Khaw tin 10h30 saong 14h30 harei 2/11/2015 

# Harei ini (2/11), Quốc hội yam tapa adit ngak bruk ka 3 meng bruk ginum biai di hội trường ka dom bruk ngak hu dalam patagok kinh tế - xã hội thun 2015 saong tabiak bruk thun 2016. Dahlau tuk ginum biai di hội trường, Quốc hội hu caik sa harei piah ginum biai tui tổ ka bruk patagok kinh tế- xã hội thun 2015 saong bruk ngak thun 2016. Dom urang QH mboh  njauk hatai saong dom jak jeng ba tabiak dalam pathau khan di rajaei, abih di nyu nan lac patagok kinh te hu khik di tanut hợp lý saong pasiam biak glaong. Min, rilo urang QH caong rajaei njauk langyah cambaih dom tavak tavaiy di 3 gah praong di kinh te urak ini lac : đầu tư công, hệ thống gilang pariak saong tái cơ cấu doanh nghiệp.

/ Biar harei kabroi 1/11, nyaom roya Đảng bộ ban HN mbang ka 16 hu pilih ruah mban chấp hành tukvak 2015 – 2020. Dom urang hu palih ruah dalam 85 urang piah pilih tabiak 74 urang tame mban chấp hành thành ủy mbang 16 (2015 – 2020), kurang 2 urang duk saong kuhria dahlau. Urang hu umo ranaih di abih dalam mban chấp hành khóa barau nan lac ong Nguyễn Văn Thắng, ndih tapui thun 1979, Bí thư thành đoàn Hà Nội. 

# Parang iek "Tâm truyền" di dua gru pato saonga nek saih họa sĩ Trần Văn Trù saong Nguyễn Ngọc Dân barau peih paka di miunyim Mỹ thuật Việt Nam. Parang iek labaih 80 baok rup cih meng dua đề tài karei di gauk. Họa sĩ Trần Văn Trù payua tal urang maong 77 blah rup cih chân dung tự họa, rup cih phong cảnh, bingu saong tĩnh vật ndung bak ilimo bangsa, brei mboh thaot binguk palei pala Việt Nam trù phú, yên bình. Daok urang anek saih di ông, Nguyễn Ngọc Dân hu kadha  “ ban talei menyek” meng 7 tác phẩm ndung bak hơi thở raidiuk đương đại. Min, di kadha tâm truyền, parang iek lac bruk tri ân di urang anek saih ka gru patao, urang hu rilo ảnh hưởng dalam tư tưởng sáng tác di họa sĩ Nguyễn Ngọc Dân.

/ Hadei di tuk 400 ha padai đông xuân daok di xã Lình Huỳnh saong xã Thổ Sơn di huyện Hòn Đất, tỉnh Kiên Giang metai kayua njom mbak tal labaih 300 ha padai hè thu di xã Bình Giang jeng daok dalam huyện Hòn Đất njauk khat lahik trak kayua njom mbak. Rai diuk di bhap bini labik ini gaok kan kandah urak ini dak kan kandah jang kayua ralo meng lac pambak pagam tame hamu. Baoh sang ong Trương Hiếu Thuận, daok di palei Giòng Kè, xã Bình Giang pala padai hu meng 15 tal 20 harei ye nyu thu saong metai nao. Ong Thuận brei thau: Thun ini langik tasik pandiak bhang dui atah, padai ngak khat lahik. Dahalak drak 2 mbang ye, cu jeng abih ralo, kuhria labaih 5 tấn cu bo năng suất oh hu hadom. Dahlak caong khin ngak yau habar dom jalan nding ini thông thương, hu ia taba piah bhap bini daok di labik ini ngak cadu jang. 

# Brei panuac di nyaom biai ka bruk sản xuất baoh kayau di tỉnh Bến Tre barau ini, Tiến sĩ Nguyễn Hữu Đạt – akaok pasak kiểm dịch hadei pablei tabiak taneh ia langiu 2 di Cục khik caga phun pala – mintri ngak nong saong patagok palei pala brei thau : urak ini, dalam taneh ia hu 40 janih baoh kayau hu pablei tabiak tapa 40 taneh ia saong bhum lãnh thổ di dunya ngan saong sản lượng labaih 1,6 triệu tấn/ sa trun. Piah paglaong pren pariak gauk, peih praong darak pasal hu yaom kinh te glaong ye : Mỹ, Nhật, Hàn Quốc…lac bruk pala phun baoh kayau di bhum taneran kraong CUU Long njauk sangka tal pambuak bruk pala drak pagam saong pablei pandap, dak padang dom mo hinh ngak mbang hợp tác; sản xuất tui tiêu chuẩn thực hành ngak nong siam (GAP), patagok yaih khan angan saong peih dom bruk duah darak pasal ngan saong dom sarak pachreih đầu tư. 

