# Tame harei ngak bruk akaok meti di adit ngak bruk ka 2, harei ini 26-10, Quốc hội nyaom taong abih pak hội trường pang Harak khan brei thau langyah, taduan mek, chỉnh lý dự thảo Hukum tố tụng dân sự (pasiam veik) saong ginum biai pak hội trường ka dom asal kadha daok hu panuac karei di gauk di dự thảo Hukum ini. Dalam adit ngak ini, Quốc hội ginum biai ka dom asal kadha daok hu panuac karei di gauk di ralo hukum yau: Dự thảo Hukum tố tụng hành chính; Dự án Hukum quân nhân chuyên nghiệp saong urang jakar urang ngak gah quốc phòng..v..v.

 # Taduan panuac daa di Thượng tướng Aslvaro Lospez Miera, Ủy viên mintri Chính trị, Thứ trưởng mintri Quốc phòng, akaok Tổng Tham mưu dom tapon nyom bol pan phao kraong cách mạng Cu Ba, kapul urang jakar Quân sự pakat glaong bol bala bhapbini Việt Nam kayua Đại tướng Đỗ Bá Tỵ, Ủy viên Trung ương Đảng, akaok Tổng Tham mưu, Thứ trưởng mintri Quốc phòng ba akaok nao ravang Cu Ba meng harei 24/10 tal harei 2/11/2015. Dalam mbang ravang ini, dua gah klah rabha bruk patagok kinh te xa hoi di yaok taneh ia, bruk dunya saong khu vực bo dua gah daok sangka .

 # Pak bal Sơn La, Đoàn dam dara khối dom jabat tỉnh Sơn La bahrau dang tabiak peih “Harrei pataom dam dara khối dom jabat tỉnh, bal gah Barak mbang ka X, thun 2015”. Hu mbaok dalam harei pataom hu 300 urang lambaok mai meng 23 tỉnh, bal gah Barak. Ong Phạm Xuân Thủy, Bí thư Đoàn Khối dom jabat tỉnh Thái Bình lac: Khaol dahlak caong khin, hu mbaok tame harei nyaom dam dara naih ghaih khaol dahlak meda klah rabha dom bruk ngak di yaok jabat, tapa nan taduan mek saong bac megru dom bruk ngak siam di dom jabat karei ba mai tham mưu ka Thường trực Đảng ủy khối piah ngak habar ba bruk ngak siam nan di Đoàn dam dara khối dom jabat dak harei dak siam mekre jang.

  # Mintri Giao thông vận tải saong Ủy ban bhapbini ban raya Hồ Chí Minh barau peih bruk padang ngak jalan dui pagam đại lộ Võ Văn Kiệt saong jalan cao tốc ban raya Hồ Chí Minh – Trung Lương. Jalan ini atah 2,7 km, praong 60 m. Dalam tukvak sa, po dau tu padang ngak dua jalan song hành, yaok gah praong 14met meteh, hu 4 làn radaih. Taneh caik piah di kreh hu pala hareik. Tukvak hadei hu padang njauk tui quy hoạch, hu dua nút jalan karei di dua akaok tuyến saong 2 tatua jalan nao takai. Tui kuhria, jalan dui pagam ini meda ngak blaoh hadei di dua thun.

  # Jit cúm menuk ada H5N1, H5N6 daok tamuh khang pak tỉnh Nghệ An. Kayua yau nan ye, tỉnh ini hu pandar dom puk palei pambuak bruk catang haong gah thú y saong dom gah pambuak pagam patagok bruk khik iek dom van raong menuk ada, dom labik pablei salih menuk ada pajaih, dom labik thik raih menuk ada saong dom labik pablei salih menuk ada dalam tỉnh. Urak ini gah thú y daok pambuak haong dom puk palei dalam tỉnh saong dom gah pambuak pagam peih bruk kluak pabak vắc xin pacang cúm menuk ada ka tapul menuk ada oh ka kluak jru pacang caga dalam bilan thu thun 2015.  

