Khaw tin 10h30 saong 14h30 harei 20-5-2016

     # Njauk taong yaom ka nyu njauk bruk di anak meta piah hu dom jalan ngak njauk ngak brei patrun khat lahik ka urang raong hadang aia lợ pak Bhum taneran krong Cửu Long dalam tukvak anak tal tuk langik tasik tua riya pandiak bhang daok rah tabiak khang. Nan lac panuac tacei pato di Thứ trưởng Mentri ngak nong saong patagok palei pala Vũ Văn Tám pak Nyaom biai giao ban raong hadang aia lợ dalam tuk langik pandiak bhang saong njaom mbaak mbak bhum Taneran kraong Cửu Long, rah tabiak meng page harei 19/5 pak tỉnh Bạc Liêu. Thứ trưởng Vũ Văn Tám caong khin:“Meyah urak ini oh hu jalan ngak bo palao hadang post 15 trun, ye sa lac dui atah tukvak pambak tal vụ padai bilan 8, kadua tra nan lac dalam tuk độ mbak daok glaong ye palao pajaih hadang sit yau nan oh hu siam saong meda metai abih. Ini lac kadha bo dom tỉnh khaol drei njauk daok veik ginum biai piah ba tabiak jalan ngak."

        # Pahadar 126 thun harei ndih tapui Chủ tịch Hồ Chí Minh, melam  19/5, di mblang bein 23/9, ban raya Hồ Chí Minh rah tabiak danakdak daoh tamia pachreih yaok rabau urang pataom tame. Danakdak  brei mboh veik raidiuk di urang likei dam Nguyễn Tất Thành meng tuk tagok kapal nao duah jalan daong taneh ia tal tuk duah tabiak  Chủ nghĩa Mác Lê Nin ka tal tuk jeng sa urang lãnh tụ praong glaong di bangsa, di bhapbini, bol bala bo biak bình dị …

      # Melam 19/5, pak bal sit Phan Thiết, tỉnh Bình Thuận, Trung ương Đoàn Dam dara Cộng sản Hồ Chí Minh hu ngak harei nyaom “Urang ngak ranaih naih jioy” pakat negar mbang ka 7. Ini lac bruk ngak biak siam salam uan 126 thun harei menek Chủ tịch Hồ Chí Minh saong pachreih tui Bilan Công nhân 2016. 38 urang ngak ranaih naih jioy pakat negar hu pok meyaom pak harei nyaom nan lac dom urang naih gheih lambaok ka dom sang bac, jabat, doanh nghiệp, puk palei dalam negar hu thành tích xuất sắc, abih hatai hu mbaok tame bruk ngak xã hội, rik daong pren yava brei ka bhap bani. Kỹ sư ranaih Lê Hữu Lễ, nhân viên Điện lực huyện Đức Linh, tỉnh Bình Thuận nan lac sa dalam 38 urang ngak ranaih bahrau hu pok meyaom brei thau: Hu mbaok dalam van pok meyaom urang ngak ranaih naih jioy, dahlak mboh biak hadah mbaok. Tapa taom gaok, giao lưu haong dom ayut di dom đơn vị karei, dahlak mboh drei meda kham merat jang, hu ralo sáng tạo karei piah daong ngak siam dalam bruk ngak di jabat dak harei dak siam jang, cakrok patagok jang)/. 

          # Harei 19/5, di labik inem mek Đền thờ Hồ Chí Minh, xã An Thạnh Đông, huyện Cù Lao Dung, Tỉnh Sóc Trăng hu peih ngak dalam praong prang harei pahadar 126 thun harei ndih tapui Chủ tịch Hồ Chí Minh (19/5/1890 – 19/5/2016). Brei panuac tuk nan,  ông Võ Thanh Quang, Bí thư Huyện ủy Cù Lao Dung ndom lac, Chủ tịch Hồ Chí Minh hu caik veik drap ar praong glaong lac jalan sahneng, lac kreih camin hadah di Wa, hamiet hamiet ba jalan ka kol drei harei ini saong dom rairah harei hadei, ba bangsa drei yam tok harei hadei hadah hadai.