/ Pasak pato bruk ngak saong daong urang nông, kapul urang nông tỉnh Bình Phước pambuak bruk saong urang nông xã Tân Phước barau peih tal pasram megru raong glang saong jalan pacang cakak jit ruak ka menuk. 40 baoh sang urang nông saong bhap bini bangsa takik dalam xã hu mbaok tame. Dalam tukvak 2 bilan, dom anek saih hu tacei pato jalan raong saong pacang cakak jit ruak ka menuk menek công nghiệp, menuk raong palao, hu dom jalan: kuhria var ro, pandap raong menuk; ngak hacih var ro; palih ruah pajaih, janih pandap mbang lagaih saong jalan iek glang, rabha mật độ raong menuk.

 # Sở Khoa học- Công nghệ tỉnh Đồng Nai saong sang bac Khoa học Sự sống  saong Môi trường di Đại học Okayama, Nhật Bản barau mbaoh tangin tame  thỏa thuận pambuak bruk piah jhul pakhang rih duah alamu, patao pakai, ginum biai. Dua gah pambuak bruk patao megru sinh vien, chuyên gia, kỹ sư saong dom urang alamu di gah ngak nong công nghệ cao saong công nghệ sinh học. Bruk pambuak bruk ini ngak tiền đề ka bruk patagok talei pambuak bruk di tỉnh Đồng Nai saong tỉnh Okayama, Nhật Bản di tukvak tal .

Patui di ini dom khau tin dunya:

/ Taduan panuac daa di mintri An ninh Lào, kapul pakat glaong mintri công an VN saong kapul pakat glaong mintri nội vụ CPC hu nao rivang saong hu mbaok tame mbang taom gaok ndom meyai klah rabha ilamu khik kajap an ninh di mintri an ninh 3 taneh ia Lào – VN – CPC di ban ine Viêng Chăn, Lào meng harei 30/10 tal harei 11/11. Hadei di mbang taom gaok ndom meyai nao mai, 3 mintri gam hu mbaok tame pakacah gôn salam uan 40 thun harei negar Lào saong 55 thun harei padang gah an ninh bhap bini. Tapa nan, patagok bruk jum pataom meng kan di 3 taneh ia VN – Lào – CPC, rik daong khik kajap an ninh XH, abih di nyu nan lac an ninh taphia negar 3 taneh ia Đông Dương. 

# Bair harei kabroi (1/11), Nhật Bản -Trung Quốc - Hàn Quốc hu peih bruk ginum biai 3 gah di ban Xơ-un di Hàn Quốc. Brei panuac di ginum biai, Tổng thống Hàn Quốc Pắc Cưn-hê ndom  lac bruk peih veik ginum biai pakat glaong 3 gah Nhật-Trung-Hàn brei mboh bruk pasiam veik talei pambauk bruk 3 taneh ia, taphia nan ndom lac bruk 3 taneh ia peih veik ginum biai lac ssa bruk hu makna ndung bak sajarah rik daong tame dak padang raidiuk  hòa bình saong phồn vinh hu bhum Đông Bắc Á, jia lac talei pambuak bruk di 3 gah meda patagok veik.   

/ Liên minh châu Âu (ieu lac EU) hu pabak 28 triệu ơ rô piah daong Gioócđani pacang cakak saong bruk urang tị nạn Xyri. Brei panuac tuk nao rivang labik tị nạn Za-a-ta-ri di Gioócđani harei 1/11, Ủy viên pakat glaong EU Sti-lia-ni- đê lac: sa mbang tra dahlak mai rivang trại tị nạn Za-a-ta-ri saong mboh dom kan kandah bo urang tị nạn Xyri njauk drum hadei di bruk njauk nao klak palei pala di drei. Yaom jien 28 triệu ơ rô pabak hu daong ka dom labik khẩn cấp di urang tị nạn Xyri saong bhap bini puk palei di Gioócđani./.