# Harei 24-4, Kapul urang dahlau diah ngak bol lin saong Tỉnh đoàn Đắc Nông peih ngak danak dak giao lưu taom gaok meng kan mai “Ký ức hào hùng- Chủ quyền thiêng liêng” tukvak pahadar 40 thun harei peih paha gah meraong, yasa taneh aia. Labaih 250 urang dahlau diah ngak bol lin saong đoàn viên dam dara mai pataom mbaok. Pak van ginum biai, dom urang lambaok hu pahadar gilac dakrai sajarah hào hùng di bangsa Việt Nam dalam mbang mesruh metak, peih paha gah meraong, yasa taneh aia. Dom urang dahlau diah ngak bol lin hu nao mesruh metak drut droi hadar veik sa jaman “blac cagar Trường Sơn nao daong taneh aia”, tapa ralo rambah rambup, van klaak rup drei rik binah gam haong taneh aia vak tagok blah dakrai sajarah hadah hadai.

# Pahadar 40 thun peih paha gah meraong, yasa taneh ia, melam 24/4 thanh đoan ban raya HCM peih ngak danakdak daoh tamia “ taneh ia bak bui sambai” saong taom gaok dom urang hu mbaok dalam bruk sinh vien, anek saih Bai Gon – Gia Dinh tuk nan. Bruk praong di abih lac taphia dom ca sy ranaih umo daoh, danakdak daok hu bruk daoh tamia di rilo urang jakar thanh doan harei nan, dom lao thanh cach mang, dom urang dahlau thiah tabiak jalan, pataom tame mesruh dalam chien dich HCM thun 1975.    

# Tukvak pahadar 40 thun harei gah Meraong peih paha, yasa taneh aia, tỉnh Tiền Giang bahrau padang dom kapul nyaom nao rivang, alin bri pandap ka 60 baoh sang sarak karja, amaik Việt Nam Anh hùng daok diuk saong 20 urang dahlau diah ngak bol lin naih gheih dalam tỉnh. Tukvak ini, urang dang akaok tỉnh daok pok brei ka yaok baih sang sa pok pandap hu yaom meng 500 ribau đồng tal 1 triệu đồng. Langiu di nan, tỉnh Tiền Giang daok alin brei pandap ka 70 urang dahlau diah ngak bol lin daok diuk rai langiu tỉnh – nan lac dom urang hu từng ngak bruk, mesruh metak dalam tỉnh Tiền Giang tapa dom jaman, yaok pok pandap hu yaom 1 triệu đồng.

# Harei 24/4, Tỉnh ủy Trà Vinh peih ngak praong prang pahadar 40 peih paha saong 125 thun harei menek Chủ tịch Hồ Chí Minh. Tapa dua mbang mesruh kaol Prang saong de quoc My, Tra Vinh hu jaik 18.600 liệt sĩ, labaih 8.000 thương binh, jaik 2.600 amaik Việt Nam anh hùng . Ngan saong dom bruk rik daong praong nan,  Đảng bộ, bol bala saong bhapbini Trà Vinh, hu Dang, Karja alin brei Huân chương thành đồng Tổ quốc hạng nhất;  Hala dok mek angan 8 akhar ameh” bhapbini dang tagok, jum pataom rik daong pren yava saong angan anh hung lực lượng vũ trang.  Dalam harei ini, hu 6 kapul, labik hu akaok taneh ia pok brei angan Anh hùng lực lượng vũ trang bhapbini.

#  Melam 24/4, tỉnh Gia Lai peih bruk taduan raok Bằng công nhận Sử thi Ba Na lac drap ar ilamo oh mboh di meta pakat negar di Mentri Ilamo – Padhih saong rivang ma-in. Sử thi urang Ba Na daok iew lac “hơ-mon”, nan lac hình thức sinh hoạt ilamo bhap bani truyền meng cambuai, meng rai ini tapa rai deih tui jalan daoh khan. Asalam kadha “hơ-mon” bhian ndom ka chiến công di dom anh hùng, dom bruk hagait rah tabiak dalam buôn palei. Pak Gia Lai hu dauh mboh jaik 20 nghệ nhân daoh khan sử thi Ba Na, daok diuk rai pak dom huyện Đak Pơ, Đak Đoa, Kbang saong Kông Chro.

