KHaw tin 10h30 saong 14h30 harei 21/5

 # Harei paguh (22/5), labaih 32.315 cử tri urang Mông bhum glaong  Mù Cang Chải, tỉnh Yên Bái bui sambaih peih ngak quyền ngak po, hadah krah palih ruah dom urang hu ginup đức, ginup tài, njauk haong urang lambaok ka hatai caong khin di drei tame Quốc hội song Hội đồng bhap bani  dom pakat vaktu 2016 - 2021. Kayua jalan nao mai kan kandah,  huyện Mù Cang Chải hu tacei dom xã mek labik sang cộng đồng atau sang bac di dom labik pasak hu ralo bhap bani ngak labik buh phiếu, palaghiah ka cử tri.

# 21 tác phẩm di 12 tác giả mek giải di mbang pakacah bruk jak ba paneh rup cih cổ động 2015-2016 hu alin ka meniuym sajarah negar dalam harei taneh ia pilih ruah urang ka QH mbang 14 saong Hội đồng bhapbini dom pakat tukvak 2016-2021. 21 tác phẩm jeng lac dom blah rup cih cổ động dahlau thiah mek hu giải nhất, nhì saong klau di mbang pakacah cih rup cih  cổ động dom bruk praong di taneh ia dalam dua thun 2015-2016.

# Tui panuac khan meng Tổng cục Pato bruk ngak, mentri Lao động - Thương binh saong Xã hội, Mbang pakacah Tangin nghề Negar mbang ka IX thun 2016 hu rah tabiak meng harei 23 tal harei 30/5. 25 nghề hu ba tame pakacah mbang ini nan lac: Cơ điện tử; Ngak mbang ngak huak; Thiết kế kỹ thuật cơ khí - CAD; Hàn; Thiết kế dom kiểu tóc; Ốp lát da-ning saong sàn; Giải pháp phần mềm công nghệ thông tin; Điện la-ar. Dom giải thưởng hu kuhria tui điểm pandar phần mềm CIS tui thang điểm 600. Urang pakacah njauk mek hu 500 điểm tagok meng hu mong iek brei xếp hạng. 

# Báo Điện Biên Phủ, Công an huyện Mường Nhé, tỉnh Điện Biên barau pambuak bruk saong Công ty Trách nhiệm hữu hạn sa thành viên Khoáng sản Vôi Việt, ban sit Ninh Bình (Ninh Bình) peih danakdak alin 130 paok pandap pahla ka dom sang kathaot, sang kan kandah, sang urang bangsa takik di xã Chung Chải, huyện Mường Nhé, yaok paok pandap yaom 500 rabau đồng. Yaom jien abih tih labaih 60 triệu đồng. 

# Meng akaok thun tal ini, ralo puk palei di tỉnh Quảng Ninh suai ba brei thẻ Bảo hiểm y tế ka urang umo meng 75 tal 80 thun, ba tal bruk urang prong thun kanda nao pasang iek ruak tuk ruak kik, taphia di nan bảo hiểm y tế di dom urang prong thun njauk gián đoạn tukvak blei.

# Đội cảnh sát Kinh tế Công an ban sit Tam Kỳ, tỉnh Quảng Nam barau duah mboh saong mek khik sa sruh radaih tải pajeng jaik 450kg limek, nội tạng athur oh cambaih asal di nyu daok mbau bruk hu ba nao pablei. Ini lac mbang duah mboh saong mek khik ka 3 dalam labaih sa bilan tapa ngan saong abih jaik 1,4 tấn limek, nội tạng athur mbau bruk caga ba nao pablei di dom nhà hàng, quán mbang. Công an ban sit Tam Kỳ daok ngak thủ tục cuh klak ddom pandap athur nan.

#  Ủy ban bhap bani Bal raya Hồ Chí Minh hu ralo jalan ngak peih  bruk hè brei ka uranaih, dalam nan njauk caik hatai tal uranaih hu rai diuk biak karei, uranih daok dom huyện, quận atah bayah, dom xã padang ngak palei pala bahrau. Dom bruk hè meda hu peih ngak meng 28/5 tal 10/8 ngan haong ralo danak, mbluak abih yau peih ngak taong abih 4 mbang bruk ngak tabung glaong “Kayua dom adei ranam”, “Sa tangin dak padang bal raya văn minh, siam mekre, hacih sa-at”; peih hội trại “Ngak jeng hatai caong khin” ka uranaih hu rai diuk biak karei…

Khaw tin dunya

# Tui ruah duah di kapul chuyên gia dom rajaei ka biến đổi khí hậu (GIEC) barau ba tabiak, meng ini tal thun 2060, kuhria hu jaik 1,2 tỷ urang gaok kan kandah meng ia tasik tagok galong kayua biến đổi khí hậu. 

# Page harei 20/5, urang dang akaok Jabat An toàn Hàng không Hy Lạp, ong Athanasios Binis (A-ta-na-xi-ốt Bi-nít) brei thau klaih pacah hu duah mboh angaok Địa Trung Hải, jaik labik hu brei thau lac labik sruh kapal haok tuan số hiệu MS804 di EgyptAir gaok bala, "oh daok dalam sa sruh kapal haok". 

# Gah pambuak bruk saong patagok Kinh tế (OECD) dak anek saih Anh di labik puac di bảng xếp hạng ka kỹ năng puac vak saong dak ka 22 angaok 23 ka trình độ số học. Tui dom chuyên gia, sa dalam dom bruk ngak ka taneh ia tụt hậu duk saong dom taneh ia patagok karei ka môn toán học lac kayua kurang rilo gru pato katih luac dom abap tapa jeng ye bruk “ oh takre” bac katih kayua njauk 8 thiếu niên di Anh lac tok sa urang bac katih hadei umo 16 thun.