# Page harei kabroi (23/12), pak xã Nậm Hàng, huyện Nậm Nhùn, tỉnh Lai Châu, Thủ tướng Nguyễn Tấn Dũng  mai pataom mbaok uan  bruk peih điện tổ máy ka 1 (công trình thủy điện Lai Châu) dahlau jang 3 bilan kayua Po đầu tư lac Kapul điện lực Việt Nam (EVN) peih ngak. Ini lac dự án hu yaom glaong, oh lac pabak điện ka jalan điện negar, bo daok rik daong ka bruk pacang aia sua bilan hajan, pabak aia  bilan thu ka bhum taneran gah Barak, duh ka bruk patagok kinh tế xã hội saong grap tanat an ninh, quốc phòng dom tỉnh Lai Châu, Điện Biên saong abih bhum Tây Bắc di negar.

# Jeng dalam biar harei 23/12, di Đại lễ đường Nhân dân, ban ine Bắc Kinh, akaok Quốc hội Nguyễn Sinh Hùng saong kapul pakat glaong QH taneh ia drei hu taom gaok Tổng Bí thư Ban Chấp hành Trung ương Đảng Cộng sản Trung Quốc, akaok negar Cộng hòa bhap bini Trung Hoa Tập Cận Bình. Akaok Quốc hội Nguyễn Sinh Hùng taong yaom glaong makna mbang nao rivang pakat karja tal VN bilan 11/2015 di Tổng Bí thư, akaok negar Tập Cận Bình patui mbang nao rivang TQ di Tổng Bí thư Nguyễn Phú Trọng dahlau nan, hu daong ngak brei kajap  saong jhul pakhang jang gac bruk patagok siam mekre talei pambuak bruk VN – TQ.  

# Harei kabroi (23/12), Ủy viên Bộ Chính trị, Akaok Uỷ ban Trung ương Mặt trận Negar Việt Nam, Nguyễn Thiện Nhân hu mai rivang saong tadhau Ủy ban Đoàn kết công giáo tỉnh Đắc Lắc. Lambaok Đảng, Karja, Ủy viên Bộ Chính trị, Akaok Ủy ban Trung ương Mặt trận negar Việt Nam, Nguyễn Thiện Nhân tadhau ayuh dom urang dalam Ủy ban Đoàn kết công giáo gam haong dom ong chức sắc, tu sĩ saong mikva công giáo tỉnh Đắc Lắc hu sa mùa Giáng sinh siam mekre, haniem phol.

#  Thun 2015, tỉnh Quãng Ngãi hu 3.150 urang nộp hồ sơ piah hu mbang tui jien daong oh hu bruk ngak, ralo jang 300 urang duk saong thun dahlau. Dalam dom urang ini, labaih 3.100 urang taduan hu quyết định mbang tui jien daong oh hu bruk ngak ngan saong yaom jien jaik 26 tỷ đồng, dom urang daok veik kayua doanh nghiệp daok tavak sraiy bảo hiểm nan ye oh langyah brei hu. Ông Võ Duy yên, Giám đốc pasak ba bruk ngak tỉnh Quảng Ngãi brei thau: Tuk taduan hồ sơ di urang ngak ye drei pasang iek tui jalan 3 njauk nan lac njauk menuac, njauk chế độ saong njauk tukvak. Kol dahlak langyah biak siam nan ye hu gah urang ngak taong yaom yaom glaong. Min, jeng hu dom urang kayua doanh nghiệp daok tavak sraiy bảo hiểm nan ye drei oh chốt sổ bảo hiểm hu nan ye urang ngak oh ka taduan hu jien daong oh hu bruk ngak.

