# Patui veik danak dak mbang nyaom ka 9, page ini 24-6, Quốc hội biểu quyết brei tapa Hukum Kiểm toán karja (pasiam veik); ginum biai ka dự án Hukum An toàn thông tin. Biar harei, Quốc hội ginum biai ka dự án Hukum Khí tượng thủy văn saong pang harak pathau khan ka bruk pok ngak Thẩm phán Tòa án bhap bani pakat glaong. Hadei di nan, dom urang Quốc hội nyaom pak Kapul piah ginum biai ka bruk pok ngak Thẩm phán Tòa án bhap bani pakat glaong. 

# Nyaom roya pakacah Quyết thắng toàn quân mbang ka 9 hu rah tabiak dalam harei 30/6 song harei 1/7 di HN. Nyaom roya hu peih ngak 5 thun sa mbang. Nyaom roya mbang ni hu 305 kapul nyaom menuac urang naih gheih dalam tong abih bol lin hu pok meyaom.

# Pak bal Buôn Ma Thuột, Mentri Công an pambuak haong Uỷ ban bhap bani tỉnh Đắc Lắc hu peih Nyaom pakacah Công an xã naih jioy bhum gah Meraong. Hu mbaok tame nyaom pakacah hu 32 kapul lac công an xã di 32 tỉnh, bal gah meraong ( meng Đà Nẵng tame). Dalam tukvak rah tabiak nyaom pakacah, dom kapul nyaom njauk tapa 3 binah pakacah nan lac: Kacah khan brei thau ka ilamu dak padang saong prong tagok di  công an xã, bruk bac megru saong ngak tui jalan hadah krah siam mekre di Hồ Chí Minh; kacah ka adat hukum, nghiệp vụ Công an xã, bruk taong abih bhap bani khik caga an ninh Tổ quốc; saong pakach tiểu phẩm tự biên ka bruk ngak di công an xã. 4 kapul naih gheih di abih meda hu mbaok tame Nyaom pakacah pakat negar hu peih tabiak dalam bilan 8 tal.

# Salam uan harei boh sang VN 28/6, Công đoàn gah pato megru bahrau peih bruk taom gaok song jao pandap alin hadiah 44 gru pato hu rai duik kan kandah. Di var taom gaok, yaok gru pato hu brei sa pok pandap song 3 triệu đồng. Tong abih tih mbang brei pandap hu jiak 150 triệu đồng. Ni lac tuk gah pato pakai gah ban ine cong khin hu klah rabha, pachreih ba dom urang gru hu rai duik kan kandah yam tagok dalam rai duik, ngak siam bruk ngak hu jao brei.

# Tỉnh Quảng Bình hu labaih 4.000 uranaih hu rai diuk biak kan kandah. Tal ini, Sở Lao động Thương binh saong Xã hội tỉnh Quảng Bình hu jak ba dom kapul nyaom ngak pahla rik daong hu labaih 50 tỷ đồng daong brei ka dom adei bac ilamo, blac raih baoh hatai oh mek jien, alin hadaih radaih galun, mac trợ thính, daong padang ngak sang daok, daong ka dom adei yam tagok dalam rai diuk. Ong Phạm Xuân Bình, Akaok Sở Lao động Thương binh Xã hội tỉnh Quảng Bình brei thau: Langiu di dom bruk  tỉnh peih ngak, tỉnh jeng palagaih ka dom kapul nyaom dalam saong langiu negar hu mbaok tame dom bruk ngak pahla yau alin hadaih radaih juak, radaih gilun ka uranaih jaoh jo hu rai diuk biak kan kandah, brei mboh bruk sangka daong di Đảng karja saong dom kapul nyaom. Ka dua tra nan lac jeng ngak hu hatai jia ka dom kamuan yam tagok kan kandah patui veik bruk bac megru ka nyu siam. 

