Khaw tin 10h30 saong 14h30 harei 23/10/2015

# Patui danak dak ngak bruk mbang nyaom ka 10, Quốc hội mbang XIII, page ini (23/10) dom Kapul urang Quốc hội ginum biai ka dom dự thảo văn kiện hu ba tagok Nyaom roya pakat negar di Đảng. Dahlau di nan, dalam harei ngak bruk harei kabroi (22/10) ginum biai pak tổ ka bruk ngak mbang kinh tế - xã hội thun 2015 saong 5 thun (2011 tal 2015), jalan ngak, bruk ngak ka 5 thun tal, dom urang QH njauk hatai haong dom jak jeng bo harak pathau khan hu ba tabiak: Kinh tế vĩ mô patui veik grap tanat, bruk ngak mbang kinh tế dak harei dak siam; lạm phát hu pacang di tanut biar. Patagok kinh tế hu khik kajap di tanut siam saong tagok gilac biak glaong. GDP thun 2015 kuhria mek hu labaih  6,5%, glaong di abih dalam 5 thun tapa, glaong jang bruk ba tabiak (6,2%).

# Bair harei sup 22/10, di ban raya Hồ Chí Minh, akaok taneh ia Trương Tấn Sang hu taduan raok urang dahlau thiah ngak Tổng thống Hàn Quốc Lee Myung Bak daok ravang ban raya Hồ Chí Minh. Akaok taneh ia ndom lac, dom mbang ravang di dom kapul urang jakar di Việt Nam saong Hàn Quốc meda jhul pakhang talei pambuak bruk di dua taneh ia saong caong khin Hàn Quốc meda jhul pakhang đầu tư tame Việt Nam di dom gah. Tổng thống Hàn Quốc dahlau deih ong Lee Myung Bak taong yaom glaong labik dang di akaok taneh ia Trương Tấn Sang di jhul pakhang talei pambuak bruk di dua taneh ia saong caong khin dua taneh ia pambuak bruk khang veik di tukvak tal.

# Biar harei kabroi (22/10), pak jabat Raja-ei, Thủ tướng Nguyễn Tấn Dũng hu taduan raok Thống đốc tỉnh Mat-xcơ-va (Moscow), Liên bang Nga Ăng-đrây Va-ra-bi-ôp (Andrei Vorobyov) daok rivang saong ngak bruk pak Việt Nam. Thủ tướng brei mboh hatai bui sambai anak bruk patagok biak siam abih gah dalam talei pambuak bruk nao mai di Việt Nam-Liên bang Nga tukvak tapa, brei thau lac dom jak jeng siam mekre nan mek hu ba mai kein laba ka bruk cakrok patagok di dua negar, dua bangsa.

# Thủ tướng rajaei barau brei buh tabiak 220 tỷ đồng meng kadung jien caik piah di kadung jien sarak trung ương thun 2015 piah daong 9 tỉnh, ban nan lac : Quảng Ninh; Lạng Sơn; Điện Biên, Hà Giang; Lai Châu, Sơn La; Thái Nguyên, Hải Phòng, Thanh Hóa caga khat lahik kayua hajan, ia xua meng harei 24/7 tal 6/8/2015. Thủ tướng  jao ka Ủy ban bhapbini dom tỉnh, ban di trung ương pandar paok jien hu kadung jien sarak trung ương daong saong hu trách nhiệm khik ramik, pandar jien ini njauk bruk, menuac urang saong tui quy dinh ba tabiak. 

# Akaok sang bac Cao đẳng - Kinh tế Kỹ thuật tỉnh Quảng Nam brei thau, tal tukvak ini, sang bac bahrau palih ruah hu labaih  1.300 chỉ tiêu dalam abih tih 3.750 chỉ tiêu palih ruah tuyển sinh dalam thun bac ini. Kayua nan ye, meda hu jaik  120 gru pato, urang ngak dalam 170 urang dalam diện hợp đồng di sang bac njauk padeih bruk. Karja meda daong 3 bilan jien bilan ngan haong dom urang padeih bruk ini . Yaok thun Ủy ban bhap bani tỉnh Quảng Nam brei ka sang bac 11 tỉ đồng, pagam haong jien mek tame di sang bac jaik 17 tỉ đồng. Dalam tuk nan, yaok bilan sang bac njauk bayar jaik 1,5 tỉ đồng jien bilan ka urang jakar nan ye oh tal jien.

