# Harei ini, 25/1, Nyaom roya Đảng mbang ka 12 patui veik ngak bruk ka công tác nhân sự Ban chấp hành Trung ương khóa 12. Van page Nyaom roya ngak bruk pak đoàn. Pang Đoàn Chủ tịch nyaom roya khan brei thau ka danh sách ứng cử, đề cử (pabak) Ban chấp hành Trung ương khóa 12 tal dom đoàn. Puac van page, Đoàn Chủ tịch nyaom piah mong iek dom trường hợp likau tabiak truh danh sách ứng cử, đề cử Ban chấp hành Trung ương khóa 12. Biar harei, Nyaom roya nyaom taong abih pak Hội trường pang Đoàn Chủ tịch khan brei thau ka bruk bầu cử saong danh sách ứng cử, đề cử, dom trường hợp likau tabiak truh danh sách Ban Chấp hành Trung ương khóa 12. Nyaom roya peih ngak quy trình piah biểu quyết brei tapa danh sách ứng cử, đề cử, dom trường hợp likau tabiak truh danh sách đề cử Ban Chấp hành Trung ương khóa 12. Nyaom roya bầu Ban kiểm phiếu.

# Thun 2015, klup kapul khan bai di urang kamei Xa Phó, ở xã Nậm Sài , huyện Sa Pa, tỉnh Lào Cai pứt meng tangin hu meng 5 tal 6 ribau pandap ngan saong 15 mẫu pablei tabiak negar langiu. Klup kapul hu ba bruk ngak ka 35 urang nan lac urang kamei bangsa Xa Phó  di puk palei, yaok urang dalam dom harei laneng lanoi hu jien mek tame jaik 1 tal 1 triệu meteh yaok bilan.

# Tỉnh Sơn La jeng daok ciuk pambak di mbang la-ar biak trak ini, ralo labik rah tabiak hiện tượng hajan tuyết saong băng giá yau: Vân Hồ, Phù Yên, Bắc Yên, Mộc Châu. Abih di nyu lac pak huyện Vân Hồ hu tuk nhiệt độ trun daok âm 5 độ C, ngak kan tal bruk pala drak, jang yau urang nao radaih. Anak bruk yau nan, ralo baoh sang dalam tỉnh hu chủ động me-om bạt vin taom dhal van ro, cuh apui sưởi ấm ka limo kubao, brei ka limo kubao menyum aia sara saong mbang phun patei, tapung tangeiy piah patagok dinh dưỡng, ngak ka limo kubao hu pren đề kháng siam, pacang caga haong mbang la-ar ini. Sa-ai Tráng A Gia, bản Hua Tạt, xã Lóng Luông, huyện Vân Hồ, tỉnh Sơn La brei thau: Urak ini njam patam pak langiu nyu njauk đóng băng abih, urak ini oh ka mek hu hareik ka kubao mbang. Piah ka limo kubao oh njauk iek ye khaol dahlak kuhria nao mek hasit hala patei ba mai pagang apui piah ka băng ralai abih, blaoh khaol dahlak ba nao kacaoh blaoh srau haong tangeiy piah ka anek kubao nyu mbang cang tal langik pandiak gilac ye khaol dahlak rami ramik gilac ka siam jang.

# Di mblang bein Nguyễn Tất Thành, ban sit Phan Thiết, tỉnh Bình Thuận, nyaom darak công – nông nghiệp – pablei salih Bình Thuận 2015 hu peih tabiak, pachreih hu labaih 150 doanh nghiệp dalam taneh ia ngan saong labaih 300 gian hàng. Dom pandap hu parang tabiak nan lac kaya nông, kaya glai, kaya ikan, điện – điện tử, jamriah thiết bị, vật tư ngak nông, pajaih phun pala, hóa mỹ phẩm, pandap mbang menyum, pandap jhik… nyaom darak ini daok hu mbaok di dom gian hàng yaih khan đặc sản di ralo bhum palei yau palei ngak pacut, bánh tráng Bình Định, kẹo li-u, alak li-u Bến Tre, ia methir Phan Thiết, har pía Sóc Trăng.

# Thành Đoàn bal Đà Nẵng, Báo Tiền phong saong Sang bac Đại học Kinh tế Đà Nẵng bahrau peih ngak harei “Adit bhong” mbang ka 8 – thun 2016 ngan haong angan iew “Brei darah daong manuac, rai diuk di ayut saong dahlak”. Labaih 1.000 sinh viên, đoàn viên dam dara hu mbaok tame "harei adit bhong" ngan haong kế hoạch mek hu jaik 800 đơn vị darah.

# Thun 2015, cty điện lực Sóc Trăng daok peih gilac dom dự án pabak điện praong piah duh ka bruk pandar, pala drak di tỉnh yau: Dự án lưới điện parabha duh ka bruk raong hadang ia taba tỉnh Sóc Trăng; công trình blai110kV Cù Lao Dung saong jalan talei 110kV Trần Đề - Cù Lao Dung di Dự án parabha hu kein lagaih (DEP) tui kuhria tukvak ngak salah bloh dalam thun 2016; công trình jalan talei 110kV Trần Đề ka blai 22kV Sóc Trăng piah pambuak 110kV di dom blai Sóc Trăng – Đại Ngãi – Cù Lao Dung – Trần Đề - Sóc Trăng khik kajap bruk ba điện gam gam, an toàn ka khu vực.

# Labaih 800 urang jaoh jo saong uranaih metui medhar daok di dom sang  mái ấm, sang peih pak Bal raya Hồ Chí Minh bahrau hu mbaok tame danak dak lễ hội “Phun Mùa Xuân” mbang ka 15 kayua Kapul nyaom daong ba urang jaoh jo saong Uranaih metui medhar peih ngak. Ngan haong angan “Truac hadah hatai pahla”, lễ hội "Phun Mùa Xuân" uan thun bahrau thak Kra 2016 taduan mek hu bruk daong brei di dom ban, ngành, kapul nyaom, dom mạnh thường quân ngan haong taong abih yaom jien saong pandap labaih 1 tỷ đồng.

Patui di ini dom khau tin dunya:

# Nhật báo pablei salih Níchcây di Nhật Bản brei thau, adit tal taneh ia ini đề xuất bruk padang sa Kadung jien kayua rajaei pachreih tui piah daong dom urang kamei me-in urang HQ dalam mesruh metak. Bruk ini hu rik daong langyah bruk bhian ngak brei catang tagok dalam talei pambuak bruk di dua taneh ia Đôn Á ini.

# Dalam tuk nan pak Niu Giơ-si (New Jersy) ,Niu York saong Oa-sinh-tơn (Mỹ) jeng njauk tê liệt kayua ribuk tuyết. Tui harak khan brei thau bahrau abih, tal ini hu takik abih 19 urang metai, binah ralo kayua njauk bala saong njauk trun thân nhiệt. Kayua pambak mbang ribuk tuyết dak rai sajarah, ralo khu vực pak Mỹ njauk pandang mbaok haong tình trạng duap trak. Yaok rituh urang njauk panduan nao daok di labik karei dalam tuk nan labaih 150 ribau bhap bani daok diuk dalam  cảnh la-ar saong lahik điện meng dua harei tapa.

# Sa mbang megei baoh taneh khang 5,9 độ rích-te ngak tatuan megei gah ti-mur Inđônêsia. Pasak di mbang megei baoh taneh atah bhum Ma-lu-ku Teng-ga-ra Ba-rát 242 kilômét mai gah Tây Bắc. Pasak mbang megei baoh taneh di độ dalam 117 km ala mbat tasik./.