# Patui veik danak dak mbang nyaom ka 10, page ini 26/11, Quốc hội biểu quyết brei tapa Sarak peih ngak chế định Thừa phát gilac; Hukum quân nhân chuyên nghiệp saong urang ngak, urang jakar gah quốc phòng saong ginum biai pak hội trường ka hukum báo chí (pasiam veik). Biar harei ini, Quốc hội biểu quyết brei tapa Sarak phê chuẩn Nghị định thư pasiam veik Hiệp định padang Gah pablei salih dunya (WTO);  Hukum padang jabat điều tra hình sự saong ginum biai pak hội trường ka dự án Hukum ka hội.

 

# Di HN Đại tướng Trần Đại Quang, Akaok mintri Công an bahrau taduan raok ong Xéc-gien-cô I-go Pê-trô-vích (Sergienko Igor Petrovich), Phó akaok Ủy ban An ninh negar Cộng hòa Belarus. Ong Trần Đại Quang brei panuac dhar phor bruk dong brei hu siam lagaih di Ủy ban An ninh negar Cộng hòa Belarus ka mintri Công an Việt Nam. 

 

# “Njauk hu sa sarak cambaih laih ka khik iek rủi ro dalam bruk ngak nong” nan lac asal kadha di nyaom biai “Brei thau Harak pathau khan Dự án Daong padang bruk khik iek rủi ro ngak nong tapa pambuak bruk công - tư pak Việt Nam” kayua Menti ngak nong saong patagok palei pala pambuak haong jabat Pambuak bruk patagok dunya Tây Ban Nha bahrau peih tabiak harei kabroi (25/11) pak Hà Nội. Dự án hu peih ngak meng bilan 7/2013 tal bilan 11/2015 piah patagok pren khang ka bruk khik iek rủi ro dalam bruk ngak nong, daong jhul patagok bảo hiểm ngak nong tapa pambuak bruk công - tư pak Việt Nam.

 

# Hadei di 3 bilan peih ngak Quyết định 28 di Thủ tướng rajaei ka bruk brei mesraiy ka boh sang kan kathaot, di tỉnh đắc Lak hu labaih 2 ribau 700 boh sang hu mesraiy labaih 68 tỷ đồng. Meng ni tal abih thun, gilang pariak meda brei mesraiy labaih 30 tỷ đồng ka sang bahrau tabiak truh kan kathaot. Ong Nguyễn Tử Ân, Akaok gilang pariak sarak karja tỉnh Đắc Lắc, brei thau: Kol hulin pambak tame pok jien di TƯ saong pandar phun jien meng dom daqnak dak brei mesraiy ka anek saih, SV, danak dak brei ka boh sang kan kathaot, boh sang bahrau yam tapa kan kathaot, meyah oh dok urang halei kan thaot ye kol hulin salih tapa danak dak brei ka boh sang bahrau tapa kathaot mesraiy.

 

# Tui kuhria mboh di Tổng cục Thống kê: tuai damuai dunya mai Việt Nam bilan 11 ini tagok jaik 13% dut haong bilan dahlau saong rilo jang 20% dut haong tukvak ini thun dahlau, mek hu jaik 733 ribau tuai damuai. Dom chuyên gia roh duah saong dom jabat ngak mbang gah du lich brei thau: hu patagok yau nan,  lac kayua du lịch Việt Nam daok tame tabung glaong bilan tuai damuai dunya mai Việt Nam jeng daok dui atah tal abih thun ini tapa akaok thun 2016. Sarak miễn visa jeng lac sa dalam dom kadha bahrau pachreih tuai damuai dunya meng 5 darak pasar châu Âu tal Việt Nam…       

# Di ban sit Đồng hới ( Quảng Bình) kapul ngak pahla AFEPS (Pháp) bhian dong gah y tế song patao pakai pambuak bruk song kapul dong urang jaoh jo song uranaih metui medar tỉnh Quảng Bình bahrau brei 9 radeih lăn ka uranaih jaoh jo dalam tỉnh. Dom urang taduan radeih lăn jeng hu rai duik kan kandah mai meng dom xã Tân Thủy, Ngân Thủy, Hoa Thủy di huyện Lệ Thủy; xã Vạn Ninh, Hiền Ninh song ban sit Quán Hàu di huyện Quảng Ninh song ban sit  Đồng Hới. 

 

# Urak ini, 37 kapul lingiu rajaei negar langiu tut angan tame bruk ngak daong ka tỉnh Bến Tre. Dalam nan, hu dom kapul hu pambuak haong Bến Tre labaih 20 thun yau: kapul hở cambuai, kapuldaong uranaih Việt Nam – Nhật Bản, Kadung jien Dân số Liên hợp quốc… Tukvak tapa, tỉnh Bến Tre jak ba hu ralo dự án, yaom jien daong phi dự án ngan haong ralo bruk ngak ba mai kein laba ka bhap bani, abih di nyu nan lac urang kathaot daok di palei pala.

 

Khaw tin dunya:

# Di jabat mintri Ngoại giao Lào di ban ine Viêng chăn (Vientiane) - Đại sứ Việt Nam di Lào Nguyễn Mạnh Hùng hu mai tadhau yhut urang dang aokak mintri ngoại giao Lào tuk pahadar 40 thun harei negar Cộng hòa dân Chủ bhap bini  Lào (2/12/1975-2/12/2015). Di labik ni, Đại sứ brei mboh hatai thua dar phol ngan song bruk dong biak prong di Đảng song bhap bini Lào brei ka VN, jia lac talei pambuak bruk di 2 negar miet miet hajao mekre khang kajap.

 

# Harei 25/11, Mentri Giao thông Indonesia brei thau negar ini brei patagok bruk khik caga pak dom mblang kapal haok hadei di tuk mehit lac sa mblang kapal haok di bal ine Jakarta njauk đe dọa dalam tukvak rah tabiak dom mbang khủng bố angaok dunya. Tui nan, dom jalan patagok an ninh hu peih ngak meng harei 24/11, gah chức năng brei peih bruk pasang iek dom hành lý saong pandap panda, pasang iek ngẫu nhiên dom sruh radaih tame tabiak mblang kapal haok, taphia di nan ngak catang bruk pasang iek duah thau dom urang daok ngak bruk pak mblang kapal haok.

 

# Mban peih ngak nyaom biai Liên hợp quốc ka bruk Biến đổi khí hậu COP21 harei kabroi 25/11 hu khan lac, mbang nyaom camereip dalam dom nyaom biai di Pari Pháp, mbang ni hu peih dahlau sa harei  piah hu tuk vak ngak salah bruk ginum biai ka dự thảo Gói khí hậu Pari (Paris Climate Package).. Tui kuhria hu 147 urang dang akaok negar song urang dang akaok rajaei dom negar di dunya mai hu mbaok di nyaom biai mbang ni di Pari song cong khin mek hu sa bruk ngak siam piah patrun bruk biến đổi khí hậu boh taneh./.