     # Dalam dom harei 17 saong 18/5, Ủy viên Bộ Chính trị, Phaok Thủ tướng Raja-ei, Akaok mban tacei pato Tây Nam Bộ Vương Đình Huệ hu nao mong iek saong ngak bruk haong Ủy ban bhap bani tỉnh Hậu Giang ka bruk cakrok patagok kinh tế, xã hội saong pacang cakak tua riya pandiak bhang, mbak dalam tỉnh. Phaok Thủ tướng pandar tỉnh Hậu Giang njauk patui veik pambak tame bol patagok jalan ngak ini pambuak pagam haong bruk grap tanat bruk mbang angui di bhap bani saong pasiam veuk jalan ngak nong; njauk hu ralo jalan jak ba mikva pandar siam saong patak pataom halau aia; pambak prong dom mô hình tổ hợp tác, hợp tác xã piah patagok  chuỗi sản xuất, paglaong yaom pandap panda kaya nong, anek athur raong…

              # Melam 18/5, Thành Đoàn ban raya Hồ Chí Minh peih harei chung kết xếp hạng saong alin giải mbang pakacah duah thau Chủ nghĩa Mác – Lê Nin, tư tưởng Hồ Chí Minh hu angan "Ánh sáng thời đại" thun 2016. Danadak piah salam uan pahadar 126 thun harei ndih tapui Chủ tịch Hồ Chí Minh (19-5-1890/19-5-2016), 105 thun harei Wa Ho tabiak jalan daong taneh ia (5-6-1911/5-6-2016). Salah mbang pakacah, mban peih ngak alin giải nhất bảng A ka Nguyễn Vũ Linh, gru bac sang bac Đại học Khoa học tự nhiên ban raya Hồ Chí Minh) saong alin giải nhất bảng B ka thí sinh Nguyễn Lê Đại Phúc.

       # Thành Đoàn Cần Thơ harei kabroi (18/5) hu peih nyaom biai Pataom iek veik 5 thun peih ngak Chỉ thị 03 di Bộ Chính trị ka “patui veik jhul pakhang bruk bac megru saong ngak tui jalan diuk rai siam mekre Hồ Chí Minh”. Tui nan, Thành Đoàn Cần Thơ hu pok meyaom 20 kareih camin urang đoàn, dam dara naih gheih, hu ralo rik daong ka dom bruk ngak di đoàn saong peih ngak siam mbang jak ba Bac megru saong ngak tui jalan diuk rai siam mekre di Hồ Chí Minh.

       # Hadei sa tukvak kham merat peih bruk, harei kabroi (18/5), tỉnh Hà Tĩnh hu tabiak mbaok pasak quan trắc tự động dui tapak meng labik xả thải di Công ty Trách nhiệm hữu hạn gang thép Hưng Nghiệp Formosa Hà Tĩnh di labik kinh tế Vũng Áng tal pasak dut iek di Sở Tài nguyên saong Môi trường. Bruk ngak ini di pasak lac dut iek dom bruk alam môi trường di doanh nghiệp ini.

      # Jaik 3 harei ini, bhap bani daok pak xã Đức Bình Tây, huyện Sông Hinh, tỉnh Phú Yên hu mboh ikan metai mbong angaok krong Hinh labik nduac tapa xã. Ong Nguyễn Thành Công, thôn Tuy Bình, xã Đức Bình Tây, huyện Sông Hinh, tỉnh Phú Yên huac kanda: Bruk ini ngak pambak prong tal rai diuk, mbang angui di mikva pak ini. "Vụ anak tal si drak blaoh bo aia yau ini ye ba tame hamu ye oh siam. Urak ini oh thei daok khin trun kraong menei gac kayua lac trun menei nyu katal ralo". 

       # Meng dom pandap klak ye : lisaiy, thép, gar li ua, nhíp klak di radaih ô tô, băng chuyền ... urang nong Phạm Minh Thành (42 thun daok di ban sit Đà Lạt, Lâm Đồng) hu ngak tabiak sa sruh mac caoh bei prang đa năng meda nduac hu grauk taneh. Sáng chế siam lagaih ini rik daong trun takik kan kandah ka dom sang beir Đà Lạt tuk tame bilan paik bei tây đặc sản.

        # Dalam 2 harei 17 saong 18/5, pak labik Đồng Tháp Mười dalam huyện Tân Phước, tỉnh Tiền Giang hu mboh ralo mbang hajan prong grauk labik. Dom mbang hajan ini hu ba brei aia ka labaih 10 ribau ha phun manah saong yaok ribau ha phun mbang baoh, padai, njam patam pak puk palei. Hajan prong ngak brei ralo baoh sang bhap bani pak labik Đồng Tháp Mười trun meneng dom kan kandah ka halau aia pandar. Ong Lê Thành Hưng, daok pak xã Phú Mỹ, huyện Tân Phước bui sambai lac: Mbang hajan ini siam ka phun mbang baoh blaoh jeng ngak ka manuac urang drei mboh siam jang kayua langik pandiak ralo. Harei ini, langik hajan thei thei jeng uan. Tok harei ini min hajan prong daok dom harei dahlau hajan sit min. Hajan ini meda ngak ka phun manah nyu diuk veik, dahlau diah nyu thu metai jaik abih. Hajan ini nyu ngak mát phun manah jaik sa bilan tra.

       Khaw tin dunya

     # Di Kuala Lumpur, thương mại di động (m-commerce) daok patagok ngan saong tốc độ huyn akaok di Malaysia. iPay88 – labik pablei tabiak tapa cổng bayan trực tuyến dang akaok di Malaysia- brei thau, bayan trực tuyến di hãng meblah jaik 70% darak pasal Malaysia saong hu jaik 3,7 triệu urang pandar thiết bị di động piah blei trực tuyến tapa hệ thống di hãng di thun 2015, tagok 85% duk saong 2 triệu urang di thun 2014. 

     # Danak dak Pandap mbang Dunya harei kabroi (18/5) brei thau, bruk lahik an ninh pandap mbang pak Dimbabuê (negar daok njauk tua riya pandang) meda tagok khang meng bilan 7 tal, kayua gilang khik piah pandap mbang oh daok. Bruk kurang pandap mbang biak catang jang kayua Dimbabue njauk tua riya pandiak bhang saong tapa thun ka dua gam gam hu sản lượng thu hoạch tangeiy biar jang trung bình yaok thun.

      # Tổng thư kí Liên hợp quốc Ban Ki Mun harei kabroi (18/5) ieu pandar  Tổng thống Kênia U-hu-ru Ke-ni-a-ta (Uhuru Kenyatta) kuhri kuhria bruk kareik pabah mbang 2  trại tỵ nạn, dalam nan hu trại hu quy mô praong abih di dunya saong ba urang tị nạn Xômali nai gilac taneh ia drei.