# Dalam tukvak nao rivang saong ngak bruk pak Lào, harei kabroi, Akaok negar Trương Tấn Sang hu taduan ong Phăn-khăm Vị-pha-văn (Phankham Viphavanh), Ủy viên Mentri Chính trị, Phaok Thủ tướng, Akaok Mentri Pato megru – Padhih Lào, Akaok Kapul Hữu nghị Lào-Việt. Pak van taduan raok, akaok negar Trương Tấn Sang taong yaom glaong dom rik daong biak prong di Kapul Hữu nghị Lào - Việt dalam bruk patagok taom gaok gauk di bhap bani Việt Nam saong bhap bani Lào, pakajap saong patagok talei pambuak bruk meng kan mai, gul pataom saong pambuak taong abih gah di dua negar, kayua kein laba di dua negar, kayua sron mbon, pambuak bruk saong patagok pak Đông Nam Á saong angaok dunya.

# Bair harei 25/3, di jabat rajaei , Thủ tướng Nguyễn Tấn Dũng hu taduan raoh Đại sứ Qatar,  Abdullah Sultan Al-Hamar dalam harei Đại sứ taduan mek bruk di Việt Nam. Uan tabuan Đại sứ Abdullah Sultan Al-Hamar taduan mek bruk di Việt Nam, Thủ tướng Nguyễn Tấn Dũng ndom lac Việt Nam saong  Qatar lac dua taneh ia hu talei pambuak bruk siam mekre, dom bruk ngak hu meng talei pambuak di dua taneh ia tukvak tapa hu ba mai kein laba siam lagaih ka dua taneh ia. 

# Biar harei 25/3, pak Long An, Ủy viên Bộ Chính trị, Bí thư Trung ương Đảng, Akaok Ban Tổ chức Trung ương Tô Huy Rứa hu dang akaok nyaom biai peih ngak quyết định di Mentri Chính trị ka bruk cán bộ. Akaok Ban Tổ chức Trung ương Tô Huy Rứa hu brei thau ka quyết định ngan haong ong Mai Văn Chính, nguyên Bí thư Tỉnh ủy Long An ka bruk padeih chức vụ Bí thư Tỉnh ủy piah taduan mek nhiệm vụ bahrau nan lac phaok akaok Ban Tổ chức Trung ương. Taphia di nan brei thau quyết định ngan haong ong Nguyễn Nam Việt, Phaok Bí thư thường trực Tỉnh ủy khik chức Bí thư Tỉnh ủy Long An.

# Tỉnh Quảng Nam barau peih pakak dom công trình dân sinh dalam tinh ye : danakdak tatua Giao thủy nao tapa kraong Thu Bồn, công trình jalan nao mai pambuak pagam dom xã Quế Xuân, Quế Hiệp, Quế Long di huyện Quế Sơn saong caik bảng angan dom công trình salam uan 40 thun peih paha tỉnh Quảng Nam. Ini lac sa dalam dom canah jalan nao mai praong piah pajeng pandap mbang menyum, phao ndao, đạn dược meng hậu phương nao mblang mesruh di dom thun bilan mesruh metak. Bruk padang ngak canah jalan ini piah jhul pakhang patagok bhum taneh mengkan hu rilo ilamu cach mang.

# Harei 28 saong 29-3 anak tal, pak Muyim Bangsa bac Việt Nam meda rah tabiak danak dak “Ilamo Thái Lan harei puac dit”. Danak dak meyaih khan dom kadha nghệ thuật truyền thống saong đương đại di negar Thái Lan, ngan haong bruk hu mbaok di 25 diễn viên. Dalam nan, dom nghệ sĩ Thái Lan meda parang me-in dom ragam tamia biak karei di taneh aia drei yau tamia Khon, tamia caoh menuk saong tamia 4 mùa – sa bruk kết hợp tinh tế di yaok phân cảnh brei thau ka dom labik. Danak dak “Ilamo Thái Lan harei puac adit” kayua Đại sứ quán Thái Lan pak Hà Nội pambuak haong Mentri Ilamo Thái Lan, Kadung jien Thái Lan saong Muyim Bangsa bac Việt Nam peih ngak piah patagok bruk giao lưu ilamo di dua negar.

Patui di ini lac khaw tin ka dom bruk pahadar 84 thun harei padang kapul dam dara cộng sản Hồ Chí Minh:

# Di ban raya Hồ Chí Minh, Ban Bí thư Trung ương Đoàn peih bruk pahadar 84 thun harei padang kapul dam dara Cộng sản Hồ Chí Minh saong alin Giải thưởng Lý Tự Trọng thun 2015.  Dalam praong praong di tuk peih bruk, urang jakar saong urang doan, dam dara dalam taneh ia ba gauk hadar veik jalan 84 thun sajarah dak padang, ba pren yava saong praong tagok di kapul dam dara Cộng sản Hồ Chí Minh. Hala dok Đoàn hadah hadai hu ba dom rai urang ranaih umo yam tapa dom kan kandah, glaih glan, khang hatai anak kol khamang. Tapa nan, Trung ương Đoàn alin harak meyaom ka 84 urang hadah trah dalam taneh ia hu giải thưởng Lý Tự Trọng thun 2015. Ini lac dom urang jakar Đoàn, urang doan ngak hu rilo bruk praong, rik daong ka bruk dak padang saong khik caga negar. 