      # Biar harei 19/5, dalam mbang nyaom ka 7 pak bal Huế, Ủy ban Danak dak Ký ức Dunya Bhum Châu Á- Thái Bình Dương (MOWCAP) hu brei thau angan dom inem mek hu pok brei angan lac Inem mek Tư liệu Dunya Bhum Châu Á- Thái Bình Dương. Hu 16 hồ sơ di 10 negar hu ba tagok dalam mbang nyaom ini, dalam nan: Trung Quốc hu 4 hồ sơ; Việt Nam, Hàn Quốc, Malaysia yaok negar hu 2 hồ sơ; dom taneh aia Uzbekistan, Nhật Bản, Singapore, Iran, Myanmar saong Mông Cổ, yaok taneh aia hu 1 hồ sơ.

       # Cục khik ramik chất lượng nông lâm thủy sản, mintri ngak nong saong patagok palei pala harei 19/5, hu công văn payua Chi cục khik ramik chất lượng nông lâm saong thủy sản dom tỉnh, ban hu : Nghệ An, Hà Tĩnh, Quảng Bình, Khánh Hòa, Ninh Thuận gam dom pasak chất lượng nông lâm thủy sản bhum 1, bhum 2, bhum 3 pandar mek mẫu sara piah dut iek dom tanut ka an toàn pandap mbang. Dom pasak phân tích hu trách nhiệm taduan mek saong phân tích dahlau dom chỉ tiêu kim loại nặng piah bayan kết quả dalam tukvak samal abih.

       # Tui panuac khan di Uỷ ban Bầu cử xã Thổ Châu, huyện Phú Quốc, tỉnh Kiên Giang, tal 15 tuk biar harei 19/5, cử tri nao pilih ruah tagok tal 1.838 urang dut haong labaih 1.600 cư tri tuk akaok mereip. Tui ong Đỗ Văn Dừng, Akaok UB bhap bani xã, Akaok Uỷ ban bầu cử xã Thổ Châu,  cử tri tagok nan kayua urang jakar bol lin tabiak pulao ngak bruk saong dom urang taong ikan meng labik karei mai taong mek angaok mblang tasik Thổ Châu. Tal 17h biar harei 19/5, tỷ lệ cử tri nao buh phiếu mek hu labaih 99,83%.

        Khaw tin dunya

       #   Melam kabroi (19/5), di sang ilimo negar Lào di ban ine Viêng chăn (Vientiane),  pasak ilimo Việt Nam di Lào pambuak bruk saong Đại sứ quán Việt Nam di Lào, saong kapul urang Việt Nam di ban ine Viêng Chăn peih harei pataom nghe thuat bhapbini urang Việt Nam saong Lào di ban ine Viêng Chăn, thun 2016”.  Ini lac dom bruk ngak pahadar 126 thun harei ndih tapui Chủ tịch Hồ Chí Minh (19/5/1890-19/5/2016) saong pamaong tal pahadar 105 thun harei Chủ tịch Hồ Chí Minh tabiak nao duah jalan daong taneh ia (05/6/1911-05/6/2016). Dom kadha daoh tamia kayua dom tác giả dalam taneh ia saong dunya paneh pok je ka Chủ tịch Hồ Chí Minh, pok je talei hữu nghị Việt Lào ye : Wa Ho diuk hamiet dalam hatai jai drei, adei caong gaok Wa Ho, Bác đang cùng chúng cháu hành quân, Tình Việt Lào.... 

     # Gah Y tế dunya (WHO) harei kaboi (19/5) brei thau, jit ruak pandiak kanjik katam kalik metai manuac pak Ăng-gô-la saong Cộng hòa dân chủ Công-gô yaom lac oh ka ba tal bruk khẩn cấp gah y tế dunya min jeng njuak hu dom jalan ngak patagok bruk pasang iek saong kluak jru tiêm chủng grauk labik.

    #  Harei kabroi (19/5), Tổng thống Ai Cập En Si-si (Abdel Fatah El Sisi) hu mbaoh tangin tame phê chuẩn kadung jien mesraiy yaom 25 tỷ đô la di rajaei Nga piah  padang sang mac điện hạt nhân akaok mereip di Ai Cập. Tui rajaei Ai Cập, kadung jien mesraiy hu tukvak 22 thun saong meblah 85% abih tih jien apdang sang mac điện hạt nhân akaok mereip di Ai Cập. Jien daok veik kayua gah Ai Cập buh tame.