Khaw tin 10h30 saong 14h30 harei 20-10

# 9 tuk page ini harei (20/10), mbang nyaom ka 10, Quốc hội mbang 13 hu peih pakak pak sang Quốc hội, quận Ba Đình, Hà Nội.  Mbang nyaom ka 10, Quốc hội mbang 13 rah tabiak dalam 31 harei, Quốc hội caik tabiak 19 harei piah ginum biai, pasang iek, brei tapa 18 Dự án hukum, 14 Nghị quyết saong brei panuac ka 8 Dự án hukum. Mbang nyaom jeng pilih ruah Hội đồng bầu cử Negar, ong Nguyễn Hạnh Phúc, akaok Văn phòng Quốc hội brei thau: Ini lac mbang akaok meti hội đồng ini hu ngak tui Hukum negar. Tui hukum Hội đồng ini meng 15 tal 21 urang, tui kuhria hu 21 urang  piah pilih ruah. Quốc hội meda pilih ruah tabiak Akaok Hội đồng bầu cử Negar, taphia di nan, Quốc hội meda mboh tangin phê chuẩn dom angan phó chủ tịch saong dom urang dalam Hội đồng bầu cử Negar pak mbang nyaom ini. Piah ngak habar kuhria caga ka bruk pilih ruah urang ka Quốc hội. Tui kuhia mbang ini meda brei thau harei bầu cử Quốc hội saong Hội đồng bhap bani dom pakat dalam harei 22/5.” 

 # Bair harei 19/10, di miunyim Đà Nẵng, Thông Tấn xã Việt Nam, Sở ilimo padhih saong Du lịch ban sit Đà Nẵng saong Liên doanh Dầu khí Việt- Nga (Vietsovpetro) pambuak bruk peik pakak parang iek thaot binguk “ tasik pulao negar”. Parang iek jaik 150 blah thaot binguk hu pilih ruah meng yaok pluh rabau blah thaot binguk quý dalam kho tư liệu di Thông Tấn xã Việt Nam saong di dom urang gam ngak bruk, urang pambuak bruk oh chuyên.

# Cục khik piah Karja labik gah Nam Trung Bộ, pak bal Nha Trang, tỉnh Khánh Hòa  harei kabroi 19/10,  ngak tabiak hu labaih 800 tấn brah meng halau khik piah negar piah daong ka bhap bani njauk tua riya pandiak bhang pak tỉnh Ninh Thuận. Raja-ei dom puk palei ba tabiak talei angan urang daong brei ngan haong tanut 15 kg sa urang dalam sa bilan. Hu thau meng akaok thun tal ini, Cục khik piah Karja labik Nam Trung Bộ hu buh tabiak labaih 4 ribau tấn brah daong iek tukvak cang yuak ka bhap bani 2 tỉnh Phú Yên saong Ninh Thuận.

# Bair harei 19/10, Chi cục Hải quan cửa khẩu mblang par dunya Tân Sơn Nhất brei thau, uy mban bhapbini ban raya Hồ Chí Minh hu  Quyết định  xử lý lô pandap 144 rabau thar đạn blei tame suan hukum tapa cửa khẩu mblang par dunya Tân Sơn Nhất  di thun 2014. Tui nan, uy mban ban raya Hồ Chí Minh quyết định mek khik ba tame công quỹ taong abih 144 rabau athar đạn angaok nan. Taphia nan, Hãng hàng không Turkish Airlines daok gaok taong phạt hành chính 30 triệu đồng.

# Urak ini, yaom lac suan bilan  min baoh thanh long pak tỉnh Tiền Giang laik yaom daok tok meng 3.000- 4.000 đồng/kg, trun meteh dut haong bilan dahlau.Dalam tuk nan, chất lượng baoh thanh long pak tỉnh Tiền Giang daok trun kayua jit ruak đốm nâu pambak prong. Mboh ralo urang pala pandar jalan “truac gom” ngak ka phun thanh long tabiak baoh karei bilan, abih ralo jien buh tame nan ye yaom yau ini mikva khat lahik trak. Dalam tỉnh Tiền Giang hu jaik 5.000 ha thanh long, pataom ralo pak huyện Chợ Gạo, Tân Phước, Gò Công Tây.

   # Meng harei 18 tal 30/11,  mintri ilimo padhih saong Du lịch phối hợp với Đại sứ quán dom taneh ia thành viên Liên minh Châu Âu di Việt Nam peih harei pataom Âm nhạc Châu Âu 2015 di  Hà Nội saong ban raya Hồ Chí Minh. Meng chuỗi 13 var hòa nhạc sôi động, lôi cuốn rah tabiak di Hà Nội saong ban raya Hồ Chí Minh, harei pataom ba mai dom trải nghiệm siam mekre ka urang maong ngan saong dom thể loại âm nhạc karei di gauk hu jazz, cổ điển, đương đại saong âm nhạc truyền thống di Việt Nam.

# 50 blah rup cih di dom họa sĩ jaman mỹ thuật Đông Dương akaok abap 20 bahrau hu khan brei thau saong meyaih tal bhap bani pak mbang parang iek “Hội họaViệt Nam - Sa mbaok meta karei", bahrau peih pakak di melam 19/10 pak Muyim Mỹ thuật Việt Nam, Hà Nội. Dom blah rup cih hu parang tabiak pak mbang parang iek ini daok dalam bộ sưu tập hội họa Việt Nam jaman bahrau di Nguyễn Minh (ngan haong jaik 200 tác phẩm) – sa dalam dom urang roh duah ilamo saong nghệ thuật pak Hà Nội.

Patui di ini lac khaw tin dunya

# Melam kabroi (19/10), yaom lac dah pagaiy harei ini (20/10 – tui tukvak Việt Nam), Chủ tịch Trung Quốc Tập Cận Bình hu tal mblang par Hi-thơ-râu (Heathrow) di ban Luân Đôn (London), mbang ravang dui atah 4 harei tal Anh. Mbang ravang Anh ini di ông Tập Cận Bình lac mbang ravang akaok mereip di sa akaok taneh ia Trung Quốc di 10 thun tapa.

# Piah pacang biến đổi khí hậu, hu 81 công ty Mỹ hu mboh tangin pambuak bruk gam haong raja-ei Mỹ patrun khí ngak hiệu ứng sang camin. Dalam dom công ty mboh tangin pambuak bruk “Hukum Doanh nghiệp Mỹ ka Môi trường” mbang ini hu gam dom công ty prong angaok dunya yau Coca-Cola, Apple, Intel, IBM and Walmart.

# yaok rabau urang di cư gaok gar di dom canah jalan biên giới  di bhum Ban-can (Balkans) dalam tuk lingik la ar saong pasah tuk dom canah jalan ba tal dom taneh ia Bắc Âu saong Tây Âu jeng gaok phong tỏa. Puac adit tapa, dom jalan tapeng negar di Xlô-vê-ni-a, pabah bambang barau di urang di cư jeng gaok kareik bambang piah trun takik urang di cư./.