Khaw tin 10h30 saong 14h30 harei 21-3-2016

# Harei ini (21/3), di sang Quốc hội, Hà Nội mbang nyaom yaka 11, Quốc hội mbang XIII hu peih pakak. Tui kuhria, Quốc hội meda ngak bruk dalam 19 harei. Mbang nyaom yaka 11, Quốc hội mbang XIII rah tabiak dalam tuk  Đảng, bhapbini saong bol bala daok kham merat peih ngak Sarak nyaom roya Đảng pakat negar mbang yaka 12 saong bruk kuhria caga pilih ruah urang ka QH mbang XIV, pilih ruah urang ka Hội đồng bhapbini dom pakat, tukvak 2016-2021. Quốc hội caik rilo tukvak piah pataom  iek veik bruk ngak didom  jabat karja, Quốc hội saong rajaei. Abih di nyu nan lac, di mbang nyaom ini, Quốc hội caik rilo tukvak piah pakhang pasiam dom urang dang akaok di karja .

/ Melam kabroi 20/3, di sang rông ilamu palei Kon Klor, phường Thắng Lợi, ban sit Kon Tum hu rah tabiak harei pataom nghệ thuật bhap bini Tây Nguyên pambuak saong adit ilamu DL tỉnh Kon Tum mbang ka 3 thun 2016. Pok meyaom dom rik daong di dom nghệ nhân bhap bini dalam gah inem krung ilamu phi vật thể, tỉnh Kon Tum pok brei angan “Nghệ nhân ưu tú” di akaok negar ka 42 nghệ nhân; mintri ilamu, TT saong DL alin bằng khen ka 5 kapul nyaom, 7 urang ; alin bằng khen ka 5 kapul nyaom , 2 menuac urang saong ralo pandap karei ka dom kapul saong nghệ nhân hu thành tích xuất sắc dalam tukvak hu mbaok tame harei pataom. Nghệ nhân ưu tú, nghệ nhân A Nhất, palei Kon Bưu, xã Tân Lập, huyện Kon Rẫy, tỉnh Kon Tum brei thau: “Đảng karja sangka pok brei angan ini dahlak biak sambai. Kol dahlak caong khin khik ramik, patagok ilamu di bangsa kol dahlak piah hadei di ini rai ranaih umo thau ilamu di bangsa. Caong khin Đảng, karha yaok thun peih bruk taom gaok ndom meyai nao mai piah kol dahlak duah thau ilamu dom tỉnh karei piah khik ramik veik ilamu di bangsa.  

# Tui  Sở ngak nong saong patagok palei pala tỉnh Đắc Lắc, tan tukvak ini dalam tỉnh hu jao 37.294,6 ha glai, taneh glai ka 5.273 sang khik ramik, khik caga. Dalam nan hu 3.892 sang lac bhapbini bangsa takik saong 1.381 sang lac dom bangsa karei .

/ Peih ngak danak dak 135, dalam tỉnh Bắc Kan hu brei mesraiy jaik 484 tỷ đồng, meblah jaik 92%, dalam nan dự án patagok hạ tầng mesraiy jaik 356 tỷ đồng, meblah jaik 92%; daong patagok bruk ngak mbang, jien peih brei mesraiy hu labaih 62 tỷ đồng meblah 98%; phun jien daong rajaei Ai Len brei mesraiy hu 26 tỷ đồng, meblah labaih 79%...

# Melam 20/3, tỉnh ủy Đồng Nai hu peih mbang nyaom chip piah ba tabiak jalan ramik pasiam bruk jaleih tatua Ghềnh. Bí thư tỉnh ủy Nguyễn Phú Cường ndom lac Đồng Nai hu trách nhiệm dalam bruk langyah bruk ini. Taphia nan pandar dom gah di tỉnh pambuak bruk khang saong dom labik di mintri duah bruk ngak chung. Di bruk daong, bí thư tỉnh ủy pandar kapul daong bala njauk ngak bruk duah, khik caga khang oh hu thei gaok gar bo oh hu duah mboh. Ông Nguyễn Phú Cường ndom lac :Trách nhiệm di tỉnh njauk hu dalam nan. Njauk pambuak bruk saong dom gah chuc nang di mintri lac hu trach nhiem di puk palei, trach nhiem di kol drei njauk ngak. Dom gah chuc nang njauk pasang iek dom urang halei kol drei duah mboh hu hai oh, oh caik klak var”

