Khaw tin 10h30 saong 14h30 harei 22/3/2016

# Harei kabroi (21/3), Quốc hội taneh ia Cộng hòa xã hội chủ nghĩa Việt Nam, mbang XIII hu peih tabiak dalam praong prang  mbang nyaom yaka 11 di sang Quốc hội, ban ine Hà Nội.  Quốc hội hu pang pathau khan bruk patagok kinh te – xa hoi thun 2015, bruk ngak hu dalam 5 thun 2011-2015 saong bruk patagok kinh tế-xã hội 5 thun 2016-2020; pathau khan bruk pataom mek panuac caong khin di cử tri saong bhapbini; taong yaom bruk peih ngak Sarak di QH ka bruk patagok kinh te – xa hoi thun 2015 saong 5 thun 2011-2015;  peih tabiak jalan patagok kinh tế - xã hội thun 2016 saong bruk patagok kinh tế - xã hội 5 thun 2016-2020. Pathau khan bruk dut iek, langyah caong khin di cử tri payua ka mbang nyaom yaka 10, Quốc hội mbang XIII.

/ Di HN, TƯ đoàn dam dara CSHCM, kadung jien daong tài năng ranaih umo VN hu peih bruk pahadar 20 thun giải thưởng ranaih umo VN hadah krah saong jao giải thưởng 10 urang ranaih umo VN hadah krah thun 2015. Giải thưởng ranaih umo VN hadah krah nan lac giải thưởng di TƯ kapul dam dara CSHCM alin hadiah ka dom urang ranaih umo ba abih pren yava ngak hu rilo bruk praong dalam sa thun dalam dom gah bac megru, ruah duah ilamu, lao động sản xuất, điều hành doanh nghiệp, QP, an ninh – trật tự, ilamu – nghệ thuật, thể thao, bruk ngak XH. 20 thun tapa, giải thưởng hu pok meyaom 200 urang ranaih umo. Hadei meng hu pok meyaom, dom urang ranaih umo jeng patagok siam bruk ngak di drei, mek hu jak jeng praong saong hadah hadai. 

# Pagaiy harei ini (22/3), di Thanh Hóa, mintri Tài nguyên saong Môi trường pambuak bruk saong Uỷ ban bhapbini tỉnh Thanh Hóa peih mít tinh pakat negar pachreih tui harei ia dunya thun 2016, ngan saong kadha “ ia saong bruk ngak”. Harei ia dunya hu peih ngak di harei 22/3 yaok thun piah ieu bruk sangka di dunya ka bruk praong prang di tài nguyên ia saong jak ba sarak ka khik ramik khang kajap tài nguyên ia, abih di nyu nan lac halau ia taba. Thun ini, Liên hợp quốc ruah kadha di harei ia dunya lac “ ia saong bruk ngak” piah brei mboh talei pambauk bruk dua gah di ia saong dom danakdak bruk ngak siam lagaih pamaong tal khik caga an ninh halau ia saong patagok kinh tế - xã hội khang kajap.

/ Dalam dom harei tapa, ikan raong dalam lồng bè daok jaik labik pasak nhiện điện Vĩnh Tân, huyện Tuy Phong, tỉnh Bình Thuận metai ralo. Ini lac mbang ka 4, ikan raong lồng bè angaok tasik daok jaik pasak nhiệt điện Vĩnh Tân metai ralo. Chi cục môi trường tỉnh Bình Thuận hu mek mẫu ia duk iek, min oh ka thau makna lac kayua môi trường atau oh.

# Harei kabroi (21/3), Thành Đoàn Cần Thơ peih harei pataom tư vấn yaih khan bruk ngak ka damdara thun 2016. Tapa nan , hu 86 đơn vị doanh nghiệp tut angan pilih ruah jaik 1.500 labik bruk ngak, dalam nan hu 23 labik mai pilih ruah tapak. Abih di nyu nan lac hu dom labik pilih ruah urang ngak  phổ thông biak rilo, ứng viên hu tame khóa pato pakai saong hu yaom jien bilan biak pachreih meng 4 tal 9 triệu đồng/sa bilan ye Công ty Gạch Đồng Tâm Long An, Công ty Tai Wal Vina (Hàn Quốc) saong dom công ty cơ khí, ô tô karei karei.

/ Meng akaok thun tal ini, yaok rituh ha glai dalam taneh ia khuah abih kayua pandiak bhang dui atah tukvak tapa. Di Cà Mau ralo kraong ribaong thu abih, danao raong jeng thu ngak ka karja saong bhap bini duh hatai ka bruk khuah glai ralo. Kayua yau nan ye, urak ini karja saong bhap bini tỉnh Cà Mau daok pataom tame pacang cakak saong khik caga glai anak bruk pandiak bhang.

# Meng tuk padang tagok tal ini, kadung jien patagok tame veik bhapbini tỉnh Đồng Tháp hu brei ka jaik 300 urang mesraiy labaih 7 tỷ meteh. Dom urang hu mersiy jien lac urang dahlau thiah ngak suan hukum, hu tabiak guk bloh saong  mai veik puk palei hu phun jien ngak mbang piah tani tanat raidiuk. Tui nan , yaok urang hu mesraiy meng 15 - 30 triệu đồng, maong tame di caong khin saong bruk ngak mbang di yaok sang. Hadei nan bayan jien mesraiy di tukvak meng  12 bilan tal 36 bilan. Meng paok jien ini, mboh hu ba mai siam lagaih, daong rilo urang dahhlau thiah ngak suan hukum yam tagok dalam raidiuk. 

Patui di ini dom khau tin dunya:

/ Mintri QP Nga harei kabroi 21/3 hu ba tabiak panuac caong peih mbang ginum meyai chip saong dom lambaok di Mỹ piah njauk gauk jalan pasang iek bruk padeih cuh di Xyri, saong hu panuac lac, Nga eng drei ngak meng harei 22/3 meyah oh taduan hu panuac javap jalei meng gah Mỹ. 

# Harei kabroi (21/3), di ban Moskva di Liên ban Nga rah tabiak mbang ginum biai bruk Quốc phòng pakat Thứ trưởng di Việt Nam saong Liên ban Nga mbang ka dua. Dua gah hu brei ka gauk thau bruk di dunya, bhum saong gam ginum biai, taong yaom ka dom bruk kan kandah barau bo dua gah sangka, abih di nyu nan lac dom bruk căng thẳng tukvak jaik ini di Biển Đông.

/ Dom gah truyền thông di NB brei thau: dalam mbang nao tal châu Âu di ngoại trưởng NB Phư-mi-ô Ki-xi-đa, urang dang akaok mintri ngoại giao NB hu mbang ginum meyai saong akaok mintri ngoại giao Prang Giăng Mác A-rô di ban ine Pa-ri piah ginum meyai ka bruk jhul pakhang dom jalan pambuak bruk pacang khủng bố dunya./.