# Melam kabroi 24/3, pak bal Tam Kỳ, Quảng Nam peih bruk pahadar 40 thun harei peih paha tỉnh. Hu mbaok dalam van ngak lễ hu ong  Lê Hồng Anh, Ủy viên Bộ Chính trị, Thường trực Ban Bí thư. 40 thun tapa, patui veik patagok ilamu cách mạng, Đảng bộ saong bhap bani tỉnh Quảng Nam pataom tame patagok kinh tế xã hội. Thun 2014, jien mek tame kuhria rah tapa sa urang mek hu jaik 35 triệu đồng, jien mek tame ka kadung jien karja labaih 9000 tỷ đồng, glaong jang 16 mbang dut haong thun 1997. Bruk ngak kinh tế salih tapa gah công nghiệp - dịch vụ, rivang ma-in – ngak nong. Pak van pahadar, ong Lê Hồng Anh saong dom urang lambaok hu cakak băng peih pakak Rup patau Amaik Việt Nam anh hùng. Công trình ini kayua Rayo sap ndom Việt Nam saong tỉnh Quảng Nam peih bruk jak ba taong abih bhap bani rik daong peih ngak meng thun 2004.

#  Harei 24/3, di ban sit Huế, tỉnh Thừa Thiên Huế rah tabiak nyaom biai “ patagok y te cơ sở ka pasang iek pren yava akaok mereip pamaong tal bruk pabak pasang iek pren yava ka bhapbini” kayua mintri y tế peih ngak. Pho Thủ tướng rajaei Vũ Đức Đam mai hu mbaok saong tacei pato nyaom biai. Nyaom biai pachreih hu 300 urang jakar mai meng dom mintri, gah, labik dalam saong langiu taneh ia. Di nyaom biai, dom urang jakar hu ginum biai saong ba tabiak dom jalan ngak dot pha, kha thi ka bruk dak padang y te cơ sở ka dom gah : menuac urang, cơ sở hạ tầng, cơ chế jien padai, sarak pachreih saong đãi ngộ urang jakar, yaam tagok dak padang sa gah y te công bằng, kein laba saong patagok.  

# Pahadar 84 thun harei dak padang Đoàn Thanh Niên Cộng Sản Hồ Chí Minh (26/3/1931 – 26/3/2015), Tỉnh đoàn Bạc Liêu hu peih van taom gaok dom urang jakar Đoàn tapa dom jaman meng tuk padang veik tỉnh thun 1997 tal urak ini ngan haong bruk hu mbaok di lambaih 100 urang lambaok. Thun 2014, dom pakat bộ Đoàn dalam Tỉnh đoàn Bạc Liêu hu taduan mek saong ngak salah blaoh yaok rituh công trình yau: padang sang uranam, ngak jalan nao mai dalam palei; padang ngak palei pala bahrau; pasang iek ruak, brei jru sraoh oh mek jien ka urang kathaot; daong ba baoh sang sarak karja hu rai diuk kan kandah..v.v.

# Tỉnh đoàn Sóc Trăng pambuak bruk saong Sở ilimo – padhih saong du lich saong Công ty Điện lực Sóc Trăng barau peih Hội thao urang jakar  Đoàn salam uan pahadar 84 thun harei padang Kapul dam dara Cộng sản Hồ Chí Minh 26-3 saong 69 thun harei Thể thao Việt Nam 27-3. Hội thao pachreih labaih 400 vận động viên lac urang jakar doan, dam dara  meng dom labik, gah, huyen mai pataom mbaok.

# Harei 24/3 pak Hà Nội, Mentri Ilamo padhih saong rivang ma-in, Mentri pato megru saong Kapul UNESCO pak Việt Nam pambuak gauk peih ngak nyaom biai "Patagok bruk pandar drap ar ilamo oh mbih di meta dalam bruk pato megru brei ka bruk cakrok patagok khang kajap pak labik Châu Á – Thái Bình Dương". Nyaom biai hu mbaok di labaih 60 chuyên gia dunya saong Việt Nam. Pak nyaom biai, dom chuyên gia hu klaah rabha dom ilamu hu mbaok di anek meta tuk peih ngak iek bruk pato pakai gah di sản pak dom taneh aia yau: Pakistan, Uzbekistan, Việt Nam… jang yau dom jalan ngak tích hợp dom di sản ilamo oh mboh di meta saong patagok khang kajap dalam giáo trình urak ini.

