Khaw tin 10h30 saong 14h30 harei 25/4

       # Pagaiy harei ini 25/4, di sang Quốc hội, Ủy ban Thường vụ Quốc hội peih mbang nyaom yaka 47.  Di mbang nyaom yaka 47 ini,  Ủy ban thường vụ Quốc hội taong yaom bruk ngak hu di mbang nyaom ka 11, di Quốc hội mbang  13 saong brei panuac ka bruk kuhria caga mbang nyaom yaka sa, Quốc hội mbang 14. Tui kuhria, Ủy ban thường vụ Quốc hội meda brei panuac ka bruk phê chuẩn  bổ nhiệm đại sứ đặc mệnh toàn quyền di Cộng hòa xã hội chủ nghĩa Việt Nam tukvak 2016-2019 di dom taneh ia.

             / Harei kabroi 24/4, phaok thủ tướng Trịnh Đình Dũng hu nao tal Hà Tĩnh rivang mikva urang ngak ikan, pasang iek bruk raong pala kaya ikan lồng bè di xã Kỳ Hà, pasang iek khat lahik saong bruk raong palao hadang di phường Kỳ Phương, ban sit Kỳ Anh.  Phaok Thủ tướng Trịnh Đình Dũng pandar mintri tài nguyên saong môi trường dang akaok, pambuak bruk saong dom jabat pambuak tal pasang iek piah ngak cambaih laih makna ikan tasik metai , samar saong avar abih tui tacei pato di urang dang akaok rajaei, rik daong tani tanat saong pasiam veik bruk ngak mbang di bhap bini.

        # Jeng dalam harei 24/4, Ủy viên mintri Chính trị, Phó Thủ tướng rajaei Trương Hòa Bình nao hu mbaok tuk alin sang anit ranam ka dom sang kathaot di huyen huyện Cần Giuộc, tỉnh Long An. Di labik ini, Phó Thủ tướng Trương Hòa Bình alin 14 baok sang anit ranam ka 14 sang kathoat, sang kandah di huyen, yaok baoh sang yaom 30 triệu đồng.

         / Biar harei 24/4, ong Nguyễn Thế Kỷ - Ủy viên Trung ương Đảng, Tổng Giám đốc rayo papar sap Việt Nam saong kapul ngak bruk hu var ngak bruk saong Thường trực Tỉnh ủy Đắc Lắc. Ong Nguyễn Thế Kỷ caong khin urang dang akaok tỉnh Đắc Lắc anak tal gam saong rayo sap ndom VN padang quy chế pambuak bruk ngak, piah peih ngak siam jang bruk pathau khan angaok dom phương tiện truyền thông di rayo sap ndom VN.   

            # Di xã Tam Thôn Hiệp, bair harei kabroi 24/4,  Sở Giao thông vận tải saong Uỷ ban bhapbini huyện Cần Giờ, ban raya Hồ Chí Minh hu peih jalan radaih buýt ka 127 saong 128. Dua jalan radaih buýt ini kayua Hợp tác xã Thanh Sơn dang akoak, hu daong yaom piah duh ka bhapbini Cần Giờ dalam  tukvak  5 thun. Dom jalan radaih buýt ini hu peih tabiak di harei ini (25/4), meng 5tuk meteh tal 18tuk yaok harei, tukvak yaok radaih peih atah di gauk lac 30 minit. Ini lac dom radaih barau, hu mac la ar, pandap dut iek jalan nao, bảng điện tử, camera, hu 40 labik daok. Amuk Lê Thị Kiều, ấp An Lộc, xã Tam Thôn Hiệp, huyện Cần Giờ lac : Meyah oh hu radaih buýt njauk nao radaih ôm, abih rilo jien. Pagap ye nao meng ini tagok ban raya abih 200 rabau, nao Vàm Sát  meng 60 -70 rabau bo rilo tuk oh hu radaih nao. Hu radaih buýt biak lagaih,bo yaom biak lap 6 rabau min, daok hu mac li-an tra. Yau ini, bhapbini abih takik jien, biak lagaih ka bhapbini labik ini “

          / Urak ini, tỉnh Tiền Giang hu labaih 120 ha njam patam metai abih kayua pandiak bhang, mbak, ngak ka rai diuk urang nong dak kan kandah. Dom janih njam patam mbuan metai tuk gaok ia mbak; tuk ia njom mbak 0,5gram sa lít lac phun nyu metai. Dalam tuk nan, dom ribaong thủy lợi di huyện Châu Thành, ia mbak tal labaih 1 gram sa lít; taphia di nan urang nông  tuk njuk ia pruh njam oh duk độ mbak.

           # Dalam dua harei (24 - 25/4), danakdak “Lục Lạc Vàng” dui pagam dom palei pala kayua Tập đoàn Hoa Sen daong hu nao tal huyện Kế Sách, tỉnh Sóc Trăng piah alin 12 yau limo ka 12 sang kathoat. Tapa nan, rayo sap ndom VN saong gah tài trợ Tập đoàn Hoa Sen jeng alin yaok sang 1 baok radio. Ini lac pandap daong  hu makna siam piah dom sang thau ka bruk taneh ia, bruk ilimo,  xa hội, raidiuk jeng ye bac megru dom alamu raong glang saong ngak nong…meng dom danakdak hu paparsap angaok rayo.

                 Patui di ini dom khau tin dunya:

      / Taduan panuac daa di Tổng Bí thư Ban Chấp hành Trung ương Đảng Cộng sản Việt Nam Nguyễn Phú Trọng saong akaok negar Cộng hòa Xã hội chủ nghĩa Việt Nam Trần Đại Quang, Tổng Bí thư Ban Chấp hành Trung ương Đảng Nhân dân Cách mạng Lào, akaok negar Cộng hòa Dân chủ bhap bini Lào Bun-nhăng Vo-la-chít hu mai rivang taneh ia Cộng hòa Xã hội chủ nghĩa Việt Nam, meng harei 25 - 27/4. Di mbang mai rivang VN ini, tổng bí thư, akaok negar Lào Bun nhăng Vo la chít saong dom urang dang akaok VN hu taom gaok ndom meyai nao mai, brei mboh veik hatai caong khin di dua gah dalam talei pambuak bruk. 

          # Harei kabroi (24/4), Tổng thống Mỹ Ba-rắc Obama hu panuac lac, Liên minh châu Âu saong Mỹ njauk peih bruk ginum biai ka Thỏa thuận thương mại saong đầu tư liên Thái Bình dương (TTIP) daok ba tal tranh cãi bo tui kuhria meda pabak tame ka kinh te di yaok gah 100 tỷ đôla. Tổng thống Mỹ tabiak panuac ini tuk hu mbaok dalam nyaom darak parang iek Ha-nô-vơ (Hanover) saong Thủ tướng taneh ia po sang Đức An-giê-la Méc-ken (Angela Merkel).

    / Panuac meng mintri ngak nông di TL brei thau, dalam vụ mùa akaok di thun 2016, taneh quy hoạch ngak padai ia di TL dalam thun ini daok di tanut 8,9 triệu ha, takik jang duk saong thun bloh jaik 1 triệu ha. Yaom lac taneh ngak padai di TL dalam thun ini patrun biak ralo kayua taneh ia ini gam yam tapa sa mbang pandiak bhang khang di abih dalam sajarah dak rai 20 thun jaik di ini. Bruk quy hoạch veik taneh ngak padai hu daong patak pataom ia jeng yau lagaih jang saong bruk di anak meta.