# Pahadar 84 thun harei padang kapul dam dara Cộng sản Hồ Chí Minh (26/3/1931 - 26/3/2015), Tỉnh Đoàn Quảng Trị bahrau peih bruk pok meyaom 84 Bí thư chi đoàn xuất sắc pakat tỉnh thun 2015. Pachreih tui bruk pakacah di Trung ương Đoàn ba tabiak, dom pakat bộ Đoàn angaok địa bàn tỉnh Quảng Trị hu abih hatai pakacah peih ngak dom công trình, bruk ngak hu mboh anak meta, dak padang tổ chức Đoàn dak harei dak khang kajap. Ngan haong angan “Hadah mbaok yam takai ala hala dok di Đảng”, dam dara ranaih tỉnh Quảng Trị hu nao akaok peih ngak dom danak dak, phong trào rik daong tame bruk ngak công nghiệp hóa, hiện đại hóa taneh aia…

# Ban chấp hành Đoàn tỉnh Sơn La pambuak bruk saong sang thiếu nhi tỉnh Sơn La peih harei pataom “Thiếu nhi bui khang – yam takai tagok Đoàn”. Ini lac bruk ngak Đội siam mekre, makna daong ka dom adei thiếu nhi pasram pren yava saong hatai siam, takre jang bac megru. Harei pataom pachreih jaik 1000 anek saih, thieu nhi mai meng dom sang bac : sang bac pakat sa Quyết Thắng, pakat dua Chiềng An, mầm non Chiềng Lề... ngan saong dom bruk ngak chreih chrai ye : ném còn, tamia dân vũ cộng đồng, kéo co, caoh blaong ̉... Adei Quàng Trường Lâm, sang bac pakat dua Chiềng An khan lac: Harei ini dahlak hu mbaok tame harei pataom ini dahlak biak bui sambai, dahlak kham merat ba abih pren yava drei paih gam tui jalan nao di dom saai, gam yam takai  tagok đoàn.

Khaw tin dunya:

# Urang jakar ngak praong di Ôxtrâylia brei thau, dalam ralo bilan tapa, dom jabat pacang cakak khủng bố negar ini hu pacang cakak takik abih 200 urang, dalam nan hu ralo dam dara, du lịch tapa Trung Đông piah hu mbaok tame dom kapul nyaom khủng bố saong cực đoan. Meng akaok bilan, urang jakar negar ini pacang cakak hu 3 urang daok ranaih, umo meng 16 saong 17 nao tal labik pandiak daok mesruh gauk pak Trung Đông. Bộ nhập cư saong pacang khik tapen negar Ôxtrây lia brei thau gam gam haong dom kham merat dalam bruk pacang cakak jalan talei tuyển mộ angaok mạng, lực lượng chức năng Ôxtrâylia daok patagok dom bruk ngak pak mblang kapal haok, pabah lamnge saong pabah mbang tapen negar. 

# Tui jalan nao bahrau piah pasiam talei pambuak bruk saong Cuba, karja di Tổng thống Ba-rắc Ô-ba-ma (Barack Obama) barau brei klak taong phat ngan saong 59 thực thể dalam "danh sách juk " ngak mbang saong Cuba.  Jabat khik ramik drap ar taneh ia langiu di mintri jien padai Mỹ hu  ba angan 6 urang, 37 doanh nghiệp, 16 kapal gilai praong tabiak truh angan taong phat. Rilo doanh nghiep barau hu  klak angan nan, hu dom công ty lữ hành saong kapal tàu đường hu jabat di Pa-na-ma saong Flo-ri-đa. Meda ndom lac, quyết định barau ba tabiak nan hu taong yaom lac bruk siam ka gah doanh nghiệp Mỹ, dom urang daok kuhria tame darak pasal tiem nang di taneh ia pulao kaoh ini, abih di nyu nan lac gah du lịch, vận tải.  

# Dalam tukvak nao rivang Nhật Bản, Tổng thống Indonesia Giô-cô Uy-đô-đô hu sanya sangka tal dom hatai caong khin di dom urang đầu tư Nhật Bản pak Indonesia. Hu mbaok dalam diễn đàn kinh doanh ngan haong labaih 1.000 doanh nhân Nhật Bản saong urang jakar negar po sang, Tổng thống Jokowi saong dom quan chức dalam lĩnh vực kinh tế, thương mại, đầu tư di Indonesia hu tui pang saong langyah dom tavak tave daok kandaong veik dalam hợp tác đầu tư di dua negar. Dalam khu vực ASEAN, Indonesia nan lac labik mai ka 3 đầu tư di Nhật Bản, hadei di Singapore saong Thái Lan./.