#  Di ban sit Phan Thiết, tỉnh Bình Thuận barau pahadar bruk Nhật thực toàn phần atah di ini 20 thun. Bruk nhật thực toàn phần di harei 24 bilan 10 thun 1995 lac sa kadha oh var hu di gah du lich Binh Thuan. Meng sa palei tasik kathaot takik thei thau tal, Phan Thiet urak ini jeng sa labik hu rilo tuai du lich dalam taneh ia saong dunya. Tapa nan, uy mban bhapbini tỉnh Bình Thuận hu pok meyaom 43 labik saong doanh nghiệp gam saong 23 urang hu rik daong biak rilo ka bruk patagok di du lịch Bình Thuận dalam tukvak tapa.

 # Kapul Pachreih bac di Ủy ban bhap bani bal raya Hồ Chí Minh bahrau peih harei nyaom ilamu pachreih bac, pahadar 15 thun danak dak pok jien bac pachreih bac, pok brei jien bac pachreih bac thun bac 2015-2016 ka labaih 740 sinh viên. Meng 5 sinh viên akaok meti taduan mek hu pok jien bac thun 2000, tal ini hu jaik 2.200 sinh viên taduan mek hu pok jien bac di labaih 450 urang ngak pahala saong 38 công ty ngan haong yaom jien 17,3 tỷ đồng.

Khaw tin dunya

# Thủ tướng Ba Lan Ê-oa Kô-pắc (Ewa Kopacs) di Đảng Cương lĩnh công dân (PO) brei thau lac drei lah dalam mbang pilih ruah urang ka Quốc hội rah tabiak harei kabroi  25/10.  Tui sa mbang duah thau hatai sahneng di bhap bini hu peih ngak hadei di tuk dom labik buh phieu kareik bambang di 9 tuk melam  25/10, Đảng Cương lĩnh công dân tok hu 133 dalam abih tih 460 kik di Hạ viện. Dalam tuk nan Đảng Pháp luật saong Công lý bảo thủ (PiS) hu 242 kik, samu 52,6% dom kik di Hạ viện, ginup piah đảng ini padang rajaei barau bo oh njauk pambuak bruk saong dom đảng halei. Jeng tui pasang iek hadei di tuk pilih ruah, cử tri nao buh phiếu hu 51,6%, tagok jaik 2,7% duk saong mbang pilih ruah yau nan di thun 2011.

# Dom urang pal akaok Liên minh châu Âu saong dom negar Ban-căng bahrau peih ginum chip ka bruk khủng hoảng tị nạn dalam tukvak 3 negar bhum Ban-căng brei thau lac meda kareik pabah mbang tapen negar meyah dom negar Bắc Âu padeih bruk taduan raok urang tị nạn. Nyaom biai thượng đỉnh hu peih tabiak tui panuac iew di Akaok Uỷ ban châu Âu Giăng- Clôt Giăng- cơ ngan haong bruk hu mbaok di dom urang dang akaok 10 negar Liên minh châu Âu dalam nan hu Thủ tướng Đức Angiêla Mecken gam haong dom urang dang akaok negar Anbania, Xecbia saong Maxêđônia. Akaok Uỷ ban châu Âu Giăng cơ brei thau, nyaom biai thượng đỉnh ini nan lac bruk njauk peih ngak chip piah jhul pakhang talei pambuak dalam jalan ngak ka bruk khẩn cấp urak ini.

 # Gah y te Hàn Quốc barau brei thau sa urang taneh ia ini dahlau thiah gaok Hội chứng hô hấp bhum Trung Đông (MERS) saong daok siam veik hadei di tuk hu xét nghiệm âm tính, metai harei 25/10, patagok abih tih urang metai kayua jit ini pak ini tal  37. Tui pathau khan, urang ruak daok di tukvak pasiam, hu ghép phổi piah daong min oh ka siam abih saong metai di pagaiy hadah harei 25/10. Urak ini di Hàn Quốc tok daok sa urang ruak MERS. Urang ruak umo  35 thun ini dahlau thiah xét nghiệm mboh âm tính saong virus MERS min jaik ini xét nghiệm mboh dương tính veik./.