# Tổng Giám đốc rayo sap ndom VN barau tabiak Quyết định ka bruk padang mban taduan mek, ba rayo papar binguk kĩ thuật số VTC tame rayo sap ndom VN hu 18 urang, kayua  ông Vũ Minh Tuấn-Phó Tổng Giám đốc ngak akaok mban. Tui nan, mban taduan mek hu ngak bruk tham muu, daong bruk ka Hội đồng tacei pato dalam bruk dak padang danak dak ba rayo papar binguk kĩ thuật số VTC tame rayo sap ndom Việt Nam piah ba tagok Tổng Giám đốc rayo sap ndom Việt Nam phê duyệt. Bruk padang danakdak ini njuak hu peih ngak tui dom nguyên tắc: khik kein laba di dom gah, khik tani tanat saong patagok di 3 gah nan lac rayo sap ndom VN,  Tổng công ty truyền thông đa phương tiện VTC, rayo papar binguk kĩ thuật số VTC.

# Melam kabroi 24/3, pak Bal raya Hồ Chí Minh, Kadung jien Ilamo Phan Châu Trinh hu pok brei giải thưởng ka 5 urang hu buh ralo pren yava dalam bruk salih bahrau ilamo saong pato megru Việt Nam. Tui nan, giải “Brei ka bruk ngak ilamo – pato megru” hu pok brei ka Nhạc sư Nguyễn Vĩnh Bảo, urang hu ralo rik daong dalam bruk roh duah, sáng tạo saong truyền bá âm nhạc truyền thống Nam bộ. Nhà giáo Phạm Toàn saong nyaom Cánh Buồm jeng hu pok brei giải ini ngan haong dom bruk ngak sáng tạo ngak brei salih bahrau bruk pato megru dalam negar. Urang roh duah Phạm Hoàng Quân taduan mek giải “Roh duah” ngan haong dom công trình roh duah xuất sắc ka langik tasik. Jak jeng dalam bruk salih akhar vak ralo tác phẩm kinh điển, dịch giả Nguyễn Nghị hu pok jao giải “Dịch thuật”. Saong giải “Việt Nam học” hu pok brei ka Giáo sư Keith Weller Taylor ngan haong ralo baoh jeng siam mekre dalam roh duah saong truyền bá dak rai sajarah – ilamo Việt Nam tal ayut sahabat dunya.

Khaw tin dunya

# Ucraina hu panuac lac meda padheih blei tame khí đốt di Nga, meng harei 1 bilan 4  meyah Mát-xcơva oh trun yaom pablei khí đốt. Akaok mintri Năng lượng Ucraina Vla-đi-mia Đem-chia- brei thau Ki-ep daok dak harei dak trun bruk pambak tame khí đốt di Nga kayua hu pabak brei meng  châu Âu. Ông Đem-chi-sin hu panuac lac, tuk halei yaom khí đốt di Nga daok glaong yau ini lac Ucraina oh blei khí đốt di Nga veik, yaom lac bruk padheih ba khí đốt tapa Ucraina meda caik bruk an ninh nang luong di Chau Au tame bruk kan kandah. 

# Meng ini, cảnh sát giao thông Bỉ meda hu pabak breisa thiết bị bahrau meda daong samar drah duah mboh dom urang peih radaih pandar alak dalam tuk daok ndik radaih. Ini lac sa baoh "idung điện tử" piah duah mboh nồng độ cồn tapa jalan suak java. Tui kuhria, yaok thun Cảnh sát meda peih jaik 2 triệu mbang dut iek nồng độ cồn ngan haong urang peih radaih piah pacang cakak manuac urang nduac radaih tuk dalam rup hu alak piah grap tanat angaok jalan mbak nao mai.

# Ông Ô-li-vê Oa-nhê (Olivier Wagner), Giám đốc điều hành Hãng kapal haok yaom lap Lúp-than-sa, công ty amaik di Hãng kapal haok Giơ-men-uynh (Germanwing) barau brei thau, harei 24-3, sruh kapal ahaok E-bớt A320 hu angan 4U9525 meng Bác-xê-lôn-na (Tây Ban Nha) tal Đu-xen-đóp (Duesseldorf- Đức) laik di labik talei ceik An-pơ (Alpes) di Pháp saong ngak ka 150 urang angapok sruh kapal haok nan metai. Dahlau nan, tui panuac brei thau tuk akaok mereip, angaok sruh kapal ahaok hu 148 urang, dalam nan hu 142 tuai saong 6 phi hành đoàn. Gah chức trách Pháp daok pasang iek, duah thau makna di bruk nan. Sruh kapal ahaok E-bớt A320 njauk bala hu ba tabiak pandar meng thun 1991./.