/ Hadei di bruk jaleih tatua Ghềnh di Đồng Nai, dhar pajeng ba jalan pasei Bei Gon hu pandar ô tô pajeng ba tuai damuai meng ga Bei Gon nao ban raya HCM – HN trun ga Biên Hòa piah tagok radaih pui. Ga Bei Gon jeng brei thau, meng harei 20/3 tal harei 21/3 oh taduan pajeng ba pandap payua di tuai damuai.

# Sân khấu sang ilimo damdara ban raya harei 20/3 hadah sambo màu dom blah ao atah di 104 thí sinh saong 18 labik xuất sắc pataom tame Vòng Chung kết mbang pakacah Duyên dáng ao atah. Ini lac bruk padheih lễ hội ao atah ban raya HCM mbang ka 3 thun ini. Dalam dom blah ao atah mengkan hu rilo bruk cách tân barau, min jeng ndung bak hatai, cốt cách di urang VN, ilimo gheih mekre di bangsa. Mbang peih ngak hhu alin giải nhất mbang pakacah duyen dang ao atah ban raya HCM ka thí sinh Trần Thị Thủy saong sang bac Mần non Tuổi Thơ, Quận 1.

/ Tal tukvak ini, di Cà Mau hu labaih 43.4000 ha glai tràm saong glai angaok pulao di tỉnh daok njauk pandiak bhang mbuan khuah báo độngpakat độ 4 saong pakat độ 5 (pakat nguy hiểm saong biak nguy hiểm). Abih di nyu nan lac, meng akaok bilan thu, ia di dom kroang, ribaong di dom labik dalam glai tràm daok trun biak samar, meng 30 tal 40cm. Urak ini, Chi cục Kiểm lâm tỉnh peih dom jalan ngak siam di abih ka bruk pacang cakak khuah glai, dalam nan ralo mbang pasram iek pacang cakak khuah glai hu peih tabiak piah kuhria caga jeng yau pabak ilamu ka dom urang jakar, nhân viên saong bhap bini dalam bruk pacang cakak khuah glai. Abih di nyu nan lac, tacei pato dom đơn vị po glai kreik dom bửng cống, pok dom ar piah khik ia pacang cakak khuah glai. 

Khaw tin dunya

# Harei kabroi (20/3), di ban Khắc-tum (Khartoum) di Xu-đăng, hu rah tbaiak harei mbaoh tangin tame Hợp đồng gói thầu in ấn saong pajeng tapuk giáo khoa di mintri pato megru Xu-đăng saong Công ty Cổ phần in Hà Nội. ini lac gói thầu di dự án in tapuk giáo khoa ka dom sang bac tiểu học di Xu-đăng kayua gilang pariak dunya daa thầu, yaom 25 triệu đô la Mỹ.  

/ Akaok mintri lao động Hi Lap Gioc-gô Ka-tru-ga-lốt harei 20/3 brei thau dom bruk ginum meyai di rajaei Hi Lạp saong dom po sraiy dunya ka danak dak daong mbang ka 3 di Aten hu pambuak veik di harei 4/4 tal. Hadei di harei padeih lễ phục sinh. Urak ini Hi Lạp saong dom po sraiy dunya ginum meyai ka jalan peih bruk salih barau saong khik iek jien padai di Aten piah salih mek paok jien daong ka 3 yaom 86 tỷ ơ rô meng dom po sraiy dunya piah pasiam veik nền kinh tế./.  

  # Gah alamu, pato megru saong ilimo Liên hợp quốc hu ba 20 labik khik  thiên nhiên di rilo taneh ia tame angan labik khik sinh quyển di dunya. Yau nan, urak ini, di grauk dunya hu abih tih 669 labik khik sinh quyển njauk hu khik di abih 120 taneh ia .