# Anak bruk gah Ca-na-đa brei tapa đạo luật S-219 ka angan ieu lac “ jalan nao tal tu do”, urang brei panuac mintri Ngoại giao Lê Hải Bình ndom cambaih “ S-219 lac sa đạo luật biak suan, ndung bak rilo asal kadha xuyen tạc sajarah mbang mesruh metak peih paha bangsa yasa taneh ia di bhapbini VN hu bhapbini di dunya, dalam nan hu Ca-na-đa daong. Việt Nam khang hatai  phản đối bruk Ca-na-đa brei tabiak đạo luật ini. Mintri ngoai giao hu triệu tập Đại sứ Ca-na-đa di Việt Nam piah phản đối saong ndom cambaih  quan điểm di Việt Nam ka bruk ini.

# Mentri Y tế bahrau hu harak payua ka akaok Ủy ban bhapbani dom tỉnh, bal đề nghị patagok bruk pasang iek, peih mong chất lượng aia mbang menyum, aia pandar. Dalam nan tacei pato Sở Y tế peih bruk thanh tra, kiểm tra định kỳ, đột xuất chất lượng aia mbang menyum, aia pandar pak dom labik cấp aia pataom, labik ngak tabiak thực phẩm, labik daok bhap bani, labik đô thị, labik công nghiệp angaok địa bàn tỉnh, bal. Hadei di nan brei thau kết quả thanh tra, kiểm tra ka Cục Quản lý môi trường y tế (Bộ Y tế) dahlau di harei 31/12 tal.

Khaw tin dunya

# Đại sứ Pháp di Liên hợp quốc Phrăngxoa Đêlatrê (Francois Delattre) harei kabroi 24/4 brei thau, Hội đồng bảo an Liên hợp quốc daok ngak bruk piah ba tabiak sa sarak piah langyah bruk khủng hoảng nhập cư daok rah tbaiak khang di Châu Âu. Bruk urang nhập cư meng dom bhum srau kadau di Trung Đông saong Bắc Phi klak var rup yam tapa Địa Trung Hải tal châu Âu lavik mai jeng lac bruk glaih glan ka dom taneh ia  Nam Âu ye Italia, Hy Lạp, Tây Ban Nha… Min, thảm kịch kapal pajeng urang nhập cư gaok tableik adit dahlau ngak labaih 800 urang metai jeng sa hồi chuông báo động.

# Mentri Ilamu saong Pato megru, Mentri Ngoại giao saong jabat pambuak bruk Nga hu panuac caong raja-ei patagok hạn ngạch pok jien bac ngan haong sinh viên negar langiu daok tui bac di dom sang bac Nga tagok 30%. Số lượng pok jien bac tui diện ngân sách brei ka sinh viên negar langiu pak dom sang bac đại học Nga meda tagok meng 15 tal 20 ribau pok. Tui số liệu di Jabat pambuak bruk Nga, dom negar châu Á meda taduan mek hu jang 2.200 pok jien bac, ta-eng Việt Nam taduan mek hu 795 pok jien bac dalam thun ini saong tal thun 2018 pok jien bac meda tagok 1.000 pok.

# Tui bảng xếp hạng dom taneh ia haniem phul di abih dangaok dunya hu ba tbiak di Niu Oóc (New York) harei 23/4, Thụy Sỹ mek hu angan taneh ia haniem phuan abih dunya thun 2015, patui lac Ai-len (Iceland), Đan Mạch, Na Uy, Ca-na-đa (Canada). Dalam mbang xếp hạng thun ini , Phần Lan, Hà Lan, Thụy Điển, Niu Di-lân (New Zealand) saong Ô-xtrây-li-a (Australia) hu tabiak truh angan top 10. Dalam tuk nan Mỹ laik trun labik dang ka 15,  Anh di labik 21, Pháp dang ka 29, hadei Đức dang di labik 26. Dom taneh ia takik haniem phuan abih dunya hu 158  taneh ia. Dom tieu chi taong yaom tanut haniem phuan di sa taneh ia hu jien mek tame kauhria tui akaok menuac, thun diukrai saong tu do ca nhan./.