# Pak Hà Nội, Đại tướng Phùng Quang Thanh, Akaok Mentri Quốc phòng bahrau taduan raok kapul urang jarka saong học viên tal bac urang jakar pakat sư đoàn Sang bac Đại học Quốc phòng Quân Giải phóng bhap bani Trung Quốc kayua Thiếu tướng Lý Thăng Tuyền, Akaok Chính trị pal akaok, tukvak kapul ini tapa rivang saong ngak bruk pak Việt Nam. Taong yaom glaong talei pambuak bruk nao mai di bol bala dua negar dalam tukvak tapa, Đại tướng Phùng Quang Thanh caong khin dalam tukvak anak tal, dua gah njauk patui jhul pakhang dom bruk pambuak gauk hu mboh tangin blaoh kayua kein laba di dua taneh aia, kayua sron mbon, grap tanat dalam khu vực saong dunya.

# Tal urak ini, huyện Than Uyên, tỉnh Lai Châu barau ngak blaoh bruk ba 2.450 dalam 2.457 sang bhapbini duh ka bruk padang ngak thủy điện Huổi Quảng saong thủy điện Bản Chát. Piah daong ka bhapbini di labik daok bahrau samal tani tanat raidiuk saong pala drak, meng akaok thun tal ini, huyen hu peih ngak labaih 200 phương án ka bồi thường saong daong pandan ba hap bini. Gam saong nan, peih bruk padang ngak 91 dự án cơ sở hạ tầng yau: jalan mbak, jalan ba ia ngak mbang ngak huak, sang bac, thủy lợi, công trình công cộng...

# Peih  bruk salih janih phun pala ka nyu laik haong biến đổi khí hậu, 5 thun tapa (2010 - 2015),  tỉnh Bình Định salih jaik 26.800 ha mblang taneh ngak padai meng 3 vụ oh njauk tapa 2 vụ kein laba. Bruk salih ini ba mai kein laba goang saong năng suất tagok hu meng 9 - 12 tạ/ha; taong abih sản lượng tagok jang labaih 32.160 tấn. Langiu di nan, bruk salih janih phun pala hu daong patrun yaom jien buh tame yau jien pah manuac ngak, jien pajaih padai, jru tavao saong aia pruh, taneh hu tukvak padeih padei.

# Pamaong tal bruk patagok phun amraik kalu tui jalan khang kajap, huyện Cẩm Mỹ, tỉnh Đồng Nai daok peih ngak dom danakdak mblang hamu praong pambuak bruk di urang nong saong doanh nghiep piah pala amraik kalu siam, hu doanh nghiep blei veik abih tui yaom siam. Urak ini, huyện Cẩm Mỹ daok patagok hu jaik 4.000 ha amraik kalu, dang akaok gah taneh pala amraik kalu di tỉnh Đồng Nai. Piah ba mbuan lagaih dalam bruk padang ngak dom dự án ba mai kein laba glaong, huyện Cẩm Mỹ caong tỉnh Đồng Nai daong jien padang ngak jalan nội đồng ka bhum chuyên canh. Saong daok hu panuac caong tỉnh daong chỉ dẫn địa lý dalam dak padang angan ka camraik kalu pablei tabiak taneh ia langiu; patabiak thủ tục, hồ sơ mẫu ka mblang hamu praong, pa-mbuan dom thủ tục, hồ sơ piah doanh nghiep, urang nong mbuan si ngak .

# Xã Đại Tâm lac palei dalam bhum urang bangsa takik akaok meti di huyện Mỹ Xuyên, tỉnh Sóc Trăng mek hu chuẩn palei pala bahrau, hu dom pakat karja taong yaom glaong, njauk haong angan lac “hala dok ba akaok” dalam bruk peih ngak dom tiêu chí padang ngak palei pala bahrau di huyện Mỹ Xuyên, tukvak 2011-2015. Thun 2011, tuk bahrau peih bruk padang ngak palei pala bahrau, baoh sang urang kathaot di xã meblah jaik 23%, jien mek tame oh ka tal 15 triệu đồng sa urang dalam sa thun, min tal thun 2015, bruk ini trun daok 5,6%, jien mek tame di bhap bani urak ini hu jaik 37 triệu đồng sa urang sa thun. Ini lac kadha njauk uan tabuan, brei mboh bruk cakrok patagok khang kajap do dom xã palei pala bahrau pak huyện điểm Mỹ Xuyên.  

# Di ban sit Phan Thiết, tỉnh Bình Thuận daok parang iek thaot binguk inem krung Việt Nam 2015. Hu 100 blah rup thaoh xuất sắc dalam labaih 4.700 blah tame pakacah thaot binguk inem krung Việt Nam hu pilih ruah piah ba tabiak parang iek pak ini. Dalam nan hu 23 thaot binguk đơn saong 5 bộ thaot binguk ndung brei mboh ka palei negar, anek menuac saong ilimo Bình Thuận. Parang iek dui atah tal harei 26/10. Di parang iek, tỉnh Bình Thuận hu alin giải thưởng ka 6 blah thaot binguk đơn saong bộ thaot binguk đề tài “Bình Thuận - Hội tụ xanh”. Blah rup thaot “ndam likhah urang Cam Bà Ni” di Ngô Quang Phúc(ban raya Hồ Chí Minh) mek hu giải Nhất thể loại thaot binguk bộ. Tác giả Nguyễn Quốc Huy (Tỉnh Bình Thuận) mek hu giải Nhất thể loại thaot binguk đơn ngan saong  blah rup thaot “Đua thuyền rồng”. 

# Piah pabak bruk bac sap ndom saong akhar huroh di bangsa takik jang yau khik kajap chất lượng pato saong bac sap Khmer, Sở Pato megru bal raya Hồ Chí Minh brei pandar bộ tapuk sap Khmer kayua Nhà xuất bản Giáo dục Việt Nam patabiak dalam nan hu 7 baoh tapuk piah pato anek saih bangsa Khmer pak Bal raya Hồ Chí Minh.

Khaw tin dunya:

# Diễn đàn pambuak bruk ASEAN mbang yaka 3 hu angan "ASEAN- Hàn Quốc: pambuak bruk dak padang Cộng đồng ASEAN" kayua Ban Thư ký ASEAN pambuak bruk saong Liên đoàn Công nghiệp Hàn Quốc (FKI) peih tabiak barau rah tabiak di Hàn Quốc. Tapa nan, dom urang jakar meng 10 taneh ia thành viên ASEAN hu yaih khan dom dự án cơ sở hạ tầng saong ba tabiak sarak di dom gah : jalan nao mai, năng lượng, công nghệ thông tin saong truyền thông ka dom  doanh nghiệp Hàn Quốc. 

# Dom chuyên gia Mỹ mboh lac dom panuac brei thau ka chủ quyền di Việt Nam pak Tasik Đông nyu njauk haong Công ước Liên hợp quốc ka Hukum Tasik (UNCLOS) saong Việt Nam oh padang ngak bahrau dom pulao pak Tasik Đông yau gah Quốc đang daok padang ngak suan adat hukum.

# Tổng thống Indonesia Joko Widodo (Giô-cô Uy-đô-đô) brei adat blei brah meng Việt Nam saong Thái Lan piah khik ginup brah ka darak pasal dalam taneh ia saong khik yaom brah tani tanat. Tổng thống Widodo brei tabiak quyết định ini harei 21/10 di nyom darak pablei salih Indonesia (Trade Expo Indonesia) mbang yaka 30 di ban ine Jakarta saong ini lac mbang akaok mereip ong brei thau Indonesia blei brah meng taneh ia langiu./.