# Cục khik caga phun pala, mintri ngak nong song patagok palei pala bahrau hu harak payua ka dom đơn vị trực thuộc ka bruk miễn thu phí, lệ phí kiểm dịch pandap mbang ka dom lô vải that pablei tabiak negar langiu tapa jalan kapan haoh. Tui nan dom đơn vị tui iek dalam gah oh thu phí song lệ phí ka dom lô vải that pablei tabiak negar langiu tapa jalan kapan haoh. Dalam nan nhân viên tui iek janih phun pala di dom jalan mblang kapan haoh oh lac ngak bruk luac harei melam, harei lễ song harei adit piah peih ngak bruk pasang iek, patrun patakik tukvak ka dom DN tal dom darak pasa pablei tabiak negar langiu. 

# Hajan prong gam haong ribuk saong angin ndaoh khang melam kabroi (23/6) ngak tapeih tabung ralo baoh sang di mikva daok pak bal sit Ngã Năm, tỉnh Sóc Trăng. Tui kuhria mboh tuk akaok mereip di gah chức năng puk palei, hu 14 baoh sang khut khat labaih 70 triệu đồng, biak patuah lac manuac urang oh thei njauk hagait. Hadei di nan, gah chức năng bal sit Ngã Năm samar ba manuac urang mai saong phương tiện piah gam haong mikva pasiam veik dom khut khat, taphia di nan pasang iek, daong ba dom baoh sang pasiam veik dom kan kandah, samar grap tanat rai diuk.

Patui di ni dom khau tin dunya:

# Karja CPC patagok bruk tui iek y tế di dom mblang kapan haoh dunya song dom labik tui iek prong di negar ni hadei di tuk negar dok jiak tapen Thái Lan hu sa urang njom Hội chứng hô hấp Trung Đông Mớt (MERS) mbang camereip di labik ni di akaok adit dahlau. Di dom jalan tame tabiak di dom mblang kapan haoh dunya Phnôm-pênh (Phnom Penh), mblang kapan haoh  Xiêm Riệp (Siem Reap) song dom labik tui iek karei karei jeng hu caik dom hệ thống chẩn đoán y tế song duah mboh urang halei thân nhiệt bất thường. Taphia di nan, dom sang iek ruak di CPC jeng hu dok dalam bruk halan hatain pacang cakak song urang njom Hội chứng hô hấp Trung Đông halei.

# Reuters brei thau panuac di Gilang pariak Hi Lạp lac, Gilang pariak  trung ương Châu Âu (ECB) daol pasang iek veik bruk patagok yaom jien mesre ka dom gilang pariak Hi Lạp dalam tukvak urang payua tiết kiệm jak gauk suak jian tabiak truh hệ thống jien padai negar ini. Tin nan brei thau, urak ini oh ka thau cambaih ECB meda patagok samar tanut thanh khoản chip (ELA) tagok hadom, min khan lac meda ba tabiak quyết định “tuk halei jeng hu” meyah mboh lac njauk ngak, meda lac hadei di mbang nyaom dom Mentri Jien padai labik pandar jien ơ-rô dalam harei 24-6. Meyah hu peih ngak, ini lac mbang ka 4 ECB tagok tanut thanh khoản ka dom gilang pariak Hi Lạp.

#  Kadung jien uranaih Liên hợp quốc (UNICEF) harei 3-6 hu panuac ieu brei dong ka uranaih kan kathaot ngak pasak ka dom bruk patagok bhap 10 thun bahrau tal thun 2030. Panuac khan ni di Kadung jien uranaih  Liên Hợp quốc hu ba tabiak dalam tuk vak dom urang pang akaok dunya dok padang ngak dom jalan patagok bahrau salih ka 8 bruk patagok abhap 10 thun meda abih tuk vak  di luac thun ni. Dom jalan ngak bahrau hu pataom tame patagok khang kajap yau patruh eik patrun kathaot, pacang cakak song biến đổi khí hậu, patrun uranaih metai ka tuk vak 15 thun ga. Dom jalan ngak bahrau ni tui kuhria hu brei tapa nyaom roya Đại hội đồng Liên Hợp Quốc dalam bilan 9 anak tal./.