# Biar harei 24/4 di jabat Rajaei, Thủ tướng Nguyễn Tấn Dũng hu taduan raok Đại sứ Bru-nây Pen-gi-ran  Ha-gi  Sa-ha-ri  Bin Pen-gi-ran    Ha-gi Sa-lê  tuk ong mai taduan mek bruk ngak di Việt Nam. Uan tabuan ong Pen-gi-ran  Ha-gi  Sa-lê  mai taduan bruk ngak pak Việt Nam, Thủ tướng Nguyễn Tấn Dũng jia lac dalam tukvak ngak bruk di drei, Đại sứ Pen-gi-ran  Ha-gi  Sa-lê meda pambuak bruk khang kajap haong dom jabat chức năng di dua negar piah kak kajap talei rohim saong jhul talei pambuak bruk nao mai  di dua negar Việt Nam-Bru-nây patagok dak harei dak khang saong tame dalam, ba mai kein laba ka dua gah, rik daong tame bruk dak padang Dom taneh aia ASEAN gul pataom, khang kajap dalam thun 2015. Thủ tướng Nguyễn Tấn Dũng ndom lac: Việt Nam halan hatiang pambuak bruk haong Bru-nây, Ma-lay-si-a saong Sing-ga-po jhul brei samar tamat bruk ginum biai Hiệp định Đối tác xuyên Thái Bình Dương (TPP).

# Dahlau si tamat mbang nyaom yaka 27, bair harei kabroi 24/4) Ủy ban thường vụ Quốc hội brei panuac tame dự án  hukum căn cước công dân. Rilo urang QH njauk hatai ka bruk njauk patabiak hukum căn cước công dân piah ba mbuan lagaih ka bhapbini, ngak mbuan jang dom thu tuc harak baal, yam tal bruk Rajaei điện tử. Brei panuac tamat mbang nyaom yaka 27 di uy mban thuong vu quoc hoi, phaok akaok quoc hoi Huỳnh Ngọc Sơn ndom lac, mbang nyaom ini hu jak jeng saong bruk brei panuac tame 12 dự án hukum saong dom sarak. Uy mban thuong vu quoc hoi caong khin dom jabat soan thao pataom mek, brei pabak dom panuac rik tame saong pasiam dom dự án hukum saong sarak piah pok tagok quoc hoi dalam mbang nyaom yaka 7 tal.

# Harei 24/4, ong Nguyễn Văn Bình, Thống đốc Gilang pariak Karja Việt Nam saong amuk Victoria Kwakwa, Akaok Quốc gia Gilang pariak Dunya (WB) pak Việt Nam hu mbaoh tangin tame harak pambuak bruk daong brei saong dom harak văn kiện pháp lý pambuak pagam tal Dự án pasiam veik bruk ngak nong hu aia pruh, Dự án patrun kathaot bhum Tây nguyên saong Dự án patagok dom bruk daong ba xã hội. Dự án pasiam veik bruk ngak nong hu aia pruh hu yaom jien buh tame ngak abih tih 210 triệu USD. Dự án piah daong patagok bruk ngak nong, palei pala khang kajap patui bruk biến đổi khí hậu, paglaong pren meriak gauk saong patagok yaom di bruk ngak nong hu aia pruh tui danak dak di negar padang ngak palei pala bahrau saong Đề án rami ramik veik bruk ngak nong pak dom tỉnh bhum ceik gah Barak saong gah kreh negar. Dự án hu peih ngak meng thun 2014 tal thun  2020 pak 7 tỉnh: Quảng Nam, Quảng Trị, Hà Tĩnh, Thanh Hoá, Hoà Bình, Phú Thọ, Hà Giang.

# Pahadar 60 thun jayah Điện Biên Phủ, melam 24/4,  Bộ Chỉ huy Quân sự tỉnh Phú Yên pambuak bruk saong sang bac Đại học Phú Yên peih danakdak taom gaok Hào khí Điện Biên, pachreih hu rilo urang jakar, urang lin bộ Chỉ huy Quân sự tỉnh Phú Yên saong sinh viên sang bac Đại học Phú Yên mai pataom mbaok. Ngan saong dom kadha pakacah chreih chrai ye : pakacah duah thau alamu, thuyet trinh ka Dang cong san Biet Nam, chien dich sajarah Dien bien phu, dak dalikan ka jalan hadah krah siam mekre di Ho Chi Minh…dom kapul nyaom pakacah brei mboh ilamu di drei ka sajarah, bruk dang akaok di Dang saong Chủ tịch Hồ Chí Minh; pren khang jum pataom bangsa ala bruk dang akaok di Dang, labik dang di tapon nyom bol pan phao kraong di Bol bala bhap bini Việt Nam.