# Công an quận Thủ Đức, ban raya Hồ Chí Minh barau taong tayah 2 băng nyaom kahuah saong klak mek drap ar mek kareik 16 urang hu pambuak tal, taphia nan pambuak bruk saong rilo kapul karei yah hacih dom sruh mein bài tui jalan mac game điện tử paneh ikan. Dalam sa chuyên án karei, Công an quận Thủ Đức jeng hu mek abih 6 urang peih ngak rilo mbang kahuah, klaik mek drap ar saong pablei drap ar kayua urang karei  phạm tội bo hu. Dom urang gaok mek hu umo meng 14 tal 32 thun, abih jeng nghiện ma túy tổng hợp. 

# Kayua hajan prong gam haong aia ndik glaong ngak ka jaik 2.500ha padai Thu Đông labaih sa bilan pak tỉnh Trà Vinh njauk duak dalam aia, dalam nan hu jaik  1.400ha mblang taneh lahik abih, njauk pala drak gilac. Anak bruk yau nan, gah ngak nong Trà Vinh gam haong raja-ei puk palei daok jak ba manuac urang, jien padai piah paglaong hệ thống ar pacang, bờ vùng, ar hamu; pasang iek brong binek akaok halau, peih pakac jalan tathuak aia ka nyu samu gauk, samar daong ka urang nong pasiam veik mblang taneh njauk khut khat. 

Khaw tin dunya

# Thủ tướng rajaei Thái Lan gam lac akaok Ủy ban khik caga trật tự negar (NCPO) Pra-dút Chan-ocha (Prayuth Chan-ocha) meda dang akaok mbang nyaom peih ngak bruk salih barau taneh ia urak ini di harei 28/10. Urak ini, urang bhapbini Thái Lan daok pataom tame glang iek dom yam nao cambaih di Hội đồng lập pháp negar saong Hội đồng tacei pato ramik pasaim taneh ia piah lkangyah dom srau kadau xa hoi jeng ye apdang sa bản hiến pháp barau hu dom urang bhapbini njauk hatai, piah pamaong tal sa mbang tổng tuyển cử di kreh thun 2017 tui njauk lộ trình ba tabiak.

# Akaok mentri Nội vụ Pháp Béc-na Ca-dơ-nơ-vơ (Bernard Cazeneuve) bahrau brei thau, Raja-ei Pháp meda brei rilo jang cảnh sát trại tị nạn jaik bal Ca-le (Calais), gah Barak negar ini, piah pasang iek catang jang manuac urang tame oh thau cambaih asal di nyu meng bhum taneh Châu Phi tuh mai ini. Pháp meda pabak 300 hiến binh saong 160 cảnh sát pacang cakak bạo động gam haong  225 urang lin saong 440 cảnh sát hu ba mai ini dahlau di nan, piah khik caga an ninh pak labik tị nạn./.

# Dom harei tapa, dom mbang khuah glai di In-đô-nê-xi-a daok pambak praong saong jeng mbang khuah glai praong abih di sajarah taneh ia ini. Rajaei In-đô-nê-xi-a kham merat peih praong bruk padam khuah glai ngan saong bruk di bhapnini dunya. Gam saong dua sruh kapal haok di Nga, 10 sruh kapal haok di In-đô-nê-xi-a saong sa sruh di Xinh-ga-po jeng daok ngak bruk di Nam Xu-ma-tra piah peih ngak dom bruk plaik mbom ia saong ngak tabiak hajan nhân tạo. Dom vụ kapal ahaok plaik mbom ia hu daong padam 12 labik khuah./.