1 # Patui veik mbang nyaom ka 9, Quốc hội khóa 13, harei ini (23/6), Quốc hội ginum biai pak hội trường ka dự án Hukum Tố tụng hành chính (pasiam veik) saong dự án Hukum Trưng cầu ý dân. Dahlau di nan ginum pak tổ ka dự án Hukum Tố tụng hành chính (pasiam veik), ralo urang lambaok njauk hatai haong bruk peih prong quyền ka Tòa án bhap bani tỉnh, bal daok dalam Trung ương lanyah dom yak bak pambuak tal Ủy ban bhap bani pakat huyện, Akaok Ủy ban bhap bani pakat huyện yau dự thảo Hukum. Daok ndom ka dự án Hukum trưng cầu ý dân, dom urang lambaok brei thau, ini lac sa jalan ngak piah ka bhap bani brei mboh tapak ý chí saong quyền lực di drei ngan haong kadha prong di taneh aia tui yaok tukvak. Dom urang lambaok pataom tame ginum biai ka asal kadha hu ba tabiak trưng cầu ý dân, urang hu quyền ndok trưng cầu ý dân saong kết quả trưng cầu ý dân.

2/ Beir harei karoi 22/6 di HN, Bộ Biên tập Tạp chí Cộng sản, Hội Liên hiệp Thanh niên Việt Nam, Mintri Khoa học song Công nghệ pambuak bruk peih họp báo brei thau ka danak dak “Sáng kiến vì cộng đồng”. Bruk pakacah nan lac jalan ngak piah ka dom kapul, urang, abih di nyu nan lac dam dara patagok bruk ba akaok nao dahlau, hadah krah song sami samar dalam bruk dong ka bhap bini patruh eik patrun kathaot, dong patagok KTXH, padang taneh ia kaya meda, khang kajap, jhul pakhang bruk CNH, HĐH taneh ia. Danak dak hu peih ngak dalam taneh ia meng bilan 6/2015 tal bilan 12/2015.

3 # Pak Pasak papar sap Negar, 58 Quán Sứ, Hà Nội, Phaok Tổng Giám đốc Rayo sap ndom Việt Nam Vũ Hải hu taduan raok Kapul urang vak báo Cam-pu-chia daok hu mbang rivang saong ngak bruk pak Việt Nam. Pak van taom gaok, ong Ly Vann Hong, Phaok Quốc vụ khanh, Cố vấn Akaok Mentri Thông tin Vương Quốc Cam-pu-chia ndua dhal phol Rayp sap ndom Việt Nam tuk halei jeng nao gam, daong ba, pambuak bruk haong Cam-pu-chia dalam dak padang saong patagok cơ sở vật chất kĩ thuật jang yau dak padang kapul urang jakar, phóng viên, biên tập viên.

4/ Beir harei 22/6 Mban an toàn giao thông pakat negar hu var ngak bruk song urang dang akaok tỉnh ĐL piah caga peih “Harei pataom ilamu an toàn giao thông dom bangsa Tây Nguyên”. “Harei pataom an toàn giao thông dom bangsa Tây Nguyên”. Harei pataom nan hu peih tabiak dalam harei car 27/6 di ban sit BMT tỉnh ĐL, hu mbaok labaih 2 ribau urang, dalam nan lac mik va dom bangsa takik Tây Nguyên song rilo bruk yau: Pasram ilamu peih radeih mô tô, radeih mac, pathau khan ka an toàn giao thông labik palei pala. Pakacah doh tako pathau khan ka hukum an toàn giao thông song dom bruk main sambai. Alin brei 1000 boh muat BH ka mik va urang bangsa takik.

5#  Dom thun jaik di ini, mblang taneh ngak padai oh hu hiệu quả hu mikva urang nong tỉnh Quảng Bình panduan salih tapa pala dom janih phun pala karei yau tangeiy, bei, tamekai saong bingu... Akaok mereip, dom mô hình panduan salih phun pala hu ba mai ralo baoh jeng siam mekre, urang nong hu jien mek tame glaong jang 3 mbang dut haong ngak padai. Urak ini, tỉnh Quảng Bình daok pachreih mikva panduan salih 600 héc ta mblang taneh padai oh chủ động hu aia pruh tapa pala dom janih phun pala karei angaok thu. Tỉnh Quảng Bình jeng hu kế hoạch daong 5 triệu đồng 1 héc ta panduan salih.