# Meng thun 2011 tal ini, bal Đà Nẵng hu peih ngak ralo danak dak, sarak daong jaik 27.600 mbang uranaih hu rai diuk kan kandah ngan haong phun jien labaih 56 tỷ đồng. Urak ini hu 98% uranaih hu rai diuk biak karei di bal ini hu daong ba, iek glang piah pasiam veik, ba drei tame dalam rai diuk… Yau nan min, dom bruk ngak daong ka uranaih tok hu tính chất katut panak, chất lượng dịch vụ iek glang pren yava dinh dưỡng di gah ala oh ka pabak hu hatai caong khin, dom uranaih meng labik karei mai dak harei dak ralo... Ong Đặng Việt Dũng, Phaok Akaok Uỷ ban Bhap bani bal Đà Nẵng brei thau: “Dom puk palei, jabat hu mong bruk iek glang pren yava, pato pakai ka uranaih nan lac bruk ngak prong. Khaol drei kham merat palagaih ka uranaih hu rai diuk siam mekre, bình đẳng, công bằng, palaghaih ka dom adei patagok glo akaok, pren yava, hu jeng dom công dân siam” 

# Kapul nghệ thuật Khmer tỉnh Sóc Trăng barau taduan mek giàn sân khấu parang iek lưu động gar 10m, dalam 7,5m, glaong 1m saong gừng khung glaong 4,5m,  yaom  labaih 240 triệu đồng, kayua kadung jien sarak di tỉnh daong. Bruk taduak mek giàn sân khấu hiện đại ini hu daong palagaih bruk nao parang iek duh ka bhap bini Khmer di dom bhum atah bayah, bhum căn cứ cách mạng dalam tỉnh saong ngak dom bruk chính trị di Đảng saong karja.

# Tết dương lịch thun ini,  padeih hu 3 harei nan ye tui kuhria dahlau tuai damuai nao ma-in dom tuyến katut meda tagok. Kayua nan ye, dom bến radaih pak bal raya Hồ Chí Minh hu kuhria caga blaoh piah duh ka bhap bani. Tui ong Thượng Thanh Hải, Phaok Akaok Bến radaih Miền Đông, tukvak Tết dương lịch 2016 padeih 3 harei nan ye bhap bani nao ralo dom tuyến jaik meng Khánh Hòa, Bình Thuận tuh tame dom tỉnh gah Meraong saong labik Tây Nguyên… Urak ini dom po radaih hu kuhria caga blaoh, patagok sruh radaih piah duh ka dom tuyến hu manuac urang nao mai ralo. Yaom harak vé dalam tukvak Tết dương lịch ini oh tagok dut haong bhian harei. 

Patui di ini dom khau tin dunya:

# Mesup harei 23/12, Thủ tướng Campuchia ong Hun Sen hu mbaok saong cakak băng peih pakak đập thủy điện di tỉnh Kos Kong hu công suất 246 MW. Công trình ini hu padang ngak di thun 2010  saong yaom jien 540 triệu đô la. Ini lac công trình ba điện ka 8 hu padang ngak, hu peih pakak saong ba tame pandar di Campuchia ngan saong công suất abih tih labaih 2 ribau MW. Meng điện ini Campuchia bahrau pabak hu jaik sa meteh duk saong bruk pandar điện dalam taneh ia, daok daok kurang hadom hu blei meng VN, Lào saong Thái Lan. 

# Harei kabroi (23/12), huralo bal prong di Trung Quốc brei thau ka bruk ô nhiễm thak dhul, dalam nan 4 bal pak tỉnh Sơn Đông gah kreh negar ini brei thau ka pakat glaong di abih. 4 bal di tỉnh Sơn Đông mbang akaok meti ba tabiak panuac brei thau ka ô nhiễm không khí sambo màu bhong. Chỉ số PM2.5 (chỉ số asal dhul hu đường kính jit jang 2,5 mi-crô-mét) pak 4 bal ini hu tapa tanut 400 mi-crô-gam/mét khối không khí, tapa tanut brei adat di Gah y tế dunya nan lac 25 mi-cro-gam/angaok sa mét khối không khí. 

# Biar harei 23/12, di Phủ Chủ tịch, akaok negar ong Trương Tấn Sang hu taduan rok đại sứ Thái Lan Pan-ya-rắc Phun-sắp mai salam tamat tukvak ngak bruk di VN. Di var taduan rok, akaok negar taong yaom glaong dalam tukvak ngak bruk di ong đại sứ hu rik daong jhul pakhang talei pambuak bruk di dua taneh ia. Tapa đại sứ, akaok negar payua panuac salam tal patao saong Hoàng gia, tadhau yuh taneh ia Thái Lan mek hu dom jak jeng praong jang gac./.