# Page harei 25/5, pak Sang Quốc hội, Ủy ban Thường vụ Quốc hội peih mbang nyaom 48. Sadalam dom asal kadha prong dalam mbang nyaom ini nan lac Ủy ban Thường vụ Quốc hội brei panuac tame harak pathau khan tuk camereip ka bruk palih ruah urang ka Quốc hội mbang 14 saong urang ka Hội đồng bhap bani dom pakat vaktu meng ini tal thun 2021 bahrau hu peih ngak dalam harei 22 bilan 5 meng blaoh. Tui kuhria dahlau, dalam mbang nyaom ini, Ủy ban Thường vụ Quốc hội meda pang harak pathau khan pasang iek bruk peih ngak danak dak pakat negar padang ngak palei pala bahrau (vaktu 2010-2015) saong jalan ngak vaktu anak tal.

# Dalam mbang ravang Việt Nam, bair harei kabroi 24/5, Tổng thống Hoa Kỳ Barack Obama hu mai ban raya Hồ Chí Minh. Di ini, Tổng thống Barack Obama hu nao ravang baha Ngọc Hoàng, nao ravang saong ndom puac saong doanh nhân haong dom doanh nghiệp di labik ngak bruk Dreamplex daok dalam tòa sang Miss Áo Dài, Quận 1. Harei ini 25/5, Tổng thống Obama hu var taom gaok saong dam dara ka gah patao megru dadlau di tuk tabiak truh Việt Nam nao tapa Nhật Bản.

# Pok panuac dalam van taduan raok đại sứ Trung Quốc Hồng Tiểu Dũng meng blaoh pak sang Quốc hội, Akaok Quốc hội Nguyễn Thị Kim Ngân pandar dom bộ ngành, puk palei dua negar abih hatai ndom biai nao mai, patahok talei pambuak bruk. Abih di nyu iek prong bruk taom gaok bhap bani yau asal kadha prong dalam bruk dak padang talei rohim pambuak bruk nao mai dua negar grap tanat saong khang kajap. 

# Bair harei 24-5, di jabat rajaei, Thủ tướng Nguyễn Xuân Phúc taduan raok akaok mintri Giao thông vận tải saong Truyền thông Mô-dăm-bích C.Me-xơ-qui-ta (Carlos Mesquita) daok hu mbang ravang ngak bruk di Việt Nam. Di var taduan raok, Thủ tướng Nguyễn Xuân Phúc caong khin dua gah hu dom sarak saong jalan daong bruk ngak di Tập đoàn Viễn thông Quân đội (Viettel) di Mô-dăm-bích jeng ye pachreih dom doanh nghiệp dua taneh ia patagok talei pambuak bruk đầu tư, ba brei công nghệ di gah ini . 

# Pak Hà Nội, Ủy viên Bộ Chính trị, Bí thư Trung ương Đảng, Akaok Ban dân vận Trung ương Trương Thị Mai bahrau hu van ngak bruk haong Đoàn chủ tịch Tổng Liên đoàn Lao động Việt Nam saong Ban bí thư Trung ương Đoàn. Pak van ngak bruk haong Đoàn chủ tịch Tổng liên đoàn lao động Việt Nam, amuk Trương Thị Mai khang panuac lac: Tổ chức công đoàn hu tagok sap ndom khang piah pacang khik ka dom sarak adat hukum pagam tal urang ngak, hu thau cambaih laih hatai caong khin saong rai diuk di urang ngak, meng nan hu ralo bruk ngak biak siam brei ka urang ngak. Dahlau di nan, dalam van ngak bruk haong Ban Bí Thư Trung ương Đoàn, amuk Trương Thị Mai ndom lac, Trung ương Đoàn-  Kapul Dam dara Việt Nam njauk sangka jang tal bruk ngak brei ka dam dara kayua ini lac bruk biak praong hu yaom glaong ngan haong sa urang daok ranaih.

# Akaok mintri jien padai Đinh Tiến Dũng brei thau, anak tal  meda pasang iek yah klak yaom trần ia tasau uranaih ala 6 thun meng akaok bilan 7/2016. Akoak mintri ndom lac, , bruk yah klak yaom trần di  ia tasau uranaih ala 6 thun njauk khik caga bruk meriak gauk, khik caga kein laba di doanh nghiệp, karja saong urang blei.  

# Biar harei 24/5, tỉnh Bình Thuận hu jao  menuac metai puac abih dalam  12 urang metai dalam mbang njauk bala ka gauk gar urang metai ba mai palei ngak ndam. Dalam 12 urang metai hu tal 10 urang njauk apui mbang abih, oh thau lac urang halei njauk dut iek ADN piah duah thau ka angan je. Sở Y tế tỉnh Bình Thuận jeng hu brei radaih cứu thương di dom sang iek ruak pajeng urang metai saong gauk gar mai palei ngak ndam.

Khaw tin dunya

# Taduan panuac daa di ông Bun-thoong Chít-ma-ni, Ủy viên mintri Chính trị, Bí thư Trung ương Đảng, Phó Thủ tướng rajaei, Chủ nhiệm Ban Kiểm tra Trung ương Đảng bhapbini Cách mạng Lào, Tổng Thanh tra rajaei, akaok Ban pacang caga tham nhũng Trung ương Lào, ông Trần Quốc Vượng, Ủy viên mintri Chính trị, Bí thư Trung ương Đảng, Chủ nhiệm Ủy ban Kiểm tra Trung ương, ba akaok kapul urang jakar pakat glaong Ủy ban Kiểm tra Trung ương Đảng drei tapa ravang Lào, meng harei 24 tal harei 26/5.

# Đảng Cộng sản Cu-ba harei kabroi 24/5 brei thau, negar ini peih brei adat ka dom doanh nghiệp tư nhân gap haong sit. Bruk ngak ini hu mong lac sa jalan praong peih tabiak piah cakrok patagok ka dom  doanh nghiệp tư nhân pak Cu-ba.  Mbiah tal urak ini, raja-ei Cu-ba tok brei adat doanh nghiệp tư nhân ngak tui jalan công nhân eng drei pah ngak dalam dom ngành nghề. Anak meta mboh lac, biak ralo dalam dom urang nan hu jeng po doanh nghiệp sit ba bruk ngak ka  dom urang karei.

# Pasak tui iek jit ruak ban sit Bắc Kinh, Trung Quốc harei 24/5, brei thau urang njaom Zika ka dua . Urang ruak lac urang likei, umo 35 thun, daok di quận Phong Đài, mboh tabiak mban saong pandiak dalam mbang par meng Bô-li-vi-a nao Trung Quốc di puac adit bloh saong hu khan brei gah khik iek mblang kapal haok thau ka bruk ini. Urak ini, pren yava di urang ruak hu tani tanat. Dom chuyên gia y tế kakei, dom urang njaom Zika di Bắc Kinh meda patagok kayua urang nao mai di bhum hu jit. /.