# Biar harei 23/4, pak sang daoh Prong Hà Nội, kapul urang dahlau diah ngak bol lin Mentri Ilamo – Padhih saong Rivang ma-in hu peih danak daoh tamia “Kadha daoh yasa” pahadar 40 thun peih paha gah meraong yasa taneh aia. Danak dak hu mbaok di 200 nghệ sĩ chuyên saong oh chuyên. Peih akaok meng bộ phim tài liệu “Dom harei puac abih di mbang mesruh metak peih paha”, di Hãng phim Tài liệu Trung ương, danak dak daoh tamia “Kadha daoh yasa” hu ba urang mong iek gilac mai veuk haong dom thun bilan mesruh metak taong Mỹ.

# Jeng dalam bair harei 23/4, mBan tacei pato Tây Nam bộ, Thành ủy Cần Thơ saong Tỉnh ủy Hậu Giang pambuak bruk peih harei pataom mbaok urang jakar kumei dahlau thiah dang akaok Hậu Giang saong Cần Thơ dalam tuk pahadar 40 thun harei peih paha gah meraong, yasa taneh ia. Pataom mbaok tame, hu jaik 120 urang jakar kumai dang akaok dua tỉnh Cần Thơ, Hậu Giang tapa dom tukvak. Harei pataomk piah pahadar veik truyen thong di kapul urang jakar hu rilo rik daong ka bruk peih paha gah meraong, yasa taneh ia saong dak padang palei negar hadei harei taneh ia hoa binh.

# Ủy ban bhap bani bal sit Huế bahrau peih bruk họp báo khan brei thau ka  Festival bruk ngak meng kan Huế mbang ka 6-thun 2015 ngan haong kadha “Tinh hoa nghề Việt”. Festival bruk ngak meng kan Huế mbang ini rah tabiak meng harei  28/4 tal harei 3/5, meyaih khan dom janih biak karei di dom pandap hu ngak tabiak meng bruk ngak meng kan di Huế yau kim hoàn, srak, khảm, mỹ nghệ bar, lan am… saong meyaih khan dom palei ngak meng kan tiêu biểu di puk palei dalam taneh aia. Tal tukvak ini hu jaik 250 nghệ nhân, thợ thủ công mai meng 41 cơ sở dalam tỉnh Thừa Thiên-Huế saong dom palei ngak dalam negar mboh tangin tame. Ong Nguyễn Đăng Thạnh, Phaok akaok Ủy ban bhap bani bal sit Huế brei thau: Festival bruk ngak meng kan piah pok glaong dom nghệ nhân khik ramik saong patagok dom bruk ngak meng kan. Khlaol dahlak palih ruah dom bruk ngak hu pandap panda brei ka bruk rivang ma-in saong dom bruk ngak meda hu định hướng ngak brei patagok bruk rivang ma-in.

# Melam 23/4, di ban sit Đà Lạt, tỉnh Lâm Đồng, Viện Huyết học – Truyền máu Trung ương pambuak bruk saong dom Viện roh duah, dom sang iek ruak praong saong dom sang bac Dai Hoc dalam taneh ia peih nyaom biai alamu ka Tế bào gốc dalam taneh ia mbang yaka III.  Piah bruk roh duah saong pandar tế bào gốc dalam chuẩn đoán saong iek ruak ka urang ruak hu patagok samal, kein laba saong khang kajap jang Thứ trưởng Nguyễn Thị Xuyên, ndom lac: Dom pasak njauk brei thau cambaih gah roh duah, pandar, njauk pambuak bruk saong dom gah di karja, pambuak bruk di dunya, pambuak bruk công tư…Mintri y te meda pasang iek saong likau jien ka roh duah tế bào gốc ka dom thun tal. Dahlak jia tame saong caong khin lac gah tế bào gốc Việt Nam meda patagok khang saong yam tagok atah jang, rikdaong tame jak jeng saong patagok di gah y học Việt Nam.

