Khaw tin 10h30 saong 14h30 harei 23/5

Peih khaw tin dalam taneh aia harei ini, daa mikva saong taong abih gauk pang khaw tin ka bruk palih ruah urang ka Quốc hội saong Hội đồng bhap bani dom pakat  harei 22/5:

# Tui dom pathau khan tagok Hội đồng bầu cử Negar kuhria tal 22 tuk 20 minit harei kabroi 22/5, dalam negar hu 98,77% cử tri nao buh phiếu. 

Ong Nguyễn Hạnh Phúc, Tổng thư ký Quốc hội, Chánh Văn phòng Hội đồng Bầu cử negar brei thau: mong rah tapa cử tri nao buh phiếu biak glaong labaih 90%. Dalam nan, dua tỉnh glaong abih lac Thừa Thiên - Huế saong Yên Bái hu 99,99%. Dom tỉnh mek hu 99,9% nan lac Hòa Bình; Quảng Nam; Bến Tre; Lai Châu; Hậu Giang; Bắc Ninh; Đắc Lắc. Jaik abih dom tổ bầu cử  padeih mbang buh phiếu njauk tui adat hukum. Ong Phúc brei thau: bruk bầu cử Quốc hội khóa 14 saong Hội đồng bhap bani dom pakat tukvak 2016-2021 hu rah tabiak dalam siam mekre. Tui ong Nguyễn Hạnh Phúc, bruk peih dhung phiếu saong bruk kiểm phiếu, yaok phiếu jeng hu mbaok di  cử tri, báo chí… biak công khai,  cambaih laih. Ini lac kadha bahrau dalam mbang peih ngak Hukum pilih ruah urang ka Quốc hội saong Hội đồng bhap bani dom pakat. Ngan haong bruk  bầu cử dalam dom trại tạm giam, bruk bầu cử jeng hu peih ngak siam mekre. 

Patui di ini lac dom khaw tin karei:

# 21tuk meteh harei 22/5, sruh Air Force One pajeng Tổng thống Mỹ Obama par trun mblang kapal haok  Nội Bài. Ini lac mbang ravang Việt Nam akaok mereip di Tổng thống Barack Obama tui panuac daa di akaok taneh ia Trần Đại Quang saong lac mbang ravang di Tổng thống Mỹ ka 3 tal Việt Nam kuhria meng tuk dua taneh ia pasiam talei pambuak bruk thun 1995 (hadei Tổng thống Bill Clinton – thun 2000 saong Tổng thống George W.Bush – thun 2006).

# Dalam biar harei kabroi 22-5, Thứ trưởng Mentri Giao thông vận tải Lê Đình Thọ hu nao ngak bruk haong urang pal akaok tỉnh Bình Thuận gam haong dom gah pambuak pagam tal piah tacei pato pasiam veik dom khut khat meng bala di dua sruh radaih tuai angaok jalan nao tapa bal sit Thuận Nam, huyện Hàm Thuận Nam ngak ka 12 urang metai saong 40 urang njauk rambuis. Melam kabroi (22/5), Sang iek ruak Đa khoa tỉnh Bình Thuận hu pok jao 2 urang metai ka gauk gar di urang njauk bala ba nao sang ngak ndam metai. Yau nan, tal page harei ini 23/5, dalam dom urang njauk bala jeng daok 10 urang metai apui mbang oh thau angan je. Công an tỉnh, Pháp y tỉnh Bình Thuận daok pambuak bruk haong Viện Khoa học hình sự (C54) Mentri Công an dut iek ADN piah brei thau ka angan je di urang njauk bala.

# Harei 22/5, di dom huyện bhum ceik Ninh Sơn, Bác Ái, tỉnh Ninh Thuận hu hajan praong dui atah, ngak la ar dom baok ceik, dom mblang hamu thulagu. Mbang hajan dui atah di yaok bhum hu ba mai bui sambai praong ka bhapbini bhum ceik glaong Ninh Thuận. Min,  hajan jeng oh ka ginup pabak ia pandar, ia pala drak, kaya raong di bhum taneh thulagu tỉnh Ninh Thuận. Yau nan ye, gah ngak nong tỉnh Ninh Thuận kakei mikva urang nong jhui  trun pajaih hadei mbang hajan ini, piah plaih di khat lahik kayua thulagu di tukvak jaik tal.

# Tỉnh Bến Tre bahrau peih pakak ba tame pandar 2 sang mac pandar meng điện năng lượng aia harei piah xử lý aia pandar brei ka labaih 4.200 baoh sang daok labik pandiak bhang, njaom mbak di  xã An Phú Trung (huyện Ba Tri) saong Phú Đức (huyện Châu Thành). Dua sang mac hu caik 22 mejam pin năng lượng aia harei, 10 mac bơm ala haluk saong 12 mac bơm tăng áp, công suất yaok mac 50m3 sa tuk. Taong abih jien buh tame padang ngak 2 sang mac labaih 4 tỉ đồng ka yua Raja-ei Đan Mạch daong brei…

Khaw tin dunya

# Ngoại trưởng Mỹ Giôn Kery (John Kerry) harei 22/5 hu mbang ravang Myanma. Ini lac mbang akaok mereip di ông Kery tal taneh ia Đông Nam Á ini, kuhria meng tuk padang rajaei hu pilih ruah dân chủ akaok mereip dalam 50 thun tapa di Myanma. Di mbang ravang ini, ông Kery hu taom gaok Ngoại trưởng Myanma Ang Xan-xu-chi (Aung San Suu Kyi), Tổng Tư lệnh dom kapul par phao ndao Myanma, tướng Min Oong Lênh (Min Aung Hlaing).

#Urang dang akaok Cuba dahlau deih, ong Phi-đen Cát-xtơ-rô (Fidel Castro) saong Tổng thống Bô-li-via Ê-vô Mô-ra-les (Evo Morales) bahrau hu mbang taom gaok gauk, ginum biai ka dom hagait daok rah tabiak jaik di ini pak Mỹ Latinh. Tổng thống Mô-ra-les daok hu mbang rivang 2 harei tal taneh aia pulao kaoh ini. Mỹ Latinh daok nao tapa ralo srau kadau ngan haong dom mbang khủng hoảng kinh tế saong chính trị rah tabiak pak dom negar yau Vê-nê-xuê-la, Braxin...

# Tapa mbang duah thau hatai sahneng di menuac sia kayua Viện ppatagok hành chính negar Thái Lan barau ba tabiak brei mboh, chỉ số “haniem phuan” di urang Thái Lan jeng oh ka salih karei, yaom lac Ủy ban khik ramik trật tự negar (NCPO) biak kham merat piah ba mai haniem phuan rilo ka bhapbini dalam dua thun rapa. Bruk dauh thau nan hu peih ngak meng harei 17 tal 18/5 ngan saong bruk hu mbaok di jaik sa rabau 3 ratuh urang, hu umo meng 18 thun tagok, ngak dom bruk karei di gauk dalam taneh ia; piah taong yaom tanut haniem phuan di bhapbini Thái Lan hadei dua thun Uy ban khik ramik trật tự negar tagok rai ./.