# Biar harei kabroi (23/2), pak Phủ Chủ tịch, akaok negar Trương Tấn Sang hu taduan raok Akaok Gilang pariak Dunya (WB) Jim Yong Kim daok rivang saong ngak bruk pak Việt Nam. Akaok negar taong yaom, tukvak tapa Gilang pariak dunya oh lac daong gah jien padai bo daok daong gah sarak ka Việt Nam. Akaok negar brei thau, hatai caong khin phun jien padang ngak cơ sở hạ tầng di Việt Nam meda patagok biak prong dalam tukvak anak tal, caong khin Gilang pariak dunya daong ka Việt Nam duan jien phun bahrau, laghaih haong bruk di urak ini.

# Harei kabroi 23/2, 1000 dam dara ban Đà Nẵng tagok jalan nao ngak lin. Tui taong yaom di Bộ chỉ huy quân sự ban Đà nẵng, chất lượng tuyển quân thun ini biak glaong. Dom dam dara nao ngak lin rilo meng hu trình độ meng pakat 2 tagok, dalam nan sinh viên dom sang bac đại học, cao đẳng saong urang jakar, viên chức meblah jaik 27%, urang đảng jaik 3%. Hu rilo dam dara halan hatian nao ngak lin. Dahlau harei jao quân, karja puk palei hu peih bruk taom mbaok, alin hadiah pandap, pachreih ba baoh sang saong dam dara nao ngak lin.

# Harei kabroi (23/2), dom puk palei di tỉnh Đắc Nông peih bruk jao quân thun 2016, ba palao labaih 900 dam dara tagok jalan nao ngak nghĩa vụ khik caga palei negar. Dalam labaih 900 dam dara di tỉnh Đắc Nông nhập ngũ mbang ini, hu umo meng 18 tal 26; 70% quân nhân hu pren yava khang kadang; labaih 96% hu bac da-a meng pakat 2 tagok; 38 dam dara tốt nghiệp cao đẳng, đại học. Meng ngak siam bruk palih ruah, kuhria caga, pachreih ba nan ye dam dara chreih chai tagok jalan nhập ngũ, peih ngak nghĩa vụ khik caga Palei negar.  

# Kurang ia pala drak daok tacang tagok di dom xã bhum glaong tỉnh Phú yên. Bruk duah sa jalan ngak pacang cakak pandiak bhang suai lavik daok hu dom puk palei kuhria tal. Ong Trần Khắc Ân, akaok UB bhap bini xã Đức Bình Tây, huyện Sông Hinh, tỉnh Phú Yên brei thau: “Urak ini kol dahlak daok kham merat paglaong bruk ba ia pruh di dua hệ thống thủy lợi piah gam pruh ka padai di xã gam pruh ka dom janih phun pala karei. Xã jeng kuhria tal bruk pataom ia di dom binek dalam bilan pandiak piah mek ia pala drak”.

# Thun 2015 huyện Trảng Bàng, tỉnh Tây Ninh hu brei thaoh 2.518 thẻ bảo hiểm y tế, dalam nan 1.580 thẻ brei ka baoh sang kathaot, jaik kathaot; 369 thẻ brei ka baoh sang tui chuẩn kathaot di tỉnh; 569 thẻ ka baoh sang ngak nông, ngak glai,  taong mek ikan hu rai diuk trung bình. Taphia di bruk cấp brei thẻ bảo hiểm, huyện daok jak ba dom mạnh thường quân, dom kapul nyaom ngak pahla dalam saong langiu huyện pasang iek ruak, brei jru saoh saong alin brei ralo pok pandap ka urang kathaot pak 11 xã, bal sit… ngak brei daong ka urang kathaot yam tapa kan kandah dalam rai diuk.

# Tỉnh Bạc Liêu urak ini hu 72.550 urang bangsa Khmer, daok rilo di bhum sinh thái njom mbak di ban Bạc Liêu saong dom huyện Đông Hải, Hòa Bình, Giá Rai…Dom thun jaik di ini, Bạc Liêu hu daong bhap bini Khmer saong mikva dom bangsa dalam tỉnh patagok bruk ngak padai chất lượng glaong, pambuak saong raong hadang, ikan bóng kèo, rieng tasik, sò huyết… taphia di nan jhul pakhang patagok DL sinh thái tasik, DL ilamu, điện ngin… meng nan hu rilo bruk ngak bhum sinh thái mbak – taba. Meng pataom tame patagok kinh tế, tal urak ini, baoh sang bhap bini Khmer kan kathaot dalam tỉnh trun khang, daok jaik 18% min.

# Pak bal raya Hồ Chí Minh, Kapul doanh nghiệp Pandap Việt Nam chất lượng glaong bahrau brei thau 500 doanh nghiệp mek hu angan “pandap  Việt Nam chất lượng glaong thun 2016" kayua urang blei pandar palih ruah. Ini lac 500 doanh nghiệp hu ginup số phiếu kayua urang blei pandar palih ruah, minh bạch ka bruk ngak mbang pablei salih saong ngak siam dom adat hukum di Karja. Ong Đỗ Hữu Dũng, akaok Đối ngoại, Công ty Thiết bị giám sát Bảo Toàn, doanh nghiệp mbang akaok meti mek hu angan ini lac: “Tuk hu ralo urang blei pandar palih ruah bloah ye drei ngak habar piah khik hu hatai jia di urang blei pandar. Khaol dahlak saneng lac kadha nan cực kỳ siam saong khaol dahlak njauk ngak hu, grap tanat chất lượng tuk halei jeng nao tagok saong yaom kaom meriak gauk piah ka urang blei pandar khang hatai palih ruah pandap panda di drei”

Patui di ini dom khau tin dunya:

# Hadei di lễ hội bilan xuân, lễ hội gum lồng nan lac bruk bui sambai di abih saong chreih chrai di abih dalam thun ini di bhap bini TQ. Jeng yau yaok thun, lễ hội gum lồng meriah hu meng tết nguyên đán (melam ia bulan bak baoh bilan sa) dui atah tal abih bilan 2.

# Nga bahrau brei ka Cuba mesre labaih 1,3 tỉ đô la piah daong ka Cuba padang ngak sang mac điện. Urang dang akaok danak dak patagok sang mac điện dalam Liên đoàn điện lực negar Cuba, ong Ê-đi-ê Gu-man brei thau, Công ty năng lượng In-tơ RAO di Nga saong Công ty E-nơ-gâu-im-pót di Cuba hu mboh tangin tame dự án patagok sản lượng điện dalam bilan 10/2015. Dự án ini meda hu peih ngak dalam bilan 4 thun ini. Mục đích di dự án nan lac padang ngak 4 sang mac  máy điện bahrau pak Cuba, dalam nan hu 3 sang mac điện pak gah pur La Habana saong dom sang mac mac pak pabah lamnge Ma-ri-en, atah bal ine La Habana jaik 50 km gah pai. Yaok sang mac hu công suất 200 mê-ga-oát. 

# Hu jiak 700 labik pablei dom janih xăng menyek sung hukum kayua kol phiến quân Huthi khik iek, mboh di dom jalan di ban ine Xana, Yemen. Tui ruah duah barau di abih di pasak truyền thông cách mạng Yemen, kuhria ta-eng dalam ban ine Xana, hu tal 689 labik pablei dom  janihxăng menyek sung hukum di phiến quân Huthi, ba mai jaik 1,5 triệu đô la Mỹ yaok harei ka kol nyu. Tui nan, phiến quân Huthi meda mek hu jaik 44 triệu đô la Mỹ yaok harei meng bruk pablei menyek di Xana./.