# Anak bruk tua riya pandiak bhang trak pak tỉnh Ninh Thuận, harei kabroi  23/4, Bộ Tư lệnh Quân khu 5 hu ba radaih halang aia meng bal Đà Nẵng tame piah ba aia hacih ka bhap bani 2 palei Từ Thiện saong Vĩnh Trường, xã Phước Dinh, huyện Thuận Nam – dom puk palei gaok kan kandah kayua pandiak bhang. Tui nan, bhap bani meda hu brei jaik 40 lít aia yaok harei piah pandar.

# Bair harei 23/4, di ban sit Nha Trang, tỉnh Khánh Hòa, Kapul Vật lý Việt Nam pambuak bruk saong sang bac Đại học Thông tin liên lạc – mintri Quốc phòng peih mbang pakacah Olympic Vật lý sinh viên pakat negar thun 2015. Mbang pakacah thun ini hu mbaok labaih  250 sinh viên mai meng 43 kapul. Di mbang pakacah, thí sinh tapa 3 binah pakacah lac :  Trắc nghiệm, thực nghiệm saong giải bài tập, dalam nan kadha trắc nghiệm tui gah trực tuyến.

#  Sở pajeng ba saong Phòng Cảnh sát Giao thông Jalan bộ - Jalan pasei, Công an Bal raya Hồ Chí Minh harei kabroi 23/4, brei thau ka kế hoạch khik caga an ninh trật tự, peih bruk phân luồng điều tiết giao thông duh ka lễ mítting saong dom bruk pahadar 40 thun peih paha gah meraong, yasa taneh aia. Tui nan, dalam tukvak rah tabiak bruk diễn tập, tổng duyệt saong peih ngak lễ mítting, dom radaih oh brei nao mai meng 20 tuk tal 24 tuk harei 24/4 saong meng 4 tuk tal 12 tuk dalam dom harei 26 saong 30/4, pak dom labik rah tabiak lễ kỷ niệm. Labik hu giới hạn bởi vành đai dom canah jalan: Cách Mạng Tháng Tám, Nguyễn Thị Minh Khai, Nguyễn Bỉnh Khiêm, Nguyễn Hữu Cảnh,  Tôn Đức Thắng, Hàm Nghi, Lê Lai, Phạm Hồng Thái.

Khaw tin dunya

#  Harei 23/4, dalam tuk pahadar 40 thun harei peih paha gah meraong, yasa taneh ia, Đại sứ quán Việt Nam di Thái Lan hu peih ngak praong mbang pataom mbaok labaih 40 urang Việt kiều di Thái Lan buh rilo pren yava dalam dua mbang mesruh metak daong atneh ia di bhapbini drei. Rilo viet kieu praong thun hu buh  pren yava ka taneh ia padrut padrui pahadar veik dom kan kandah glaih glan hu nao tapa, taphia nan ndom khang lac meda gam saong rahra anek taco rik daong abih pren yav drei ka bruk patagok hadah hadai siam mekre di VN.

          # Mbang nyaom thượng đỉnh di dom urang pal akaok Liên minh châu Âu hu rah tabiak pak Brúc-xen (Brussel), Bỉ, dalam kham merat tah klaak dom ka dha oh njauk gauk piah langyah mbang khủng hoảng di cư meng labik Bắc Phi saong Trung Đông tuh mai châu Âu. Pak nyaom biai, dom urang dang akaok châu Âu hu njauk hatai brei tagok jaik 3 mbang kadung jien ka bruk roh duah saong daong veik urang di cư, dalam nan, Anh jeng hu panuac brei gilai Hải quân Hoàng gia di drei hu mbaok tame bruk ngak ini.

# Harei kabroi 23/4, dom ban di bhum Áchentina ye Ba-ri-lô-chê (Bariloche) saong San Mác-tin Đơ Lốt An-đét (San Martin de los Andes) hu sa tal dhur mun kapan meng ceik apui Can-bu-cô (Calbuco) di taneh ia taphia Chilê. Dom mbang par kapal haok mai saong nao di ban Ba-ri-lô-chê jeng brei klak kayua dhur mun ceik apui. Raidiuk di bhapbini puk palei saong tuai damuai jeng hu mbaok di ini jeng gaok kan kandah oh takik./.