# Piah kuhria caga siam lagaih brei ka bhap bini uan raok thun birau 2016 saong Tết Nguyên đán anek sak kra Bính Thân dalam bui sambai, haniem phol, patak pataom, salamat, Thủ tướng Nguyen Tan Dung pandar Mentri Jien padai tacei pato, pasang iek tani tanat yaom kaom dom janih pandap, dịch vụ pandar yaok harei, pandap pablei khik yaom tui hukum; pambuak saong dom Mentri, jabat sumu Menti, Uy ban bhap bini dom tỉnh, ban di Trung ương hu jalan taong phạt sumu bruk patagok yaom, pasiam veik yaom kaom dom janih pandap dahlau, dalam saong hadei Tết; tacei pato dom palei hu jalan pacang ngak siam lagaih brei ginup pandap pablei yaom gap mbiah ka bhap bini dalam tuk Tết Nguyên đán.

# Di mblang vận động pasak ban Pakse, tỉnh Champasak, Cộng hòa Dân chủ bhap bini Lào, mintri QP, mintri công thương VN saong mintri công thương, UB bhap bini tỉnh Champasak, taneh ia cộng hòa dân chủ bhap bini Lào barau peih nyaom darak pablei salih VN – Lào 2015, ngan saong kadha “hữu nghị, pambuak bruk saong patagok”. Nyaom drak pablei salih VN – Lào 2015 lac tuk piah urang blei pandar saong tuai damui thau jang ka pandap VN, saong lac tuk piah dom doanh nghiệp, gah đầu tư dua taneh ia taom gaok, klah rabha ilamu, duah labik pablei, labik pambuak brukđầu tư saong ba gauk patagok.

# Bộ chỉ huy Quân sự tinh Thừa Thiên - Huế hu padang Kapul urang jakar y, bac sĩ nao iek ruak, brei jru  ka labaih 300 urang bangsa takik daok di xã Hồng Bắc, huyện A Lưới, tỉnh Thừa Thiên – Huế. Kapul urang jakar quân y iek ruak, tacei pato saong brei jru ka urang lac sang sarak karja, hu buh rilo prein yawa ka cách mạng, thương binh, bệnh binh, baoh sang kan kandah…Kuhria tui yaom jien labaih 40 triệu đồng. Yaom jien ini kayua Ban Quân dân y di tỉnh saong urang jakar, urang lin pan phao karaong Thừa Thiên – Huế rik tame.

# Meng phun jien mesraiy ưu đãi di gilang pariak sarak karja, yaok ribau baoh sang kan kathaot, baoh sang jaik si kan kathaot saong dom urang daok dalam sarak karja di tỉnh Ninh Thuận hu truh kan kathaot, yam tagok tani tanat rai diuk. Min, piah truh kan kathaot khang kajap, Thủ tướng rajaei hu tabiak Quyết định 28 ka bruk brei mesraiy ngan saong baoh sang barau truh kan kathaot. Tui nan, gilang pariak sarak karja daok daong phun jien ưu đãi ka baoh sang barau truh kan kathaot, daong urang hu phun jien patagok bruk ngak mbang, pablei salih piah dak harei dak salih barau rai diuk, yam tagok truh kan kathaot khang kajap.  

# Pambuak tal bruk 300 drei ada di sang ong Nguyễn Văn An daok di ban sit Võ Xu, huyện Đức Linh metai medil lac kayua pandap mbang,  biar harei kabroi 24/12, Sở Ngak nong saong Patagok palei pala tỉnh Bình Thuận hu peih bruk ginum biai pang yaom bruk pasang iek mẩu haleik di công ty Woosung Vina. Tui Kapul thanh tra 1205,  Sở Ngak nong saong patagok palei pala tỉnh Bình Thuận, dom tanut pasang iek dalm dua mẫu haleik Woosung D6442 mek di sang ong An mboh siam oh mboh pandap hagait karei dalam haleik. Tapa bruk pasang iek nan, ada metai nan kayua rilo bruk karei di gauk ba tal, yau nan ye oh ba tabiak panuac tamat kayua halei ngakmetai ada di sang ong An.

# Yaom lac dom doanh nghiệp dalam tỉnh Trà Vinh lac doanh nghiệp sit saong mbiah, min tuk tết anek sak kara ini tỉnh peih bruk tani tanat yaom kaom tui jalan xã hội hóa taong abih. Tui bruk ba tabiak tuk tết anek sak kara ini Trà Vinh brei kuhria caga dom pandap yaom jaik 30 tỉ đồng piah duh ka urang blei pandar dalam tukvak 4 bilan (dahlau, dalam saong hadei tết).

# Yaok ribau bhap bini gam saong tuai damuai dalam saong langiu negar tuh mai pasak ban raya HCM piah uan raok Giang sinh. Dom nhà thờ praong, bhum palei agama kito praong di quận Thủ Đức, quận Tân Phú, quận Gò Vấp atau quận 8 jeng pachreih hu rilo menuac  tame ngak  lễ, tame  ma-in bui sambai. Sa-ai Dương Thị Thu Hà daok di quận 7 lac: “ Noel thun ini dahlak mboh takre, siam jang, rilo manuac tabiak bak jalan jang, langik jeng la-ar tra. Dahlak biak takre langik yau ini. Adei tadhau ayuh ka taong abih urang taduan Noel rilo bui samba”

Patui di ini dom khau tin dunya:

# HQ tabiak panuac lac abih jit laka jalan suak yava bhum Trung Đông (MERS), 7 bilan hadei di tuk urang MERS akaok meti hu duah mboh di taneh ia ini.

# Bruk nerak tachauk không khí di Trung Quốc dak harei dak trak hadei di 30 thun cak rok aptagok kinh tế biak samar. Dom thun jaik di ini, rajaei daok kham merat langyah bruk nerak tachrauk không khí tuk nyu daok ngak jhak rilo tal prein yawa bhap bini. Jabat khí tượng di Hà Bắc nan lac sa tỉnh jaik ban Bắc Kinh jeng hu tabiak cảnh báo bhong akaok meti ka sauak dhun mun. Dom ban dalam tỉnh hu ba tabiak jalan pacang cakak, yau ye pasang iek bruk nao mai angaok jalan mbak dalam ban./.

# Harei 24/12, takik abih 11 urang metai saong yaok pluh urang njauk rambuac tuk dom mbang ribuk  praong saong ngin khang tuh tame dom mban gah meraong taneh ia Mỹ yau Mit-si-si-pi, Ten-nơ-si saong A-kan-sát....Jabat langyah bala Mit-si-si-pi  brei thau hu 7 urang metai. Thống đốc mban ini, ong Phin Brai-ần hu tabiak bruk khẩn cấp di dom bhum gaok kan kandah kayua ribuk, ngin khang./.