# Melam 24/4, di bal Đà Lạt ( tỉnh Lâm Đồng), rayo sap ndom Việt Nam saong rayo papar sap papar binguk Lâm Đồng hu pambuak bruk peih Harei pataom papar sap pakat negar mbang ka 11 thun 2014. Harei pataom papar sap pakat negar mbang ka 11 thun 2014 hu jaik 190 kadha laik tame dalam vòng chung khảo. Ini lac dom kadha hu chất lượng glaong hu ngak di grauk labik dalam negar, hu palih ruah tapa vòng sơ khảo. Pok panuac paeih harei pataom, ong Vũ Hải, Phaok akaok Rayo sap ndom Việt Nam, Akaok mban peih  harei pataom papar sap mbang ka 11 thun 2014 hu panuac lac, harei pataom nan lac tukvak piah ka dom urang ngak papar sap dalam negar bac megru ilamu haong gauk, thau ka ilamu papar sap bahrau, abih di nyu nan lac pok glaong dom tác giả, tác phẩm papar sap xuất sắc abih.

# Viện Pasteur Nha Trang barau nao pasang iek bruk pacang caga ruak jeng baoh, saong brei thau 4 mẫu dut iek mboh dương tính saong ruak jeng baoh di tinh Phú Yên. Dom mẫu ruak ini duah mboh di dom urang ruak umo thun 22 tal 27 di dom huyen Tuy An, Phú Hòa, Đông Hòa saong ban sit Tuy Hòa. Viện Pasteur Nha Trang pandar gah Y tế tỉnh Phú Yên pasang iek bruk klauk vacxin jeng baoh, patgok bruk mek mẫu dom urang mboh yau ruak jeng baoh piah payua nao dut iek, pambuak gauk catang meng bruk du phong, chan doan saong iek ruak jeng baoh; pathau khan paglaong akaok sahaneng di bhapbini ka bruk klauk caga vacxin jeng baoh, peih ngak dom bruk daong cakak siam lagaih, plaih ngak ka bhapbini duh hatai.

# Harei kabroi (24/4), pak bal raya Hồ Chí Minh, Viện Roh duah padang hukum di Quốc hội saong Quỹ ROSA Luxemburg (Cộng hòa Liên bang Đức) pambuak bruk peih nyaom biai dunya “kapul nyaom saong bruk ngak di Quốc hội – ilamu di Việt Nam saong dunya”. Hu mbaok dalam nyaom biai hu dom chuyên gia, lambaok ka Quốc hội, Nghị viện dom negar Việt Nam, Lào, Campuchia, Myanmar, Canada, Pháp, Đức. Ini lac diễn đàn piah ka dom urang Quốc hội, dom urang patabiak sarak, chuyên gia Việt Nam saong dunya ndom biai nao mai ka jalan padang kapul, bruk ngak di dom mô hình Quốc hội, Nghị viện angaok dunya. Tapa nan, dom urang lambaok Việt Nam ba tabiak dom panuac kiến nghị saong đề xuất piah pasiam dom quy định dalam Dự thảo Hukum tổ chức Quốc hội (pasiam veik) meda hu Quốc hội brei panuac pak mbang nyaom 7 anak tal.

Khaw tin dunya

# Mbang menyum Nhật Bản dak harei dak hu takre di Australia ngan saong món sushi độc đáo daok ngak patagok caong khin ka brah dẻo dac biet hu pala di gah meraong mbang New South Wales, Australia. Dalam tuk Riverina saong thung lũng Murray sangka rilo tal brah athar mbiah, jien lãi mek hu meng bruk pablei brah di Nhat daok pachreih bruk sangka di bhap bini. Ngan saong dom darak pasal di Canada, Anh, Đông Nam Á, Hàn Quốc saong urak ini lac Nga, Công ty SunRice caong khin lac, urang pala padai meda parilo jang 3 mbang brah sushi di 3 thun tal. SunRice nan lac sa dalam dom công ty ngak tabiak dom pandap ngak meng brah praong abih dunya saong lac labik pablei pandap tabiak taneh ia langiu dang akaok di Australia.

# Cửa hàng pablei tapuk 24 tuk akaok mereip bahrau peih tabiak di bal ine Bắc Kinh, Trung Quốc. Oh iek praong bruk jien mek tame, bo  bruk daok pamaong ngak di labik pablei tapuk ini nan lac padang sa labik tapuk trí tuệ ka dom urang takre puac tapuk. Urang khik iek hiệu tapuk Tam Liên caong khin jalan ngak di cửa hàng tapuk 24 tuk meda patagok saong pambak prong pak Trung Quốc. Mbang duah thau kayua Học viện Báo chí saong Patabiak Trung Quốc peih ngak dalam thun dahlau brei mboh, urang Trung Quốc puac 4 baoh tapuk yaok thun. Ralo panuac brei thau, cửa hàng tapuk 24 tuk meda lac labik ilamo, daong ka manuac urang gilac veik haong bruk bhian randap puac tapuk in)./.