6/ Tỉnh Trà Vuinh bahrau jao harak chứng nhận đầu tư dự án sang mac điện hangin tukvak 1 ka Công ty Trách nhiệm hữu hạn xây dựng Woojin Hàn Quốc, ngan song yaom phun jien buh tabiak ngak abh tih 2.400 tỷ đồng. Urak ni karja palei dok ngak dom harak gar jao taneh piah padang ngak di bilan 9 anak tal. Dự án hu peih ngak di 2 xã Trường Long Hòa song Dân Thành, huyện Duyên Hải. Tui kuhria danak dak hu padang ngak song ba tame pandar dalam bilan 9 thun 2017. Ni lac danak dak dalam quy hoạch patagok điện hangin hu công suất abih tih 3000MW di tỉnh Trà Vinh tukvak 2015-2020..

7 # Tui Tổng cục Thể dục Thể thao, urak ini Việt Nam hu 4 vận động viên nao pataom mbaok dalam Olympic 2016 pak Rio de Jainero (Brazil) nan lac dua xạ thủ cuh phao Hoàng Xuân Vinh, Trần Quốc Cường, vận động viên caluai Nguyễn Thị Ánh Viên saong bahrau di abih nan lac Nguyễn Thị Huyền vận động viên điền kinh. Mục tiêu di Thể thao Việt Nam pak Olympic Brazil 2016 nan lac hu meng 10 tal 15 vận động viên hu mbaok tame pakacah pak dom cuh phao, điền kinh, caluai, thể dục dụng cụ, taong kiếm, cử tạ…

Patui di ni dom khau tin dunya

8/ Harei kabroi 22/6, bác sỹ Vo-chi-ra (Vochira), Phó Bí thư thường trực mintri  Y tế Thái Lan hu panuac lac pren yava di urang ruak umo 75 thun, urang Ô-man njauk jit ruak Hội chứng suy hô hấp cấp vùng Trung Đông (MERS) dok hu siam veik. Urang ruak meda ndom nyai song mbang menyum hu rilo jang, min brei hu iek glang siam di abih, kayua urang ruak umo glong , pren takik, ruak boh hatai. Urang dang akaok mintri y tế TL jeng hu panuac ieu dom sang iek ruak di TL brei peih bruk tui iek pren yava di dom urang ruak

9# ASEAN huac kanda ka bruk njaom mbak dak harei dak prong di Hội chứng hô hấp Trung Đông (MERS) saong caong khin hu ralo sáng kiến, jalan ngak piah pacang caga haong janih virus (vi-rút) nguy hiểm ini. Ini lac panuac khan di Tổng Thư ký Kapul nyaom dom negar Đông Nam Á (ASEAN) Lê Lương Minh hu ba tabiak dalam tukvak jit MERS jeng daok patui veik pambak prong di ralo taneh aia angaok dunya. Urak ini taong abih negar dalam ASEAN hu patgaok bruk kuhria caga, duah mboh, klah rabha saong brei thau thông tin ka dom cơ chế hu ngak iek dalam tukvak rah tabiak jit SARS atau tuk hu mối đe dọa di Ebola. Langiu di nan, ASEAN jeng paglaong cảnh giác saong patagok pasang iek bruk nao mai dalam khu vực.

 10/ Yoga jeng sa janih bac njauk brei bac, oh lac ka anek saih meng tal 6 tal tal 10 di sang bac, bo dok dalam danak dak pato pakai gru pato di Ấn độ.  Ini lac panuac khan di akaok mintri patagok pren khang (HRD) di Ấn độ Smriti Irani (Xmi-ri-ti I-ran-ni)  ba tabiak harei kabroi 22/6 , sa harei hadei di Harei dunya Yoga mbang ka sa (21/6/2015). Amuk Irani ndom lac bruk ba Yoga tame dalam danak dak pato pakai gru pato piah hu rilo gru pato naih Yoga pabak ka harei hadei. Mintri patagok pren khang Ấn Độ hu caga danak dak pato Yoga ka gru pato dalam nan hu danak dak  pakat beir, pakat mbiah song pakat glong./.